Eberewu 6:1 - Mazu Otchena a Mulungu

¹ Mwa eno, inafwanela hiyo fundja wehu zela Kiristu ukale wodowa sogolro nnga mutu aulukulaga. Hiya welelaga jofundja jejo jifundjile hiyo wanle. Kaniwelele wongaga jengo joroma, ja aliserisi. Ku wonga kaniwelele fundja zela twaruwa mwa joira jokwa no muroromela Mulugu.

Eberewu 6:1 Iomraidhean Croise

Matewuji 21:29

Evale mwanaye ule ohomuwakulaga eraga: <Miyo kannafuna!> Mbwenye agawongile enne, babayele agadowile, liye ohotchindjaga zelru, liye dowawo.

Matewuji 21:32

Mwasiwa mulombwana Juwawu uhuza wa nyo awendaga na ndila ya ibaribari, nne kamufunile rumela jawonga liye. Mbwenye arumenle jowonga jaye ba anamasokiha misoko na aputa. Nyo mbwenye mwagaonne twaruwa wewa, kamufunile tchindja zelru denyu ira muwande rumela jawonga liye.>>

Matewuji 3:2

<<Twaruwani, tchoira Umwene wa zulu uhuwandamela.>>

Matewuji 4:17

Roma tempu yenno Yesu ohoromaga laleya eraga: <<Twaruwani mwasiwa Umwene wa zulu uhuwandamela!>>

Matewuji 5:48

Sawasawa nnga Babinyu wa zulu gokwakwanela, na nyenne inafwanela mukale atu okwakwanela nnga liye!>>

Matewuji 7:25

Agamanle manga nyumbaye ile, ohozaga muzongwe na mahindje otamanga ohokala a masika. Eto nipevo novandaga nyumbele, mbwenye nyumbele tchagwilege. Mwasiwa nyumbele yaimetchiwe vazulu va nibwe.

Markuji 1:1

Roma wa Muselu Wapama wa Yesu Kiristu, Mwana Mulugu,

Markuji 6:12

Mwa enne aliwa kagamaruwile, kohoroma laleya ira atu katwaruwe mwa jotega jiwa.

Lukaji 6:48

Mutu wenno unafwalrafwana na maliba manga nyumba. Liye tempu yamanga liye nyumbaye ohotimba vati liye fiyeda fwanya nibwe. Liye manga vazulu va nibwe vale. Evale agamanle manga nyumbele, ohorumbwaga muzongwe na nipevo nlukulu. Mihindje dohomala zala ante mahindje fiyedaga mwezo ovandaga nyumbele. Mbwenye nyumbele tchagwile mwasiwa yoholimba pama.

Juwawu 12:44

Yesu ohowongaga na mazu okuwa eraga: <<Ule unadiroromela miyo, kanadiroromela miyo ve bahi. Unamuroromela na wenno udirumile.

Juwawu 14:1

Yesu ohowonga na anamamuharaye eraga: <<Kamukukumuwe mmirimani mwenyu. Mmuroromele Mulugu eto mudiroromele miyo.

Juwawu 5:24

<<Miyo nnafuna duwandeleni ibaribari. Ule unavwa mazu aga eto amuroromelaga wenno udirumile, ukana ingumi yohomala. Mutuyo kaza atongiwa, mbwenye mofutukula liye umala kuma mokwani mwali liye, uvolowa muingumini.

Joira ja Anamarumiwa 11:18

Mwa enne aliwa kagavwile jowonga ja Peduru jile, kohokurumuwa, aliwa roma mutitimiha Mulugu keraga: <<Na ibaribari na atwene ohokala aJudewu Mulugu uhavaha iwandelo yotwaruwa ira na aliwene kakayena ingumi.>>

Joira ja Anamarumiwa 17:30

<<Malambo a mundulrimu Mulugu ohahiya atu ira kawendege pipiri pipiri mohoiziwa yengo tchivi zela ja vikwamutu josema jile. Mbwenye malambwala, Mulugu ukumiha nlamulo ira atu atene mwatene mwene katwaruwe.

Joira ja Anamarumiwa 2:38

Peduru ohawandelaga eraga: <<Nyo mwatene mutwaruwe, mubatiziwe na nzina na Yesu Kiristu. Mwaira eno, jotega jenyu jinokurumuweliwa. Eto mwa sayi da Mulugu munomuwatchela Munemba Otchena.

Joira ja Anamarumiwa 20:21

Doalaleya aJudewu nari atu ohokala aJudewu anno kali aGerego ira katwaruwe kamuhare Mulugu eto kamuroromele Nabwiya wehu Yesu Kiristu.>>

Joira ja Anamarumiwa 26:20

Mbwenye dohoroma alaleya atu roma ale kafwanyeya Damaxiku, dowaga ale kafwanyeya Jeruzalemu, dowaga ale kafwanyeya ilambo ya Judeya, fiyeda atu ohokala aJudewu. Dalaleyetcha ira: <Mutwaruwe, mmuhare Mulugu. Mwatwaruwa, muiregena jengo jolingana no twaruwa wenyu.>

Joira ja Anamarumiwa 3:19

Mwa eno, nyo mutwaruwe, muwelele wa Mulugu ira jotega jenyu jikurumuweliwe.

1 Korinto 13:10

Mbwenye yokwakwanela yaza, yohokwakwanela inomala.

1 Korinto 2:6

Mbwenye hiyo nnaawandela zelru atu olimba muwari mwa nroromelo ira zelru diwa didowege sogolro. Mbwenye zelru nnaawandela hiyo kahi zelru nnga dedo dinna atu na andimuwa a tempu ili hiyo ila anno anadediha tolotchiwa bahi.

