Eberewu 5:7 - Mazu Otchena a Mulungu

⁷ Muwari mwa malambo Yesu awarile liye maningo, olobela no kuwa ulukulu na misodi anvepaga wenno awanda muwombola mokwani. Jalobela liye jovweya mwasiwa liye ohorumela irana jofuna ja Mulugu.

Eberewu 5:7 Iomraidhean Croise

Izaiya 49:8

Yehova unawonga ira: <<Muwari mwa tempu yapama, miyo dohouwakula. Eto siku nofuna vulusiwa nagazile, miyo dohoukamiheda. Miyo nnoukoya eto nnoza disakanye ira ukunge yopangana yaga na atu ira ilambo yewa iwelihediwe eto kakalemo akoka muwari mwa ilambo imanle nongeya.

Izaiya 53:11

Goyi daye datene dagamanle, unoza akayena ziveliwa muwari moiziwa ira goyi dile dohokana mpindu wapamene. Tchoira namalabagole unoza apwatele jotega ja atu adjindji ira atu kakale pama.

Izaiya 53:3

Ali mutu olramwisiwa eto ali okondiwa na atu. Liye ali mutu oona goyi eto ali mutu oiziwa ona jopa. Ali nnga mutu wenno atu anamuona atu amala katawihaga kove diwa. Oholramwisiwa eto nne hiyo kanimbalrile.

Matewuji 27:46

Mwa enne yagafiyile pandi ya 15 ora ile, Yesu ohowongaga na mazu okuwa eraga: <<Eli, Eli, lama sabatani?>> Yenno inatapulela: <<Mulugu waga, Mulugu waga, mudihiyele nni?>>

Matewuji 27:50

Noira enne, Yesu ohowelela wonga akoka no kuwa undimuwa, liye velela muzimu waye.

Markuji 15:34

Pandi ya 15 ora, Yesu ohokuwaga na mazu olimbiha eraga: <<Eloyi, Eloyi, lama sabatani?>> Tapulela ira: <<Mulugu waga, Mulugu waga, mudihiyele nni?>>

Markuji 15:37

Agairile eno, Yesu ohokuwa molimbiha. Mwa enne ohomariheya.

Lukaji 23:46

Yesu ohokuwaga molimbiha eraga: <<Babani nnovelela muzimu waga mmandani mwinyu!>> Awongaga eno ali vuma waye wogomiheda, noira enne ku mariheya wene.

Juwawu 1:14

Mulombwana Mazu ohoza, liye wara maningo, kalaga vamohi na hiyo atu. Hiyo nihiona undimuwa waye ineriha liye gu Mwana mmohive wa Baba unafwanyeyana sayi dilukulu vamohi na ibaribari.

Juwawu 11:35

Evale Yesu ohonlaga.

Juwawu 11:42

Miyo eto dihiiziwa ira nyo munodivwetcha. Mbwenye nnawongela eni na nyo ira atu ali eva, karoromele ira udirumile gu nyo.>>

Juwawu 17:1

Yesu agamanle wonga mazu matene anne, ohoing'anaga zulu, liye roma lobela eraga: <<Babani, tempuwa ihifiya. Aoniheni atu undimuwa waga ira miyo Mwaninyu diwande aoniha atu undimuwa wenyu.

Roma 8:3

Tchoira Mulugu ohoirana yenno malamulo yahawandile atu irana. Malamulo tchawanda gondjiha jofuna jehu ja maningo ira hiyo niwandege irana joira japama. Mulugu mbwenye ohomuruma Mwanaye na maningo nnga mutu otega ira awatchele mmaningoni mwaye tongiwa wafuna hiyo tongiwa zela jotega jehu ira hiyo niiregena jengo japama jinafwanyeya mmalamuloni muwari mwa Munemba. Ale anawenda na maningo kinawanda irana jengo japama jinafwanyeya mmalamuloni. Anawanda irana gu hiyo atu owenda na Munemba.

Galasiya 4:4

Mbwenye tempu yagakwakwanne, Mulugu ohomuruma Mwanaye, liye baliwa na muhiyana. Eto liye abaliwe ora yawenda atu na malamulo

1 Timoteyo 3:16

Hiyo nnowanda rumelela mohokayikela ibaribari yenno yahaiziweyile wanle zela mutu otchena Yesu ira: Liye ohoza, ohooniwa agawarile maningo. Munemba Otchena ohomuhidedela umboni. Angelro kohomuona. Liye oholaleyiwa muwari mwa malogo madjindji. Kohokala atu kamuroromenle mwilamboni muno. Liye eto ohotukuleliwa zulu na undimuwa wohokala wa masika.

Eberewu 10:10

Muwari mwa Yesu Kiristu za irana jofuna ja Mulugu, liye za vivelelaga maningo aye fendo imohi eto fendo yogomiheda, pa evo vawandile hiyo tchenihiwa.

Eberewu 10:5

Voira sangiri na anavinyama kannawatchela jotega, nona pa evale vazile Kiristu mwilamboni ya vati, awongaga na Mulugu ira: <<Nyo kamufunne mikuto da vinyama na jovelela. Mbwenye nyo muhudisakanyela maningo.

Eberewu 11:7

Mwa nroromelo mulombwana Nowe agawandeliwe zela jengo jafuna za ireya, jejo ora yenno jali jahanaoneye, liye muwari momutitimiha no muova Mulugu, ohosema mwadeya ira liye na atu a vande vaye kavuluwe. Muwari moirana eno, Nowe ohagwihana mulandu atu atene kafwanyeya mwilamboni ya vati eto liye kala mutu oing'anela watchela upama wenno unazela muwari mwa nroromelo.

Eberewu 12:28

Mulugu univahile ira niwatchele umwene ohotikeya. Naona ira Mulugu uhuwanda nivaha umwene ohowanda tikeya, inafwanela nikale atu omutamalela Mulugu. Inafwanela nimutamalele na makalelo omuziveliha muwari momutitimiha eto muwari momuova.

Eberewu 13:20

Mulugu wa murendele unvenyihile mokwani Nabwiya wehu Yesu, Namakumbuza Mundimuwa wa mabila muwari mwa sangiri na yopangana yohomala auvaheni jatene japama jinafuneya ira nyo muwandege irana funa waye. Muwari mwa Yesu Kiristu, Mulugu anikamihedege irana jatene jili japama vamentoni vaye. Yesu Kiristu atamaleliwe kala no kala. Ame!

Eberewu 2:14

Fwanyeya ira voira ahimiwa anawenda muwari mwa sangiri na maningo, na liyene eto ohowanda tukula makalelo mamohive a sangiri na maningo ira awande kwa muwari momugondjiha wenno unna kopolo da ukwa unafwanyeya agali Diyabo.

1 Juwawu 4:3

Eto mutu wenno ahanarumelela ibaribari zela Yesu, kahi wa Mulugu. Wenno unafwanyeya agali mutu owonga ja namamwida Kiristu, nnga mwavwetcha nyo ira: <<Ukala namamwida Kiristu unafuna za.>> Eto eni uhumala fiya mwilamboni.

2 Juwawu 1:7

Tchoira kohokalawo anamanyenga oindjiva anabuwa mwilamboni ya vati anno kahanaroromela ira Yesu Kiristu uzile muwari mwa maningo. Mutu uli watene unawonga ejo gu mutu onyenga eto gu namamwida Kiristu.