Eberewu 5:9 - Mazu Otchena a Mulungu

⁹ Agamanle onihiwa goyi dile, liye okala mutu okwakwanela, wenno unawanda avulusa kala no kala atu anno ananvwelela.

Eberewu 5:9 Iomraidhean Croise

Izaiya 45:22

<<Nyo atene munafwanyeya magomelo wa ilambo ya vati murungunuwele wa miyo ira muvulumuwe. Tchoira miyo dili Mulugu, kalivo mmohiwa.

Izaiya 49:6

Nabwiya unawonga ira: <<Ira weyo ulabege mabasa okala namalaba waga oavenyiha akuda Jako eto oaweliha aIzarayeli kakoyiwe ira kawelele kala ilambo ya waniwa, tchi yengo isimbwile yeva. Miyo eto mabasawo nnafuna duusakanye ira ukale moneya wa malogo matene a atu ira vulusa waga ufiye ante magomo wa ilambo ya vati.>>

Izaiya 50:10

Bani muwari mwa nyo unamuova Yehova eto unavwelela mazu a namalaba waye? Inafwanela wenno unawenda muisini eto wenno ahanna wareya anyindele nzina na Yehova eto amusamele Mulugu waye.

Izaiya 55:3

Mureye mabaru eto muze wa miyo. Mudivwe miyo vano ira mukayena ingumi. Miyo nnosakanya yopangana yohomala na nyo. Eto nnouonihani zivela waga wohotchindjeya nnga mwapanganne miyo na Davi.

Daniyeli 9:24

<<Eni mulogo wawo vamohi na sidadiwene yotchena kohovahiwa sumana 70 ira jengo tanu na imohi ji jiireye: Yoroma, kawande hiya jabure jiwa jatene jinaira atu. Yanembinli, kawande gomiheda jotega jiwa jatene. Yaneraru, jotakala jimalihiwe. Yowelela, uze upama wohomala. Yowelela, jiwande kwakwanela jatene jawongiwa morohani vamohi na jofiyiheda. Yogomiheda, Nimburo Notchenetchetcha niwande venyihediwa.

Matewuji 17:5

Mwa enne mulombwana Peduru awongagave enne murambo omoneya ohozaga, akunela atene. Kavuruwanaga, mmiramboni mule mohokumelaga nizu nawongaga niiraga: <<Ula gu Mwanaga unamuziveliwa miyo, wenno unadihagalaliha. Munvwelelege liyene!>>

Lukaji 13:32

Evale Yesu ohawakulaga, liye ira: <<Mudowe mwamuwandele mutu oxanga nnga mwanambwa a mukokolani uyo, muire: <Yesu uwongile ira: Kaing'ana, peno na metchelo miyo nnatamangiha minemba dabure no avulumutcha atu maurenda. Mbwenye siku naneraru miyo nnomariha mabasaga.> >>

Juwawu 19:30

Evale Yesu agang'wile vinyule ohoira: <<Jatene jihikwakwanela!>> Liye oramiheda murwaye vati, liye velela muzimu waye.

Joira ja Anamarumiwa 3:15

Nyo mohompa Namavaha wa Ingumi. Mulugu eto ohonvenyiha mokwani. Hiyo mbwenye nihikana umboni ira Yesu ohovenya mokwani.

Joira ja Anamarumiwa 4:12

Kalivo unavulusiwa mwa mutu mmohiwa. Eto kanilivo nzina nimohi niwa mwilamboni ya vati nonivulusa, tchoira Mulugu univahile ira nivulusiwe mwa nzina naye bahi.>>

Joira ja Anamarumiwa 5:32

Hiyo peno nili amboni zela jeji. Eto mmohiwa unahidedela umboni gu Munemba Otchena wenno Mulugu unamuruma liye ira akale na ale anamuvwelela.>>

Roma 1:5

Yesu wenno, na sayi daye, unirumile hiyo anamarumiwa ira nidowe naalaleye atu a malogo matene ira kamuroromele, amala kanvwelelege ira nzina na Yesu niteteliwe mwa atu a malogo matene.

Roma 10:16

Eto fwanyeya ira aJudewu kagavwile Muselu Wapama, kahi atene karumenle muselu kavwile atu. Kalaga nnga mazu Izaiya alrembile liye wanle oira: <<Nabwiya, kalivo uroromenle muselu nilaleyile hiyo!>>

Roma 15:18

Tchoira kannawonga yengo ili yatene ilabile miyo mwa kopolo daga. Mbwenye nnawonga zela mabasa anno Kiristu alabile liye muwari mwa miyo. Kiristu gudivahile kopolo ira diwande wonga eto diwande irana jionihedo na jotikiniha muwari mwa kopolo da Munemba wa Mulugu. Jotikiniha ejo na jowonga jaga jalaba ira atu ohokala aJudewu kaona, kawande nvwelela Yesu. Muwari molaleya mazu, dihimala mabasa olaleya Muselu Wapama zela Kiristu kuma Jeruzalemu dowa ante ilambo ya Iliriya.

Roma 2:8

Mbwenye ale anerana jofuna jiwa, ale kahanairana jengo ja ibaribari, ale anahara jotakala, aliwa mbwenye anagomela tambilra uwali no takaleliwa wohokala wa masika wa Mulugu.

Roma 6:17

Mbwenye Mulugu atamaleliwe, mwasiwa agali nyo wanle mwali azari ohara jotega, malambwala muli atu ovwelela na mmirimani mwenyu mwatene jejile jifundjihiwe nyo.

2 Korinto 10:5

Hiyo nnotolotcha jowonga na zelru dovitukulela datene nnalabana atu kaahiyihaga afwiwa ira kahaiziwe ibaribari ya Mulugu. Hiyo nnogondjiha youmbuwela ili yatene ira ikale yonvwelela Kiristu.

