Eberewu 6:2 - Mazu Otchena a Mulungu

² Nari kaniwelele jofundja zela jobatiziwa nne jofundjiha jimohi jiwa zela makalelo oahela atu manda, nne zela mavenyelo wa atu kakwile nne zela matongelo ogomiheda.

Eberewu 6:2 Iomraidhean Croise

Izaiya 26:19

Atu enyu okwa anoza kakayena ingumi. Mitembo diwa nnoza divenye. Ale anakala tumbulruni anoza kavenye kaimbe mohagalala. Mwasiwa ningame nenyu ti ningame novaha ingumi. Sawasawa ilambo ya vati inoza yaabale ale kakwile wanle.

Daniyeli 12:2

Eto adjindji anno anagona teyani, anoza karurumuwe, amohiwa kadowaga ira kavahiwe ingumi yohomala, amohiwa kadowaga ira kanyaswihiwe no lramwisiwa wa mukalakala.

Matewuji 28:19

Nona nnourumani ira mudowe mwilamboni ya vati yatene, mwaalaleye atu a malogo matene ira kakale anamadiharaga. Ale anaroromele, mwaabatize na nzina na Baba na Mwana na Munemba Otchena.

Matewuji 3:14

Juwawu mbwenye ofuna jomukonda eraga: <<Miyo gunafuna ira dibatiziwe na nyo. Eto nyo munaza wa miyo ira dubatizeni?>>

Markuji 16:16

Mutu wenno unaroromele jinalaleya nyo eto abatiziwa, unovulusiwa. Mbwenye mutu wenno ahanaroromele unotongiwa.>>

Markuji 7:4

Eto kakumaga merkado, anababiha virihamo mangano matene, kamala, aliwa roma dja. Eto manganuwa anahara atu kahi mang'ono zela mahuwelo a kopo, na mapanela, na jatene jopiyana ja mukuwa, vamohi na nimburo neno nnagarati atu kadjaga.

Markuji 7:8

<<Tcheniyo imohive inera nyo mutukulaga malamulo a Mulugu, muhelaga vammambalo, mutukulaga mangano a atu, muhelaga vasogolro venyu.>>

Lukaji 11:38

Evale muFarizewu ule agamuonne Yesu adjaga eno ahanahambemo, ohotikiniheyaga.

Lukaji 12:50

Eto ukala batiziwa uhanle ira dibatiziwe. Miyo nnokana zuzuma ulukulu fiyeda batiziwa waga umale.

Lukaji 14:14

Waira eno, weyo unorelihiwa. Tchoira waaitana atu osimela, aliwa kinapagalri yenno yaairele we, mbwenye Mulugu gunafuna za upagalri siku na mavenyelo wa atu atene apama.>>

Lukaji 3:16

Juwawu mbwenye ohawandelaga atu kafwanyeyaga evale eraga: <<Miyo nnaubatizani na mahindje, mbwenye ukala unaza odikwaranya miyo, nne miyo eto kadili ofwanela tapula mingohi da sapato daye. Liye aza, unaubatizegeni na Munemba Otchena na munlo.

Juwawu 5:29

Kagavwile, anoza kavenye mokwani. Ale kairana japama, anavenyege ira kakayena ingumi eto ale kairana jabure anavenyege ira kadowe katongiwe.

Joira ja Anamarumiwa 10:47

<<Alombwana, atwala kohomuwatchela Munemba Otchena nnga makalelo namuwatchenle hiyo. Kodi ukala unawanda runiha ira aliwa kahabatiziwe?>>

Joira ja Anamarumiwa 13:3

Vevale kagajejuwarile eto kagalobenle, kohahelaga manda Barnabe na Sawulo, aliwa aruma ira kadowe kalabege mabasa a Mulugu.

Joira ja Anamarumiwa 16:15

Agaroromenle mazu, liye ohobatiziwa vamohi na atu a vande vaye. Nomala eno, ohoira: <<Akala munodiona ira nnomuroromela Nabwiya Yesu, ndoweni mwahaye vande vaga.>> Ohokalelave ntindi fiyeda hiyo rumela dowa haya vande vaye.

Joira ja Anamarumiwa 16:33

Mwa enne yagalive mahiyu, mundimuwa wa kadeya ohomutukula Pawulo na Sila dowa ahuwa vilonda danna atu. Noira eno, liye vamohi na atu atene a vande vaye kohobatiziwa.

Joira ja Anamarumiwa 17:18

Kohokalawo eto anamafundjiha a nikuru na akuda Epikure na nikuru na akuda Estoyiko katapanya na Pawulo. Evale amohiwa kohowonga ira: <<Mutula murambwe. Liye eto unafuna awonge nni?>> Kohokala amohiwa kamuwanganyeda ira: <<Mutula unakala nnga gu namalaleya wa amilugu a ilambo imohiwene.>> Mwasiwa kawongela atu eno, aliwa kavwa Pawulo alaleyaga zela Yesu eto zela venya mokwani.

Joira ja Anamarumiwa 2:38

Peduru ohawandelaga eraga: <<Nyo mwatene mutwaruwe, mubatiziwe na nzina na Yesu Kiristu. Mwaira eno, jotega jenyu jinokurumuweliwa. Eto mwa sayi da Mulugu munomuwatchela Munemba Otchena.

Joira ja Anamarumiwa 2:41

Ale karumenle mazu a Peduru, kohobatiziwa. Evale siku neno wandamelana atu 3.000 kohogumanela vamohi na atu omuroromela Yesu oromale.

