Eberewu 4:10 - Mazu Otchena a Mulungu

¹⁰ Tchoira wenno uvolowile vuma unavaha Mulugu unowanda vuma mwa mabasaye sawasawa nnga Mulugu avumile liye muwari mwa mabasa alabile liye.

Eberewu 4:10 Iomraidhean Croise

Jenesesi 2:2

Mulugu agamarihile mabasaye matene, siku nanetanu na mbinli ohovuma mwa mabasa matene alabile liye.

Juwawu 19:30

Evale Yesu agang'wile vinyule ohoira: <<Jatene jihikwakwanela!>> Liye oramiheda murwaye vati, liye velela muzimu waye.

Eberewu 1:3

Ule umuonne Mwanaye, umala ona undimuwa unna Mulugu. Mwanaye wenno eto unafwanyeya agali Mulugu. Muwari mowonga mwaye wa kopolo bahi, liye unnave sogolrelra ilambo ya zulu na ilambo ya vati. Agamanle nikwela muwari mohuwa jotega jehu, liye ugarati zulu muwononi odjana wa mpando wa Wenno unna Undimuwa.

Eberewu 10:12

Mbwenye Kiristu avelenle mukuto mmohi, fendo yoroma eto fendo yogomiheda. Agamanle velela mukuto waye, liye dowa garati nimburo na muwononi odjana wa Mulugu,

Eberewu 4:9

Nona uhala eto vuma para atu a Mulugu. Vuma uwa unakala nnga vuma Mulugu avumile liye siku na sabado agamanle pandutcha jatene.

Jowandeliwa 14:13

Nomala enne, miyo dohovwa nizu nikumelaga zulu, nidiwandelaga ira: <<Ulrembe jinafuna miyo wonga ji. Ulrembe ira: <Orelihiwa ba atu anno anafuna kwaga mwa Nabwiya romela tempu yenna ante dowaga sogolro.> >> Dagavwile mazu anno, miyo dohovwa Munemba arumelelaga mazu oromale eraga: <<He, na ibaribari orelihiwa gwenno unakwa mwa Nabwiya ira adowe avume mwa mabasa alaba liye. Tchoira mpindu wa mabasaye matene unerege muhara.>>

Jowandeliwa 6:11

Nomala enne, kada mutu ohoroma vahiwa bata yaye yotchena, aliwa wandeliwa ira: <<Mudedihe vang'onove fiyeda nikwakwane numero na abalinyu anafwanyeya mwilamboni ya vati anafuna piwa nnga mupiwile nyo. Numero niwa nakwakwanela, jinoza jiireye nnga munawongela nyo.>>