Eberewu 5:12 - Mazu Otchena a Mulungu

¹² Tchoira ante ora ila yofwanela nnga mukale anamafundjiha eto kamuli. Eto futukula uwa inafuneya nnga agazile mutu mmohiwa ira aze auwumbutchedegeni jofundjiha joroma ja mazu a Mulugu. Ku wonga inafwanela muwelele nibele neno nahiyile nyo, hiya djaga tchima.

Eberewu 5:12 Iomraidhean Croise

2 Samuweli 16:23

Fwanyeya ira mulombwana Ayitofeli tempu yawenda liye na Davi, awonga yengo, yengwele mwene Davi oirana. Eto vere liye adowa wa mulombwana Abisalawu, awonga yengo na mulombwana Abisalawu, na liyene oirana. Ku wonga atene kovwelela jejo jawonga mulombwana Ayitofeli kalaga nnga unawonga gu Mulugu.

Izaiya 28:13

Na mwasa wenno Yehova unoafundjiha zelru vang'ono vang'ono, endjedaga vang'ono vang'ono, va vang'ono, vo vang'ono, ira mudowe mwagwagwaduwe, mukotoliwe, mumange ratuwero eto muhindiwe.

Izaiya 55:1

Yehova unawonga ira: <<Nyo mwatene munna ntona muze, mahindje kali vano. Eto nyo mwahanna kobiri, muze mugule jodja ira mudje. Muze mugule vinyu na mukaka mwahakumihile kobiri eto mwahakumihile yengo ili yatene.

Matewuji 17:17

Evale Yesu ohowakulaga eraga: <<Nyo atu ohokana nroromelo eto oviringana nyo! Kodi miyo nnafuna dikale na nyo fiyeda alini? Miyo nnafuna divilele na joira jenyu fiyeda alini?>> Evale ohomuwongana mulombwanole, liye kwi: <<Kamuzena mwanawo uyo vali miyo va.>>

Markuji 9:19

Yesu ohowonga evale na atwale ira: <<Nyo atu ohokana nroromelo! Kodi miyo nnaza dikale na nyo fiyeda alini? Nnafuna divilele na nyo fiyeda alini? Kamuzena mwanawo uyo vali miyo va.>>

Joira ja Anamarumiwa 7:38

Mozeji gwasogolrenlre mulogo wa aIzarayeli muisalesaleni fiyeda mwango Sinayi. Sinayi ku wewo wagumana ababihu na Mozeji ira mungelro wa Mulugu amuwandele Mozeji mazu. Mozeji ohowatchela Mazu a ingumi ira anivahege.

Roma 3:2

Ukana. Baliwa muJudewu ukana mpindu na makalelo madjindji. Tchoira voroma vene, Mulugu aavahedile aJudewu jowonga jaye ira jikale mmandani mwewa.

1 Korinto 14:19

Masiki eno, miyo dagumana na nikuru na atu omuroromela Yesu afwaga, ili yapama diwonge mazu matanu oafundjiha afwaga atene kavwaga, digarati, hiyaniha no wonga mazu 10.000 na iwongelo yahanavwa atu.

1 Korinto 14:20

Abalaga, kamukayena joumbuwela ja ahima. So mukale nnga ahima a mmandani zela jengo jabure. Sawasawa nnga mwana wa mmandani kanaiziwa yengo tchivi yabure, na nyenne kamuiziwe yabure. Mbwenye zela joumbuwela jenyu, mukale olimba muwari mwa nroromelo.

Galasiya 4:3

Sawasawa na hiyene nagali ahima, nali azari mmandani mwa mangano owonga zela ja ilambo ya vati.

Filipo 3:1

Yengo yogomiheda abalaga, inafwanela muhagalale muwari mwa Nabwiya. Miyo kannagoma ulrembelani yengo imohive yenna tchoira mwahagalala muwari mwa Nabwiya kamunanyengiwa.

Koloso 3:16

Inafwanela muselu wa Kiristu amale unyowelani. Ira muselu wa Kiristu aunyoweleni, inafwanela mufundjihegena, mulimbihegena na zelru daye datene. Inafwanela eto ira muimbege masalimu na mainu na makorasi a Mulugu momutamalela zela jinera liye na mmirimani mwenyu mwatene.

Eberewu 10:32

Nyo eto kamudiwale ira malambo mwaromile nyo onelramo ibaribari, mohowanda vilela muwari mwa makatamiho madjindjene ozela onihiwa goyi.

Eberewu 5:11

Nihikana jengo jidjindji jinafuna hiyo wonga zela unamakuta wa Yesu. Mbwenye ili yorutcha ira nuwandeleni mwasiwa nyo muli atu orutchiwa onelramo.

Eberewu 5:13

Tchoira mutu wenno unawamwave gu mwana. Kanawande iziwa mazu owonga zela upama Mulugu unafuna liye.

Eberewu 6:1

Mwa eno, inafwanela hiyo fundja wehu zela Kiristu ukale wodowa sogolro nnga mutu aulukulaga. Hiya welelaga jofundja jejo jifundjile hiyo wanle. Kaniwelele wongaga jengo joroma, ja aliserisi. Ku wonga kaniwelele fundja zela twaruwa mwa joira jokwa no muroromela Mulugu.

1 Peduru 2:2

Mukale nnga ahima atete. Mufunege mazu a Mulugu anno anakala nnga mukaka. Mwera eno, munerege ulukula muwari movulusiwa wenyu.

1 Peduru 4:11

Wenno uvahiwe ira alaleyege, inafwanela alaleyege nnga unalaleya Mazu okumela wa Mulugu. Wenno uvahiwe ira aakamihedege afwaye, aakamihedege muwari mwa kopolo Mulugu unavaha liye. Muiregena jatene jejo ira mwa jatene jinairegena nyo, Mulugu awandege tamaleliwa muwari mwa Yesu Kiristu, wenno unna undimuwa na utongi kala no kala. Ame!