Eberewu 4:16 - Mazu Otchena a Mulungu

¹⁶ Nona tempu inasegedeya hiyo inafwanela niwande kwivela mohokayikela mpando wa umwene wewo unakumela sayi ira niwande wendeliwa tangaranga eto nifwanye sayi ira niwandege kamihediwa tempu inafuna hiyo nnga nikamihediwe.

Eberewu 4:16 Iomraidhean Croise

1 Koronika 28:11

Davi ohonvaha mwanaye Salomawu jolremba jooniha makalelo kafuna kana Nyumba ya Yehova na makalelo afuna kana alpendara vatando viwa, nyumba dowerewera Nyumba ya Yehova na nyumba mokoya jorayela, nyumba dobandihiwa na ntchihi na Nyumba ya Yehova, na kwartu yosembeselramo jotega.

Izaiya 27:11

Tambi da mitengo daumma, nnokotoliwa, ahiyana za tumbanyagana munlo. Tchoira atwala ba atu ohowanda onelramo. Na mwasa wenno Mulugu wenno aasakanyile kanakana tangaranga na aliwa. Wenno aaombile kanakana ziveliwa na aliwa.

Efezo 2:18

Tchoira mwa Yesu, muwari mwa Munemba mmohive, hiyo aJudewu na nyo atu ohokala aJudewu, atene nnowanda fiya ora ili yatene vamentoni va Baba.

Efezo 3:12

Muwari mwa hiyo muroromela Yesu, muwari movira mwa liye, hiyo nnowanda fiya vamentoni va Mulugu molimbiha murima.

Eberewu 13:6

Nona pa evale vanawanda hiyo wonga muwari mohokayikela ira: <<Nabwiya gu Nkamihedi waga. Miyo kannaova yengo ili yatene inadiirela atu!>>

Eberewu 3:6

Mbwenye Kiristu kahi namalaba bahi. Liye eto gu Mwana ororomeleya osogolrelra vande va Mulugu. Fwanyeya ira akala hiyo nnomuhideda pama wenno nnamuroromela hiyo, akala nnowanda titimiha zela inaing'anela hiyo, nyumba ya Mulugu gu hiyene.

Eberewu 7:19

Voira malamulo tchawandile kwakwaneliheda yengo ili yatene, vamalroni va malamulo nihiwanda vahiwa yoing'anela ixa, unafwanyeya agali mutu unamuing'anela hiyo. Eto muwari mwa mutu wenno, hiyo nnowanda mukwivela Mulugu.

Eberewu 7:25

Nona liye unowanda avulusa mokwakwanela anno anafuna mukwivela Mulugu muwari mwa liye. Tchoira liye ukalawove kala no kala ira aalobelelege atwale vari va aliwa na Mulugu.

Eberewu 9:5

Vazulu va tampa ya Kaxa ya Yopangana ile vohokomeliwa akerubi ambinli a oru kagatapunle mapepeluwa, kagudumeyaga tampa ya Kaxa ya Yopangana ile vevo vali wareya undimuwa wa Mulugu. Mbwenye hiyo muwari molremba karta ni, kahi ira nnafuna nuwandeleni makalelo a jatene.

1 Peduru 2:10

Nyo wanle kamwali nlogo na Mulugu. Mbwenye peno va muli nlogo naye. Wanle nyo kamwawatchenle tangaranga, mbwenye peno va muhuwatchela tangaranga daye.