Eberewu 8:10 - Mazu Otchena a Mulungu

¹⁰ Mbwenye malambo a Yopangana ya Wanle kagamanle, miyo nnoza disakanye Yopangana Ixa na aIzarayeli. Yopangana ixa inafuna miyo sakanya dagali Nabwiya tchi ila. Miyo nnotukula malamulo aga, divolotchihe mmuruni mwewa. Nnoza dilrembe malamulo aga mmirimani mwewa. Era eno, miyo nnokala Mulugu wewa, eto aliwa anokala atwaga.

Eberewu 8:10 Iomraidhean Croise

Ezodu 24:4

Noira eno, Mozeji oholrembaga mazu matene amulanyedile Yehova. Noira enne Mozeji ohovenyaga na mabebehene, liye kunga ibuwa ya mukuto, mutcherelani mwa mwango. Eto ohoimelihaga mabwe kumi na menli nnga mambozo, molingana na malogo kumi na menli a Izarayeli.

Ezodu 24:7

Nomala eno, Mozeji ohogudubulraga Livuru na Yopangana, liye ileri atu atene kavuruwanaga. Nomala ileri livuru nne, aIzarayeli kohowonga keraga: <<Jatene jiwongile Yehova, hiyo nnerege irana eto nnerege vwelela.>>

Ezodu 34:1

Yehova ohomuwandela Mozeji eraga: <<Useme mabwe amohiwa menli nnga matabwa, olingana na mabwe oroma ale. Miyo nnolrembavo mazu amohive nnga anno kafwanyeya vamabweni oroma anno utwile we.

Ezodu 34:27

Yehova ohomuwandelagave Mozeji, liye ira: <<Ulrembe mazu anauwandela miyo ala. Tchoira mazwala banno anasakanyana miyo yopangana yaga na weyo vamohi na aIzarayeli atene.>>

Matewuji 22:32

<Miyo dili Mulugu wa Abarahamu, Mulugu wa Izaki na Mulugu wa Jako!> Liye kahi Mulugu wa atu okwa, mbwenye gu Mulugu wa atu okalawo!>>

Roma 11:27

Dakurumuwela jotega jewa, tchi tempu yenno inafuna miyo sakanya yopangana yaga na aIzarayeli.>>

1 Korinto 6:16

Kodi nyo kamuiziwile ira ule unadowa gumana na puta, uli maningo mamohive na liye? Kalaga nnga ilrembiwe mMazuni ira: <<Ambinlene anokala maningo mamohive.>>

2 Korinto 3:3

Nyo munaoneya nnga karta nokumela wa Kiristu, neno nivahediwe hiyo. Eto kamuli karta nolrembiwa na tinta, mbwenye muli nnga karta nolrembiwa na Munemba wa Mulugu Okalawo, neno nahalrembiwe vamabweni osemiwa nnga matabwa, mbwenye nolrembiwa mmirimani.

Detoronomiyo 30:6

Yehova Mulugu wenyu unoza ainele mirima dinyu vamohi na mirima da ahima enyu ira mukale atu omuziveliwa na mmirimani mwenyu mwatene, no kalawo wenyu watene ira muwande kalawo.

Titu 2:14

Yesu ohovelela maningwaye na mwasa oniwombola hiyo ira niwande hiya makalelo oirana jinakondiha malamulo nazana hiyo eto ira anihuwe, nikale atwaye apama, otamangela sogolro niiragana japama.

Eberewu 11:16

Mbwenye ante na vanove aliwa kohokana yoing'anela ira kadowe kavolowe ilambo yapama kwaranya. Ilambo yenno inafwanyeya yagali ilambo yokumela zulu. Nona Mulugu aavwa atu anne kamuitanaga na nzina na Mulugu wehu, liye kananyaswa zela atu anno anawonga eno. Mwasiwa na liyene umala asasanyedela sidadi yewa ira kadowe kakalegemo.

Tiyagu 1:18

Liye ohowanda nikaliha ahimaye mofuna mwaye, muwari mwa mazwaye a ibaribari, ira niwande kala johanda joroma muwari mwa jatene jipandutchile liye.

Tiyagu 1:21

Nona inafwanela muhiye mmambalo jotakala jatene na jabure jatene. Muwendege mopwaseya muiragana mazu anno Mulugu uzanle liye mmirimani mwinyu, anno anawanda vulumutcha kalawo wenyu.

1 Peduru 1:23

Mwasiwa nyo muhubaliwa akoka. Dawongaga ira muhubaliwa akoka, kamubaliwe na mbewu inamela, amala ivunda, nari. Mbwenye baliwa wenyu, mubaliwe na mbewu yohoing'anela vunda. Mubaliwe muwari mwa mazu a Mulugu anno kanna ingumi eto anno kahanna goma uwa.

1 Peduru 2:9

Nyo mbwenye muli nlogo nosakulriwa, muli anamakuta a Umwene, muli ziza notchena, muli atu a ibaribari a Mulugu ira muwandege laleya undimuwa wa wenne uitanneni ira mukume isini mwafwanyeya nyo ira muze muvolowe wareyani waye wotikiniheya.