Eberewu 7:2 - Mazu Otchena a Mulungu

² Eto Abarahamu ohotukula yanekumi ya jatene japile liye kondoni, nvaha Melikezedeki. Nzina na Melikezedeki ninna jotapulela mbinli. Yotapulela yoroma ku wonga mwene wa upama. Eto yanembinli ku wonga mwene wa sidadi ya Salemi. Salemi ku tapulela murendele. Ku wonga Melikezedeki ule ali mwene wa murendele.

Eberewu 7:2 Iomraidhean Croise

Jenesesi 28:22

Nibwe neni nnaimeliha miyo nnga nimbozo ni, nnafuna nikale nnga Nyumba ya Mulugu ira dutamalelegeni eva eto divelelege veva yanekumi ya jatene jinadivahege nyo.>>

2 Samuweli 23:3

Mulugu wa Izarayeli guwongile, Nibwe na Izarayeli gudiwandenle ira: <Mwene wenno unatonga na makalelo apama, mwene wenno unatonga amuovaga Mulugu

2 Samuweli 8:15

Mwene Davi oatongetcha aIzarayeli atene. Muwari motonga, otonga mwa ibaribari eto oasogolrelra mokwakwanela atwaye atene.

1 Koronika 22:9

Evale Mulugu ohopangana na miyo eraga: <Weyo unombala mwana unafuna kala mutu wa murendele. Miyo nnosakanya ira liye akayena murendele na amwidanaye atene anafwanyeya mwatene mwene. Liye nzina naye unaitaniwege Salomawu, tchoira muwari mwa utongi waye miyo nnoavaha aIzarayeli murendele no pwaseya.

Matewuji 1:23

<<Kaing'anani. Namwali ahagumanile na mulombwana unoza akayena vambani, ambale mwana wa mwanapongwe, kanvahe nzina na Emanuwele.>> (Ku wonga ira Mulugu uli na hiyo.)

Lukaji 2:14

<<Mulugu Okwaranya Jatene atitimihiwe eto murendele akale vati vano muwari mwa atu anno anaaziveliwa liye.>>

Roma 3:26

Tempu ili hiyo ila, nagaonne ukwa wa Yesu vamalroni va hiyo atu, hiyo nnowanda ona ira Mulugu kahi mutu olramwisa jotega mbwenye Mulugu gowongowa. Muwari mwa ukwa wa Yesu, Mulugu unomukaliha pama mutu wenno unamuroromela Yesu.

Eberewu 7:1

Tchoira Melikezedeki unamuwonga hiyo ula, ali mwene wa sidadi ya Salemi. Eto mutu mmohive wenna ali namakuta wa Mulugu Okwaranya Jatene. Mundimuwa Melikezedeki eto gwenno agumanne na Abarahamu akumaga kondoni agamanle agondjiha amwene aawanana liye. Evale Melikezedeki agangumannena Abarahamu, ohomureliha.

Eberewu 7:3

Mundimuwa Melikezedeki nne babaye nne mmaye kiiziweyile, nne ziza naye kaniiziweyile. Nne tempu ibaliwe liye, nne tempu ikwile liye, kajiiziweyile. So liye wireve oneya nnga namakuta wa mukalakala nnga Yesu Mwana Mulugu.

1 Samuweli 8:15

Liye unerege tukula janekumi ja mmundani na johanda ja uva, aavahege asogolrelri aye na anamalabaye.

1 Samuweli 8:17

Liye unerege tukula yanekumi ya mabila enyu eto nyo munakala azari aye.