Eberewu 4:2 - Mazu Otchena a Mulungu

² Tchoira na hiyene nihimala laleyiwa Muselu Wapama molingana na aliwa. Mbwenye para aliwa, Muselu Wapama kawandeliwe atu kwaazenlena mpindu, mwasiwa aliwa kagavwile, kohoimwanana kana nroromelo.

Eberewu 4:2 Iomraidhean Croise

Joira ja Anamarumiwa 13:46

Evale Pawulo na Barnabe kohowonga molimbiha murima kaawakulaga aJudewu ale keraga: <<Kavuruwanani. Yohofwanela nyo aJudewu mukale arandji vwa mazu a Mulugu ala. Mbwenye voira peno nyo munatukula mazu, nyo helaga vammambalo, nyo vionihedaga nnga atu ohofwanela kana ingumi yohomala, hiyo peno eni nnouhiyani ira nidowe naalaleyege atu ohokala aJudewu!

Joira ja Anamarumiwa 3:26

Mwa eno, Mulugu ohonvenyiha Mwanaye mokwani. Aganvenyihile mokwani, muwari mwa malogo matene a ilambo ya vati ababihile muruma wa nyo ira aze aureliheni muwari mokwakwaneliheda nipangano nne, ira kada mutu ahiye jotakala jaye.>>

Roma 2:25

Tchoira ineliwa unakana mabasa zela ule unawanda harihamo malamulo. Mbwenye wagamanle ineliwa, wanonga malamulo, ineliwa wawo kunna mabasa.

Roma 3:3

Eto fwanyeya ira aJudewu kagavahediwe mazu a Mulugu, amohiwa mbwenye mazwale kiharihilemo. Muwari mohowanda aharihamo mazwale, kodi ku wonga Mulugu gohororomeleya?

1 Korinto 13:3

Masiki ditukule jatene jinna miyo, dimale agawela atu osimela, masiki divelele maningwaga ira katumeyiwe, mbwenye dahawande muziveliwa nfwaga, jatene ejo kajinna mpindu para miyo.

Galasiya 3:2

Miyo nnafuna dufukeni yengo imohi bahi. Ira nyo muwatchele Munemba Otchena, kodi muwatchenle muwari moharihamo malamulo owu hehi muwatchenle mwasiwa mwagavwile mazu, muhukana nroromelo?

Galasiya 3:8

MMazuni eto Mulugu ohowonga na Abarahamu ira: <<Muwari mwa weyo, atu a malogo matene anoza karelihiwe.>> Kawongaga eni, ku tapulela ira Abarahamu wanle olaleyiwa Muselu Wapama ira vasogolro atu ohokala aJudewu okana nroromelo anoza karumeliwe na Mulugu.

Galasiya 4:13

Nyo muhumala iziwa ira miyo vano para ulaleyani mazu, dulaleyileni Muselu Wapama mwasiwa dali murenda.

Detoronomiyo 1:32

Mbwenye masiki eno, nyo kamwafunne muroromela Yehova Mulugu wenyu

1 Tesalonika 1:5

Tchoira nagaulaleyileni Muselu Wapama ozela vulusiwa, kamwere vwa, nyo kwaranyavo, nari. Muwari mwa Munemba Otchena, mazwale kohoufwanyani na kopolo eto kohogarateya pama mmirimani mwenyu. Nyo muhumala iziwa makalelo matene apama nanna hiyo tempu yawenda hiyo na nyo ira nyo muwande watchela mazu nalaleya hiyo.

1 Tesalonika 2:13

Eto muselu mmohiwa nnamutamaleletchana hiyo Mulugu tchoira nagawongile mazu a Mulugu na nyo, nyo mwagavwile, kamwalramwisile nnga mazu a mutu wa vaheno vene, nari. Nyo muhuonelramo ibaribari ira mazwala ba Mazu a Mulugu. Mazu a Mulugu anno banatchindja joumbuwela ja nyo atu omuroromela.

1 Timoteyo 4:8

Atu katerenarihaga maningwiwa, kahi ira terenariha maningo kunna mabasa. Ukana mabasa, so mabasiwa kinasusa. Mbwenye we uterenari zela irana japama ja Mulugu. Tchoira terenari wewo unonilabela yengo tempu ili hiyo ila eto unonilabela yengo tempu inafuna za sogolro.

Eberewu 11:6

Eto vahali nroromelo, kavali wandeya ira mutu airena yengo yomuziveliha Mulugu. Tchoira mutu ira awande mukwivela Mulugu, unaroma rumela ira Mulugu ukalawo eto unoatambilriha ale ananvenda.

Eberewu 3:12

Polre polre abalaga tawiha ira muwari mwa nyo unakalemo mutu mmohi okana murima otakala, ohororomela wenno unafuna amubalrabanduwihe na Mulugu Okalawo.

Eberewu 4:6

Atu oroma vwa Muselu Wapama kohoimwanana volowa muwari movuma mwa Mulugu na mwasa ohovwelela. Mbwenye kohokalawo tempu ili hiyo ila anawanda volowa.

Tiyagu 1:21

Nona inafwanela muhiye mmambalo jotakala jatene na jabure jatene. Muwendege mopwaseya muiragana mazu anno Mulugu uzanle liye mmirimani mwinyu, anno anawanda vulumutcha kalawo wenyu.

1 Peduru 1:12

Evale Mulugu ohowanda aoniha anamafiyiheda ale ira: <<Jejo jafiyiheda nyo kajinalaba tempu yenyu mbwenye jinafuna jize jaafwanye atu amohiwa sogolro.>> Atu a sogolro kawongiwa gu nyenne. Tchoira muwari mwa kopolo da Munemba Otchena wenno ukumenle zulu, kohokalawo kazile ulaleyani ibaribari zela japama jawongiwa wanle, aliwa ulaleyani Muselu Wapama, jejo jinavenda angelro ira kaiziwe.