Eberewu 8:2 - Mazu Otchena a Mulungu

² Liye unalaba mabasa mamburo otchena muwari mwa Musasa wa Yehova wa ibaribari wenno ukungiwe na Nabwiya hiya musasa okungiwa na atu.

Eberewu 8:2 Iomraidhean Croise

Ezodu 25:9

Jatene jinafuna miyo uoniha zela makalelo osakanyeda musasa vamohi na fwaramento diwa datene, usakanye na makalelo amohive anno.>>

Ezodu 28:1

Yehova ohowongaga na Mozeji eraga: <<Muwari mwa Ana Izarayeli atene, umusakulre mbalawo Arawu vamohi na ahimaye Nadabe, Abiyu, Eliyazari na Itamari ira kafiye vamentoni vawo, kalabege mabasaga a unamakuta.

Ezodu 28:35

Mulombwana Arawu alabaga mabasaye, unerege wara kapa yenno. Belro dile nnerege nla liye avolowaga Nimburo Notchena vamentoni va Yehova nari akumaga, tawiha ira unakwe.>>

Ezodu 33:7

Nimburo nili natene aIzarayeli vakunga atu misasa diwa, Mozeji okungetcha musasa olapela wene na vamisasani vevo vakala Ana Izarayeli, liye vaha musasole nzina na Musasa Ogumanamo. Evale mutu uli watene afuna wonga na Yehova adowa Musasa Ogumanamo wenno afwanyeya unde wa tatamo da misasa.

Lukaji 24:44

Nomala enne, Yesu ohowonga, liye ira: <<Tempu dali miyo na nyo malambo a mundulrimu, dohouwandelani ira jatene jilrembiwe zela miyo mmalamuloni a Mozeji, malivuru a anamafiyiheda na Salmu jinokwakwanela.>>

Roma 15:8

Va miyo nnouwandelani ira Kiristu azaga, aalabaga aJudewu, ali na mwasa okwakwaneliheda mapangano asakanyile Mulugu na makolo a wanle. Ali ira Mulugu aoneye ira awonga yengo unoirana.

2 Korinto 5:1

Maningo ehu ala nnakalamo hiyo mwilamboni muno anafwanyeya nnga musasa. Muwari mobalra jengo johooneya, hiyo nihiiziwa ira musasa wehu ula atolowa, nihikana nyumba imohiwa yokumela wa Mulugu, yohomangiwa na manda, ya mukalakala inafwanyeya ilambo ya zulu.

Koloso 2:11

Vamohive vevo muwari mogumanihiwa na Yesu Kiristu, Kiristu ouinelani. Ineliwa wewo kahi ineliwa na manda a atu. Ineliwa na Kiristu ku wonga Kiristu uhumala uwungulani kopolo da jofuna jenyu ja maningo dawara nyo.

Eberewu 10:11

Muwari mwa Yopangana ya Wanle, malambo matene anamakuta anadowa imela vamabasani viwa, aliwa velelaga mikuto dimohive dedo dahanawanda maliha jotega.

Eberewu 10:21

Hiyo eto nihikana namakuta mundimuwa, wenno unasogolrelra jatene jene jili vande va Mulugu.

Eberewu 11:10

Tchoira liye adediha ira avolowe sidadi yokana aliserisi, yenno ilrembelriwe eto imangiwe na Mulugu.

Eberewu 9:1

Muwari mwa yopangana yoroma yapanganne Mulugu, dohokalawo sanganiko dozela makalelo omutamalela Mulugu. Ohosakanyiwa Musasa wa Yehova mwilamboni ya vati. Musasole agawiwe pandi mbinli. Sala yoroma yaitaniwa Nimburo Notchena, vevo vakala yogoromeyavo panti na meza vaheliwa pawu dedo datapulela ira Mulugu uli vamohi na atwaye.

Jowandeliwa 21:3

Vevale dohovwa nizu nlukulu nakumelaga mpandoni wa Umwene niwongaga ira: <<Kaing'anani, va pa vande va Mulugu, vevo vanafuna liye kalaga na atu. Tchoira Mulugu unakalege na aliwa eto aliwa anokala atwaye. Eto mwinnyiwene Mulugu unakalege na aliwa eto liye unokala Mulugu wewa.