Eberewu 9:4 - Mazu Otchena a Mulungu

⁴ Muwari mwa Nimburo Notchenetchetcha nne mwafwanyeya mwana basiya notumeyamo jonukela nasakanyiwe na oru eto mofwanyeya Kaxa ya Yopangana ya Nabwiya yasakanyiwe na oru. Eto muwari mwa Kaxa ile mohokala ikumbuzo ya Arawu yenno yapwetile, na mabwe osemiwa a yopangana, na yombwe ya oru mwafwanyeya mana.

Eberewu 9:4 Iomraidhean Croise

1 Amwene 7:50

makopo, jengo jotimihana panti, mabasiya, matijela ohelamo jonukela jatumeya atu, matijela otukulana makalra ohinda kagali a oru ohogumanihiwa na yengo imohiwa, na madoburadisa para milango da vasala yafwanyeya muwari ku wonga Nimburo Notchenetchetcha eto para musuwo wa vamulangoni vovolowela dagali eto da oru.

1 Amwene 8:21

Eto dihisakanya nimburo nohelamo Kaxa ya Yopangana mwemo munafwanyeya matabwa a yopangana yenno Yehova asakanyile liye na ababihu agaakumihile ilambo ya Ijipitu.>>

1 Amwene 8:9

Muwari mwa Kaxa ya Yopangana mule kamwali yengo imohiwa ahali mabwe menli osemiwa nnga matabwa anno mulombwana Mozeji ahenlemo liye agali Orebi wewo Yehova wasakanyile liye nipangano na Ana Izarayeli kagakumile ilambo ya Ijipitu.

Ezodu 26:33

Evale wagaimetchile mambozo ale, utukule kurtinele, udowe wakokihe na jokokihana jile. Kurtinele inokala madilre ogawa Nimburo Notchena na Nimburo Notchenetchetcha. Eto utukule Kaxa ya Umboni uhele Nimburo Notchenetchetcha nne.

Ezodu 31:18

Evale Yehova agamanle wonga na mulombwana Mozeji mwango Sinayi ule, ohonvaheda mabwe menli a Umboni, kagali mabwe osemiwa nnga matabwa, vevo Mulugu mwinnya valrembile liye na ibuno yaye.

Ezodu 32:15

Noira eno, mulombwana Mozeji ohorungunuwa, atitaga mwangoni ule aganna mabwe menli osemiwa a Umboni mmandani mwaye, mabwe amenlene olrembiwa pandi dambinli dene, wu na wu.

Ezodu 34:29

Mozeji tempu yatita liye mwango Sinayi ule aganna matabwa menli a mabwe a Umboni mmandani mwaye, wintoni waye wojerimelaga na mwasa owonga na Mulugu. Mbwenye liye kaiziwile ira wintoni waye wojerimela.

Ezodu 37:25

Eto ohotukula matabwa a mukexa, liye sakanyana ibuwa yotumeyavo jonukela. Lapa uwa ali masentimeturu 45 eto rambalala uwa ali sawasawa masentimeturu 45. Eto regama uwa ali masentimeturu 90. Komo dannayi dene da ibuwele, matabwa kali mmwendoni, ohosemamo manyanga.

Ezodu 39:35

Kaxa ya Umboni vamohi na jimiri jiwa jotembana eto vamohi na Tampa Yosembeselrana,

Ezodu 40:3

Wamala kunga musasa ule, uvolotchihe Kaxa ya Umboni. Amala ukunge kurtina yogawa Nimburo Notchena na Nimburo Notchenetchetcha sogolro uwa ira kurtina ile ibarele Kaxa ile.

Detoronomiyo 9:11

Magomelo wa malambo 40 ntana na mahiyu ale, Yehova ohodivaheda mabwe menli osemiwa nnga matabwa ale, anno valrembile liye yopangana.

Detoronomiyo 9:9

Mwa enne miyo dagagwenle mwangoni ira dawatchele mabwe osemiwa nnga matabwa, vevo valrembiwe yopangana Yehova asakanyile liye na hiyo, dohomalawo mwangoni ule malambo 40 ntana na mahiyu. Muwari mwa malambo matene anne miyo kadadjile pawu nne kadang'wile mahindje.

Jowandeliwa 11:19

Noira eno, Nyumba ya Mulugu inafwanyeya zulu yohuleya. Evale yohooneya Kaxa ya Yopangana ya Mulugu yafwanyeya emule. Noira enne, mohokalaga jerima, kukuma undimuwa, ndari, indarandara vamohi na maralaza madjindji.

Jowandeliwa 8:3

Noira eno, ohozaga mungelro mmohiwa wa vaheno vene aganna mmandani mwaye yotumeyelamo jonukela yosakanyiwa na oru, liye dowa imela wandamelana ibuwa yosakanyiwa na oru, yenno inafwanyeya vasogolro va mpando wa umwene. Mwa enne ohovahiwa jonukela pwi ira atumeye amala agumanihe na jolobela ja atu otchenihiwa adowe avelele vaibuwani vale.