2 Korinto 7:1

Muwari moira nihikana mapangano anna, afwaga anaazivela miyo inafwanela nivihuwe zela yotakala ili yatene ya maningo nari ya munemba nikwakwanelihedaga tchena wehu muwari momuova Mulugu.

2 Korinto 7:10

Tchoira kumbanya okumela wa Mulugu kunazana wanganyeda mbwenye unozana twaruwa wewo unamudowana mutu mavulusiwelo. Mbwenye kumbanya wa ilambo ya vati kunazana twaruwa eto unamudowana mutu makwelo.

Efezo 2:1

Nyo wanle mwali okwene muwari mwa joviringaniha na jotega

Efezo 2:5

tempu yawenda hiyo okwene niiragana joviringaniha jehu, liye uwanda nivaha ingumi. Mulugu uhunivaha ingumi ixa anigumanihaga vamohi na Kiristu. Mwa sayi daye muhuvulusiwa.

Efezo 4:12

ira muwari mwa atu anne, aliwa kawandege alimbiha atu otchenihiwa ira kalabege mabasa matene a Mulugu. Hiyo atene otchenihiwa nalabaga mabasa a Mulugu, pa evo vanafuna za ulukulihiwa maningo a Kiristu.

Koloso 1:28

Hiyo nneretcha awandela atu ibaribari zela Kiristu, naawendjelihaga atene eto naafundjihaga atene na zelru datene da Yesu ira vasogolro niwande avelela atene vamentoni va Mulugu kagali olimba nroromelo muwari mwa Kiristu.

Koloso 3:14

Vazulu va jatene jeji, inafwanela muware makalelo ozivelana. Tchoira zivelana tchi yengo yogumaniha japama jatene ira nikayena vwanana wokwakwanela.

Koloso 4:12

Mulombwana Epafaraji, wenno uli nkuda waninyu, muzari wa Yesu Kiristu, unoulondjelani. Mulombwana Epafaraji eto unakaleletcha uzuzumelani muwari moulobelelani. Liye aulobelelagani, unanvepetcha Mulugu ira nyo mukale olimba muwari mwa nroromelo eto mukayena ibaribari zela yofuna ya Mulugu inafuna liye ira nyo muiregena.

1 Timoteyo 3:16

Hiyo nnowanda rumelela mohokayikela ibaribari yenno yahaiziweyile wanle zela mutu otchena Yesu ira: Liye ohoza, ohooniwa agawarile maningo. Munemba Otchena ohomuhidedela umboni. Angelro kohomuona. Liye oholaleyiwa muwari mwa malogo madjindji. Kohokala atu kamuroromenle mwilamboni muno. Liye eto ohotukuleliwa zulu na undimuwa wohokala wa masika.

1 Timoteyo 6:19

Kera eno, anakoyela jorayela ira kadowe kafwanye rayela wewa sogolro, kafwanye ingumi yenno ili ingumi ya ibaribari.

2 Timoteyo 2:19

Mulugu mbwenye vaimenle liye ulive olimbene nnga aliserisi. Ibaribari zela vaimenle Mulugu inafwanyeya muwari mwa mazu oira: <<Mulugu umala aiziwa ali aye.>> vamohi na mazu oira: <<Mutu uli watene unaromola nzina na Nabwiya ahiye joviringana.>>

Eberewu 11:6

Eto vahali nroromelo, kavali wandeya ira mutu airena yengo yomuziveliha Mulugu. Tchoira mutu ira awande mukwivela Mulugu, unaroma rumela ira Mulugu ukalawo eto unoatambilriha ale ananvenda.

Eberewu 12:13

Musakanyede ndila yolinyareya para manyalo enyu ira mutu wenno unatchikama ahagwagwaduwe, mbwenye agomele vulumuwa.

Eberewu 7:11

Anamakuta anno kafwanyeya kagali aLevi, baawandela afwiwa malamulo a Mozeji. Mbwenye ahakale nnga atu kawandaga kala okwakwanela vamentoni va Mulugu muwari mwa unamakuta wa aLevi, unamakuta wewa kwamala, avolowagavo mutu mmohiwa ira akale namakuta molingana na nikuru na Melikezedeki. ALevi anno kakumile muzizani mwa Arawu kogokwakwana anno.

Eberewu 9:14

na ibaribari sangiri na Kiristu nnolaba kwaranya. Tchoira Kiristu ohowanda vivelela wa Mulugu agali mukuto ohokana yotega muwari mwa kopolo da Munemba Otchena wa Mukalakala. Nona sangiri na Kiristu nnowanda nihuwa mmirimani mwehu ira nahakayena yowanganyeda zela jotega jozana ukwa jaira hiyo mbwenye niwande mulaba Mulugu Okalawo.

Tiyagu 1:4

Inafwanela vilela wenyu ukale wa ibaribari ira yengo ili yatene inafuna ufwanyani, mufwanyeye mwagali andimuwa, atu okwakwanela, atu ohokana yohaleliwa.

1 Peduru 1:21

Muwari mwa Kiristu nyo munowanda muroromela Mulugu wenno anvenyihile Yesu mokwani, anvaha undimuwa. Jejo Mulugu airilena ira nroromelo nenyu no ing'anela wenyu jiwande kala na liye.

1 Peduru 5:10

Nyo mwagamanle onihiwa goyi tempu ya vang'ono, Mulugu wa sayi datene, wenno uuitanileni muwari mwa Yesu Kiristu ira muvolowe muwari mwa undimuwa waye ohomala, liyene unoukalihani okwakwanelene, unouvahani kopolo, unoulimbihani no uimelihani pama.

1 Juwawu 4:12

Kalivo mutu ubabihile muona Mulugu. Mbwenye nazivelanaga, Mulugu unokala muwari mwa hiyo eto zivela waye uneregeve kwakwanelihediwa muwari mwa hiyo.