Eberewu 8:5 - Mazu Otchena a Mulungu

⁵ Anamakuta a mwilamboni ya vati muno jinalaba atu jinakala nnga yofwalrafwaniha, jinakala nnga nfulri wa musasa wa ibaribari unafwanyeya ilambo ya zulu. Tchoira Mozeji afunaga imetcha Musasa wa Yehova, liye owandeliwa na Mulugu ira: <<Uing'ane pama ira uwande sakanya jatene molingana na makalelo duonihile miyo mwangoni uno.>>

Eberewu 8:5 Iomraidhean Croise

1 Koronika 28:12

Eto ohomuoniha makalelo afuna kana ntando na Nyumba ya Yehova, kwartu datene dowerewera nyumbele, mokoya jorayela ja Nyumba ya Mulugu na mokoya jengo jotchena javeleliwa wa Mulugu.

1 Koronika 28:19

Davi ohowonga eraga: <<Yehova gudiwandenle makalelo matene dilrembile miyo ala zela nyumba inafuna mangiwa na joharela jiwa jatene.>>

Ezodu 25:40

Uing'anetchetche pama ira uwande sakanya jatene molingana na makalelo nnauoniha miyo mwangoni uno.>>

Ezodu 25:9

Jatene jinafuna miyo uoniha zela makalelo osakanyeda musasa vamohi na fwaramento diwa datene, usakanye na makalelo amohive anno.>>

Ezodu 26:30

Wamala sakanya jatene, unoimetcha Musasa wa Yehova molingana na makalelo duonihile miyo mwangoni uno.

Ezodu 27:8

Ibuwa ya mukuto ile musakanye na matabwa eto muwari muwa mukale pawo, molingana na makalelo duonihile miyo mwangoni uno.>>

Matewuji 2:12

Mbwenye kahanavenyihane ira kawelele mundulri, kohowandeliwa morohani ira kahawelele wa Erodi. Novwa mazwale, kohogundeya, kaharaga ndila imohiwa, aliwa dowaga waniwa.

Joira ja Anamarumiwa 7:44

Estevawu ohowongagave eraga: <<Makolo ehu kawendawenda muisalesaleni na Musasa wa Yehova wa umboni. Ira kakayena musasole, Mulugu gwamuwongilena Mozeji ira asakanye musasa, amuonihaga makalelo matene afuna liye sakanya.

Koloso 2:17

Tchoira jatene jejo jinakala nnga nfulri wa jengo jinafuna za. Hiyo nihiiziwa ira nfulri kahi yengo ya ibaribari, mbwenye ya ibaribari unafwanyeya agali Kiristu mwinnyiwene.

Eberewu 10:1

Muwari mwa malamulo munafwanyeya nfulri bahi wa jengo japama jinafuna za sogolro. Mbwenye malamulo kahi jengo japama jiwa jinatonyihediwa muwari mwa nfulri. Nona malamulo tchawanda akwakwaneliheda atu anne kamukwivela Mulugu ira kamutamalele muwari mwa mikuto, masiki aliwa kavelelege mikuto dimohive kada yaka.

Eberewu 11:7

Mwa nroromelo mulombwana Nowe agawandeliwe zela jengo jafuna za ireya, jejo ora yenno jali jahanaoneye, liye muwari momutitimiha no muova Mulugu, ohosema mwadeya ira liye na atu a vande vaye kavuluwe. Muwari moirana eno, Nowe ohagwihana mulandu atu atene kafwanyeya mwilamboni ya vati eto liye kala mutu oing'anela watchela upama wenno unazela muwari mwa nroromelo.

Eberewu 12:25

Polre polre tawiha ira munoza mmukonde wenno unawonga. Tchoira wanle atu anno kamukonda wenne aawendjeliha mwilamboni ya vati tchawandile wombowa. Ki eto nankonda mutu wa ilambo ya zulu unaniwendjeliha, nnafuna niwombowe avi?

Eberewu 13:10

Hiyo nihikana ibuwa yehu. Mbwenye anamakuta anno analaba vaMusasani va Yehova wa ilambo ya vati kinawanda dja jodja jejo jinafwanyeya vaibuwani vehu.

Eberewu 9:9

Jatene eji jali jofwalrafwaniha para tempu ili hiyo ila. Tchoira mwa tempu yenno mabasa kalaba anamakuta kavelelaga jovelela na mikuto, ejo kajawanda sakanyeda mmirimani mwa aliba mutamalela Mulugu ale ira kahakayena yowanganyeda zela vali atu.

Jozuwe 22:28

Hiyo naumbuwela ira siku nimohi jaza jiireya jengo nnga ha jeji, hiyo owu hehi ahimihu nnoza niwonge ira: <Kaing'anani eto, ababihu kohosakanya ibuwa yolingana na ibuwa ya Yehova. Ibuwela tchasakanyiwe ira nikutegevo mikuto dotumeya, nari mikuto dimohi diwa, nari. So ibuwela isakanyiwe ira ikale umboni wa nyo na hiyo.>

Jowandeliwa 15:5

Noira enne, miyo dagaing'anne, dohoona Nimburo Notchenetchetcha na Musasa wa Yehova zulu nagahuleyile.