Filipo 2:12

Nona nyo afwaga nnauziveliwani miyo, inafwanela na nyenne munvwelelegeve Mulugu nnga mweretcha nyo tempu yali miyo na nyo. Eto tempu ila yahali miyo na nyo, muwendegeve na makalelo ofwanelela zela vulusiwa wenyu na makalelo oova eto na makalelo ongurumela.

2 Tesalonika 1:8

Liye unoza azena munlo ohinda, arome aweliheda kunyakunya atu anne kahamuiziwile Mulugu, anno anakonda vwelela jinawonga Muselu Wapama zela Nabwiya wehu Yesu Kiristu.

2 Tesalonika 2:16

Nabwiya wehu Yesu Kiristu mwinnya na Mulugu Babihu na sayi dewa koniziveliwa hiyo eto konivaha pwaseya wohomala na yoing'anela yehu yapama.

2 Timoteyo 2:10

Nona miyo zela jatene jinadiireyela, nnowanda vilela ira atu osakulriwa na Mulugu kafiyede watchela vulusiwa wewo unazana undimuwa wohomala muwari mwa Yesu Kiristu.

Eberewu 1:14

Nnga kodi angelro bani? Angelro ti minemba. Ba anamalaba anno Mulugu unaaruma liye ira kadowe kaakamihedege atu anne anafuna watchela vulusiwa.

Eberewu 11:40

Tchoira Mulugu ohelavo zelru ira aliwa kibaranyede kana jatene mokwakwanela. So mbwenye Mulugu apanganne ira anigumanihe hiyo atene, a wanle na a tchineneva, amala ora yenno imohive anikwakwanelihede hiyo atene.

Eberewu 11:8

Mwa nroromelo mulombwana Abarahamu agaitaniwe ira avenye adowe ilambo imohiwa yafuna liye vahiwa, liye ohonvwelela Mulugu. Liye ohomaruwa ahaiziwaga wafuna liye dowa.

Eberewu 12:2

Nitamangege nimuing'anaga Yesu, wenno unafwanyeya agali maliba romiha nroromelo nehu eto maliba kwakwaneliheda nroromelo nehu, wenno avilenle akomeliwa vamuradini, alramwisaga nyaswa ozela piwa. Liye airagana eno, abalra ira: <<Dakomeliwa vamuradini, kahi yengo. Tchoira vasogolro hagalala unafuna miyo kana kahi ung'ono.>> Peno eto, ugarati nimburo na ibaribari, muwononi odjana, mpandoni wa Umwene wa Mulugu.

Eberewu 2:10

Tchoira yali yofwanela ira Mulugu wenno unafuna teteliwa muwari mwa jatene jene eto unakalihawo jatene jene, amuonihe Yesu goyi ira muwari mwa goyi dile, Yesu awande kala Namakunga wo vulusiwa wokwakwanela. Ali ira Yesu awandege atukula atu adjindji, aavolotchihege muwari mwa undimuwa wa Mulugu ira aliwa kakale ahima a Mulugu.

Eberewu 2:3

Akala wenno alramwisa mazu kawonga angelro wanle ohofiyeda tongiwa, nnga nalramwisa mazu azilena Nabwiya Yesu tchineneva ozela makalelo apama onivulusa, nnafuna nivulumuwe avi? Kavinawandeya. Fwanyeya ira aromile laleya Muselu Wapama onivulusa ali Nabwiya Yesu. Ale kavwile na Nabwiya Yesu banilaleyile hiyo, aliwa nivaha ibaribari.

Eberewu 9:12

Yesu avolowile mamburo otchena fendo imohi bahi. Liye avolowaga, kavolowile na sangiri na mbuzi, nne sangiri na ana ng'ombe, nari. Mbwenye avolowile na sangiri naye. Muwari mwa sangiri naye nne, liye ohowanda kwakwaneliheda ira hiyo nikale owomboliwene kala no kala.

Eberewu 9:15

Nona pa evo vanawanda Yesu kala namasogolrelra wa Yopangana Ixa vari va Mulugu na atu. Muwari mwa Yesu atu atene oitaniwa anowanda watchela jorayela johokana mala uwa, jejo japanganne Mulugu ira aavahe. Tchoira Yesu ohokwa ira aawombole aliba itaniwa zela mwa jotega jaira atu muwari moviringaniha yopangana yoroma.

Eberewu 9:28

Kiristu ukwile fendo imohi bahi ira awatchele jotega ja atu oindjiva. Liye unoza aze akoka. Mbwenye za waye wanembinli kahi ira unazela awatchele jotega. Azaga fendo yanembinli unazela ira aavuluse atene anno anamudediha mohagalala.

1 Peduru 1:22

Nyo muhuvitcheniha minemba denyu muwari movwelela ibaribari, eto peno muhukana zivelana wa ibaribari nnga anazivelana atu a muibalini mmohive. Nona inafwanela muwendegeve no zivelana wewo mohokayikela eto na mmirimani mwenyu mwatene.

1 Juwawu 5:20

Hiyo eto nihiiziwa ira Mwana Mulugu uhuza eto umala nivaha onelramo ira niwande muiziwa mutu wenno uli wa ibaribari. Hiyo nili muwari mwa Mutu wa ibaribari ule muwari mwa Mwanaye Yesu Kiristu. Liye unafwanyeya agali Mulugu wa ibaribari eto unafwanyeya agali ingumi yohomala.

Judaji 1:21

Inafwanela muwendegeve muwari mozivela wa Mulugu, mudedihaga ira Nabwiya wehu Yesu Kiristu muwari mwa tangaranga daye auvaheni ingumi yohomala.