Joira ja Anamarumiwa 23:6

Jejile jagavirile, mulombwana Pawulo agaaonne anamatongale, ohoona ira: <<Atwala, amohi ba aSadusewu, amohi ba aFarizewu.>> Mwa enne ohowonga na mazu okuwa ira: <<Abalaga, miyo vano nnafwanyeya dagali muFarizewu, mwana wa aFarizewu. Ira disumeliwe eni, disumeliwe na mwasa okana yodediheda ira atu kakwa, anovenya mokwani. Mulandu unna miyo gwenno.>>

Joira ja Anamarumiwa 24:15

Miyo vamohi na afwaga anadisumela ala, hiyo atene nihikana yoing'anela ira vasogolro Mulugu unoavenyiha mokwani atu atene, apama nari abure.

Joira ja Anamarumiwa 24:21

So miyo mbwenye mulandu dahindiwena miyo, siku naimenlege miyo muwari mwa anamatongale, miyo dohowongaga na mazu okuwa ira: <Ira disumeliwe muwari mwa nyo siku na peno, mwasiwa goira miyo nnorumela ira mutu akwa, unovenya mokwani.> Kukala miyo, mulandu unna miyo.>>

Joira ja Anamarumiwa 24:25

Evale Pawulo awongaga zela irana japama, no vihiyiha jabure, na makalelo Mulugu anafuna liye za tonga, mulombwana Felekisi ohokukumuwa, liye ira: <<Ikwakwana. Ubabihe dowa. Malringana dakana tempu, nnouitana akoka.>>

Joira ja Anamarumiwa 26:8

Nnga mwasiwa gwa nni nyo hawandaga roromela ira Mulugu unomuvenyiha mutu mokwani?>>

Joira ja Anamarumiwa 4:2

Kagafiyile vevale, aliwa kohotakaleliwa mwasiwa kanfwannye Peduru na Juwawu kaafundjihaga atwale, kaalaleyaga venya mokwani muwari momuroromela Yesu.

Joira ja Anamarumiwa 6:6

Alombwana atanu na ambinli ale kohoveleliwa wa anamarumiwa. Vevale anamarumiwa koholobela, aliwa ahela manda, kaahambihaga ira kasogolrelrege jodja jile.

Roma 2:16

Jatene ejo jinoza jiireye nnga munalaleya miyo ira nafiya siku nivitanle Mulugu, liye unoza amurume Yesu Kiristu ira amutonge kada mutu zela malamulo aiziwile liye mmirimani mwaye na joumbuwela jokoyeya jaumbuwela liye mmirimani mwaye.

1 Korinto 10:2

Muwari mosogolrelriwa na murambo mbara mule, tapulela ira atu atene kohobatiziwa ira kakale atu osogolrelriwa na Mozeji.

1 Korinto 12:13

Tchoira hiyo nibatiziwaga, batiziwa wehu watonyiheda ira Munemba Otchena unigumaniha hiyo atene ira nikale maningo mamohive. Masiki aJudewu nari aGerego, masiki azari nari ahali azari, atene nili maningo mamohive. Hiyo atene eto nivahiwa ira ning'we Munemba Otchena mmohive.

2 Korinto 5:10

Tchoira hiyo atene nnoza nifiye mpando otonga wa Kiristu ira kada mutu awatchele yotambilra yaye zela joira jaye jaira liye ora yawenda liye mmaningoni mwaye, akala jali japama nari akala jali jabure.

Filipo 3:21

Liye aza, unotchindja maningo ohokala pama anna hiyo ala ira nikayena maningo nnga maningo okana undimuwa anna liye. Jatene ejo unoirana muwari mwa kopolo dedo nnatongana liye jatene.

Koloso 2:12

Hiyo nibatiziwaga, yafwalrafwaniha nnga nikoyiwe vamohi na Yesu. Eto muwari mobatiziwa, fwanyeya hiyo nihivenya vamohi na Kiristu muwari mororomela kopolo dilukulu da Mulugu wenno uwandile nvenyiha Yesu mokwani.

2 Timoteyo 2:18

Aliwa kohomala peruwa, kahiyaga ibaribari mundulri, ani: <<Kuli venya mokwani umohiwa unadediha hiyo. Venya mokwani umala ireya.>> Muwari mwa mazu ewa ale, ananonga nroromelo na atu amohiwa.

Eberewu 11:35

Ahiyana okweliwa kohawatchela anokwa ewa anno kavenyile mokwani. Mwa nroromelo amohiwa kohoonihiwa goyi eto kohokonda kutchiwa ira kawande venya muwari mwa ingumi imohiwa yapama kwaranya ingumi ya ilambo ya vati ila.

Eberewu 9:10

Tchoira mabasa kalaba anamakuta malambo anno ali mabasa olaba zela jodja na jong'wa na mahuwelo a jengo na jengo jozela maningo bahi. Eto jatene ja wanle jilabile fiyeda ora yazile makalelo apama okwaranya makalelo a wanle ale.

2 Peduru 3:7

Eto Mulugu muwari mowonga waye bahi unokoya ilambo ya zulu na ilambo ya vati jejo jiliwo tchineneva ira vasogolro jitumeyiwe na munlo. Jeji jinafuna jize jiireye siku notonga eto siku nnafuna tolotchiwa atu ohoirana ja Mulugu.