Eberewu 8:8 - Mazu Otchena a Mulungu

⁸ Mbwenye ira Mulugu asakanye yopangana imohiwa, liye ere ona ira atu kohoviringaniha yopangana yoromele. Mwa enne pawonga liye ira: <<Kavuruwanani inafuna miyo wonga dagali Nabwiya! Inoza ifiye tempu inafuna miyo sakanya Yopangana Ixa mwa aIzarayeli na akuda Juda.

Eberewu 8:8 Iomraidhean Croise

Izaiya 55:3

Mureye mabaru eto muze wa miyo. Mudivwe miyo vano ira mukayena ingumi. Miyo nnosakanya yopangana yohomala na nyo. Eto nnouonihani zivela waga wohotchindjeya nnga mwapanganne miyo na Davi.

Matewuji 26:28

Tchoira ti sangiri na yopangana. Sangiri naga muwari motatiya, atu adjindji anokurumuweliwa jotega.

Markuji 14:24

Vevale ohawandela anamamuharaye eraga: <<Ni ti sangiri naga, sangiri na Yopangana Ixa, neno nnatatiya para atu adjindji kakale pama.

Lukaji 17:22

Evale ohawandelaga anamamuharaye eraga: <<Anoza kafiye malambo munafunege nyo nnga muone siku na Mwana wa Mutu nagafiyile. Mbwenye malambo anne kiza iireya.

Lukaji 22:20

Kagamanle dja, ohoirana yengo imohive, liye tukula kopo, avaha aawandelaga eraga: <<Kopo ila tchi kopo ya sangiri naga, neno nnatatiya para nyo muwari mokunga Yopangana Ixa.

Lukaji 5:38

Mbwenye ifwanenle ira vinyu muxa aheliwe mutembeni muxa.

1 Korinto 11:25

Na makalelo amohive, kagamanle jantari, Yesu ohotukula kopo, liye wonga ira: <<Kopo ila tchi kopo ya yopangana ixa zela sangiri naga. Vanang'wege nyo kopwela, mung'wege modiumbuwela miyo vano.>>

2 Korinto 3:6

Liye gunivahile iwandelo ira nikale anamalaba a Yopangana Ixa yenno inalaba muwari mwa Munemba hiya yolremba. Tchoira yolremba inopa mbwenye Munemba unavaha ingumi.

Detoronomiyo 29:14

Yopangana ila inasakanya miyo muwari molumbela, kannasakanya na nyove bahi,

Eberewu 12:24

Mufiyile wa Yesu, mwinnya ukungile Yopangana Ixa. Mufiyile wewo uli sangiri niwokiwe nnawonga pama nohiyana na sangiri na Abeli.

Eberewu 7:22

Muwari mwa yolumbela ya Mulugu, ku tapulela Yesu unonivaha ibaribari ira Yopangana Ixa ili pama hiyaniha na Yopangana ya Wanle ivirile.

Eberewu 8:13

Mulugu awongaga zela Yopangana Ixa, ku wonga tempu yowenda na Yopangana ya Wanle yafuna imale. Eto eni tempuwa ihifiya ira yenno yafuna mala igome. Ihiwaheya eto ihanle vang'ono ira idimele wene.

Eberewu 8:6

Eto fwanyeya ira Kiristu mabasa uvahiwe liye bokwaranya mabasa kalaba anamakuta a wanle, sawasawa nnga yopangana ikungile Kiristu vari va Mulugu na atu tchapama kwaranya Yopangana ya Wanle. Tchoira yopangana inalabana Kiristu isakanyiwe na mapangano apama kwaranya mapangano a Yopangana ya Wanle.

Eberewu 9:15

Nona pa evo vanawanda Yesu kala namasogolrelra wa Yopangana Ixa vari va Mulugu na atu. Muwari mwa Yesu atu atene oitaniwa anowanda watchela jorayela johokana mala uwa, jejo japanganne Mulugu ira aavahe. Tchoira Yesu ohokwa ira aawombole aliba itaniwa zela mwa jotega jaira atu muwari moviringaniha yopangana yoroma.