Eberewu 4:12 - Mazu Otchena a Mulungu

¹² Tchoira Mazu a Mulugu ba mazu okana ingumi eto a kopolo eto ba mazu oirwa kwaranya supada nosayiheya wu na wu. Mazu a Mulugu anolata ante aliwa fiyeda mwalaniha kalawo wa mutu na muzimu waye eto anomwalaniha makuva na joxonda ja munikuvani eto anowanda hiyanihavo joumbuwela na jofuna jili mmirimani mwa mutu.

Eberewu 4:12 Iomraidhean Croise

Izaiya 11:4

Mbwenye liye unoza atongege mwapama ira osimela kakayena ili yewa. Unoza atongege milandu da atu osimela mohoing'ana kove. Mazu okumela wanoni waye anoza kakale nnga golromondo yoabubudana atu a mwilamboni ya vati. Liye aroma tonga, atu otakala anoza kapiwe mowonga mwaye.

Izaiya 49:2

Liye ohosakanya wanoni waga ira ukale nnga supada noirwa. Liye ohodikumbarela na mandaye. Liye ohodisakanya ira dikale nnga nifumo noirwa. Liye ohodikoya muwari mwa tumba naye nokoyamo mafumo.

Izaiya 55:11

Na makalelo amohive, mazu aga anakuma muwano mwaga kinawela kaza wa miyo kahalabile yengo. Mbwenye anolaba nnga mwemo munafunela miyo eto anokwakwaneliheda yenno inaruma miyo ira kalabe.

Lukaji 8:11

Yofwalrafwaniha yawonga miyo, yotapulela iwa tchi ila. Mbewu nnazaliwa ba mazu a Mulugu.

Juwawu 12:48

Mbwenye ule unadikonda miyo, ule ahanafuna rumela mazwaga, siku nogomiheda anafuna za mmanga mulandu ba mazu anawonga miyo.

Juwawu 6:51

Miyo dili pawu ya ingumi ikumenle zulu. Mutu wenne unadje pawu yenna unokalawo kala no kala. Pawuwa inafuna miyo avaha atu a mwilamboni ira kakayena ingumi ba maningwaga.>>

Joira ja Anamarumiwa 2:37

Kagavwile mazu anno, atwale kohokukumuwa valukulu, aliwa nfuka Peduru na anamarumiwa afwaye keraga: <<Ki abalihu, niire avi?>>

Joira ja Anamarumiwa 4:31

Kagamanle lobela, nimburo nagumanne atu nohotekenyeyaga, atwale zaleliwa Munemba Otchena. Kuma evale kodowave kalaleyaga mazu a Mulugu molimbiha murima.

Joira ja Anamarumiwa 5:33

Anamatongale kagavwile mazu kawakunle anamarumiwale, aliwa kohatakaleliwa valukulu, kafunaga nnga kaape anamarumiwa atene.

Joira ja Anamarumiwa 7:38

Mozeji gwasogolrenlre mulogo wa aIzarayeli muisalesaleni fiyeda mwango Sinayi. Sinayi ku wewo wagumana ababihu na Mozeji ira mungelro wa Mulugu amuwandele Mozeji mazu. Mozeji ohowatchela Mazu a ingumi ira anivahege.

Roma 1:16

Muwari molaleya Muselu Wapama, kannanyaswa tchoira Muselu Wapama unafwanyeya agali kopolo Mulugu unaavulusana liye atu atene anne anamuroromela Yesu, roma aJudewu fiyeda atu ohokala aJudewu.

1 Korinto 1:24

Mbwenye zela aJudewu nari atu ohokala aJudewu anne aasakunlre Mulugu, naalaleya ukwa wa Kiristu, Kiristu unafwanyeya agali kopolo da Mulugu eto unafwanyeya agali toto da Mulugu.

2 Korinto 2:17

Unawanda gu hiyene mwasiwa hiyo kannawonga mazu a Mulugu muwari mofuna watchela kobiri nnga jinaira atu adjindji. Hiyo mbwenye nnawonga mazu a Mulugu vamentoni vaye muwari mwa Kiristu nagali eto atu a ibaribari, orumiwa na Mulugu.

2 Korinto 4:2

Hiyo mbwenye nnokonda laba na makalelo ohofwanela, oxangaxanga. Nnokonda eto irana ja ungongomwa, nari jotchindja mazu a Mulugu. Mbwenye nnalaleya ibaribari vatando, hiyo awandelaga atu atene ibaribari ira kaiziwe mmirimani mwewa viimenle hiyo vamentoni va Mulugu.

Efezo 5:13

Mbwenye namuwandela mutu zela ibure inera liye, ili nnga yengo ili yatene yafiya vali moneya, pa evale vanafuna yengwele oneya pama.

