Biblia Todo Logo
Bìoball air-loidhne

- Sanasan -




Eberewu 6:4 - Mazu Otchena a Mulungu

4 Mwasiwa kohokalawo atu ani kagwa, kahawandaga venyihiwa ira katwaruwe akoka. Tchoira aliwa kohoroma watchela ibaribari ya Mulugu, koholawiha jovahiwa ja zulu eto kohokana pandi na Munemba Otchena.

Faic an caibideil Dèan lethbhreac




Eberewu 6:4
38 Iomraidhean Croise  

Era eno unodowa tukula minemba dabure dimohi diwa mitanu na minli dokana makalelo abure omukwaranya liye, aliwa za kalaga mmaningoni mwa mutule. Era enne makalelo ogomiheda a mutule anakala otakala kwaranya makalelo oroma anna liye. Makalelo anna banafuna aireyela atu abure a tempu ili hiyo ila.>>


<<Nyo muli mwinnyu wa ilambo ya vati. Mbwenye mwinnyu yozivele yamalamo, kanawelela kana yoziva ya mwinnyu akoka. Kanakana mabasa para yengo ili yatene. So unatatiliwa bahi ira anyingaliwege na atu.


Wenno ahanakalave muwari mwa miyo unotatiliwa nnga tambi dohokana mabasa. Danyala, namalima unogumaniha, liye dowa vokeda munloni, aliwa ja.


Evale Juwawu ohowakulaga eraga: <<Kalivo mutu unawanda watchela yengo ili yatene ahavahiwe na Mulugu zulu.


Mwa enne Yesu ohomuwakulaga muhiyanole ira: <<Wahaiziwilege yovaha inavaha Mulugu eto wahamuiziwilege wenno unauvepa mahindje, na wenne wogonvepa eto liye ogouvaha mahindje a ingumi.>>


Yesu ohawakula, liye ira: <<Miyo nnafuna duwandeleni ibaribari. Auvahileni pawu ya ibaribari yokumela zulu kaali Mozeji. Mbwenye pawu ya ibaribari yokumela zulu unauvahani gu Baba.


Munemba Otchena ule agaamorenle, atwale kohoroma wonga na viwongelo dimohi diwa dahafundjile atu, kamutamalelaga Mulugu. Evale aJudewu omuroromela Yesu anno kazilege muulrendoni vamohi na Peduru, kagaaonne atu ohokala aJudewu ale kawongaga na viwongelo didjindji dimohi diwa, kohokala otikiniheyene. Evale mulombwana Peduru ohafuka afwaye ale eraga:


Nona miyo evale dohoonamo ira akala Mulugu ohavaha atu ohokala aJudewu Munemba Otchena na makalelo nnga anivahile liye hiyo ora yaromile hiyo muroromela Nabwiya Yesu Kiristu, nnga miyo vano dali ani ira dimurunihe Mulugu?>>


Eto Mulugu wenno unaiziwa murima wa kada mutu, ohahidedela umboni zela nroromelo newa moavaha Munemba Otchena nnga janiirele liye hiyo.


Mbwenye Peduru ohomuwakulaga, liye ira: <<Mulugu autolotche weyo vamohi na kobiri dawo do, mwasiwa weyo unatukula kobiri we funaga ira ugulena yenno inavaha Mulugu.


Tchoira nnafuna nnga dagazile uonani, dulimbiheni muwari mwa yolemelela ya Munemba.


Tchoira aliwa mulugu wewa wa ilambo ya vati ila umala timiha zelru dewa ira kahawande ona moneya wokumela Muselu Wapama ozela undimuwa wa Kiristu wenno unafwanyeya agali nlandaniho na Mulugu.


Tchoira Mulugu wenno awongile ira: <<Moneya uoneye muisini>>, unimoneyela mmirimani mwehu ira anivahe moneya ozela iziwa undimuwa wa Mulugu wewo unafwanyeya vakoveni va Yesu Kiristu.


Miyo nnafuna dufukeni yengo imohi bahi. Ira nyo muwatchele Munemba Otchena, kodi muwatchenle muwari moharihamo malamulo owu hehi muwatchenle mwasiwa mwagavwile mazu, muhukana nroromelo?


Nyo mwaona Mulugu auvahagani Munemba Otchena eto airagana jotikiniha muwari mwa nyo, kodi ejo Mulugu unauirelani mwasiwa muli atu okwakwaneliheda malamulo owu unairana mwasiwa nyo mwagavwile mazu, munokana nroromelo?


Mmirimani mwenyu muhuroma masuwa zela ja Mulugu. Miyo nnoulobelelani ira muwande iziwa pama pama yoing'anela yenno Mulugu iniitanele liye no rayela wapama wohokala wa masika unafuna nyo za kana vamohi na atu atene otchenihiwa eto muwande iziwa


Tchoira na nyenne muhuvulusiwa muwari mwa sayi da Mulugu eto muwari mwa nroromelo. Muwari movulusiwa mule, kilivo iirile nyo ira Mulugu auvuluseni. Vulusiwa tchi yengo yovahiwa na Mulugu.


Mulugu mwa sayi daye, udirumile ira dilaleye Muselu Wapama wenno muwari mwa kopolo daye.


Muwari mwa hiyo atu omuroromela Yesu, kada mutu ukana yolemelela Kiristu invahile liye vasayi.


Malambo a mundulrimu aansiyawu kagagumanne, kohouhela manda eto kohowonga mazu ofiyiheda a Mulugu zela weyo. Muwari mwa emule, weyo ukana ivahiwe we. Kulramwisege yenno ivahediwe we.


Inafwanela eto muzari wa Nabwiya awande asumulula mopwaseya ale anamuruniha. Afwase Mulugu unoavaha aliba runiha ale makalelo ira kawande twaruwa ira kafiyede mwezo oiziwa ibaribari,


Alexandiri wenno unafwanyeya agali namahana momba ohodiirela ubure wohokala wa masika. So unafuna mutambilriha zela jabure jaye gu Nabwiya.


Nyo eto kamudiwale ira malambo mwaromile nyo onelramo ibaribari, mohowanda vilela muwari mwa makatamiho madjindjene ozela onihiwa goyi.


Mulugu eto ohidedela umboni zela Muselu Wapama muwari mwa jionihedo na jotikiniha na jengo johiyana hiyana na jolemelela ja Munemba Otchena Mulugu ugawile liye mofuna mwaye.


Wenno unamuona mbalaye airagana yotega yahananfiyana makwelo, inafwanela liye anvepe Mulugu zela nfwaye ule. Evale Mulugu unonvaha ingumi wenno utegile yotega yahananfiyana makwelo. Ikalawo eto yotega yonfiyana mutu makwelo. Yotega yenno mbwenye miyo kannawonga ira inafwanela nilobelele.


Lean sinn:

Sanasan


Sanasan