Efezo 5:26

anitchenihe monihuwa na mahindje anno anafwanyeya kagali Mazu.

Efezo 6:17

Mutukule eto kapaseti ozela vulusiwa, muware. Mutukule eto supada na Munemba. Supada nnawonga miyo ba Mazu a Mulugu.

1 Tesalonika 2:13

Eto muselu mmohiwa nnamutamaleletchana hiyo Mulugu tchoira nagawongile mazu a Mulugu na nyo, nyo mwagavwile, kamwalramwisile nnga mazu a mutu wa vaheno vene, nari. Nyo muhuonelramo ibaribari ira mazwala ba Mazu a Mulugu. Mazu a Mulugu anno banatchindja joumbuwela ja nyo atu omuroromela.

1 Tesalonika 5:23

Mulugu wenno unanivaha murendele amale utchenihani ira siku nnafuna za Nabwiya wehu Yesu Kiristu, mufwanyeye mwapama, roma munemba wenyu, mmirimani mwenyu na maningwinyu, jatene jejo jifwanyeye mwapama.

Eberewu 13:7

Kamudiwalege mawendelo a andimuwinyu anno kauwandenleni mazu a Mulugu. Inafwanela eto mwahadiwale makalelo anafuna atu gomela zela mawendelo ewa, na nyenne musazihe nroromelo ninna atu.

Eberewu 6:5

Aliwa eto koholawiha upama uli muwari mwa mazu a Mulugu eto koholawiha kopolo nnafuna zana Mulugu tempu yogomiheda inafuna za.

Tiyagu 1:18

Liye ohowanda nikaliha ahimaye mofuna mwaye, muwari mwa mazwaye a ibaribari, ira niwande kala johanda joroma muwari mwa jatene jipandutchile liye.

1 Peduru 1:23

Mwasiwa nyo muhubaliwa akoka. Dawongaga ira muhubaliwa akoka, kamubaliwe na mbewu inamela, amala ivunda, nari. Mbwenye baliwa wenyu, mubaliwe na mbewu yohoing'anela vunda. Mubaliwe muwari mwa mazu a Mulugu anno kanna ingumi eto anno kahanna goma uwa.

Jowandeliwa 1:16

Muwono waye odjana mmandani mwaye mohokala nyenyedi tanu na mbinli. Eto muwano mwaye mokuma supada nosayiheya pama, noirwa wu na wu. Eto kove yaye yali yojerimela nnga nzuwa naombaga mwa kopolo.

Jowandeliwa 19:15

Wanoni waye wokuma supada noirwa, neno nalaba ira awande gondjihana vilambo datene. Liye unoza aatongege atene na ikumbuzo yaye ya momba eto unoza anyingalelege uva nimburo neno nnanyingaleliwetcha uva ira akume vinyu. Nyingalela uwa uva ku tapulela uwali vamohi no takaleliwa ulukulu wa Mulugu, Mwinnya wa Kopolo Datene.

Jowandeliwa 19:21

Eto anyakondo ewa atene kohomala kakateya na supada nakumenle vamulomoni va mundimuwa agaratile vazulu va kavalo yotchena vale. Evale mbalrame datene dohoroma dja mitembo da atu kakakateyile ale, fiyeda mbalrame dile rumbala, aliwa waheyana.

Jowandeliwa 2:16

Nona inafwanela mutwaruwe. Tchoira mwahatwaruwe, mwakalelave irana ejo, miyo nnoza tchineneva diwane kondo na atu anne anairana jejo, daakase na supada neno nnafwanyeya wanoni waga.

Jowandeliwa 2:23

Eto nnoatukula ahima a muhiyanole, daape ira makuru matene a atu omuroromela Yesu kaiziwe ira miyo vano dili wenno unaiziwa joumbuwela ja mutu vamohi na jofuna ja mmirimani mwaye eto miyo gunamutambilriha kada mutu zela joira jaye.

Jowandeliwa 20:4

Nomala enne, miyo dohoonaga mipando da umwene, mmipandoni mule mwagagaratile atu. Atwale kagaratile mmipandoni mule kohovahiwa utongi ira katonge. Nomala enne, miyo dohoonaga minemba da atu anno kagwadiwe makohi na mwasa owonga ibaribari zela Yesu vamohi no wonga mazu a Mulugu. Aliwa banno kahamutamalenle besta nne ikwamutu yosema yaye eto nne tchawatchenle sinale ya besta vakoveni nari mmandani mwiwa. Aliwa kohovenyihiwa mokwani, aliwa roma tonga na Kiristu fiyeda yaka 1.000.

Anamasogolrelra 3:16

Mwa enne Ewudi ohosakanyaga supada noirwa wu na wu, lapa uwa ali meyu meturu, liye soleda muwari mwa jowara jaye, pandi ya tambalani waye muwononi odjana.