Eberewu 3:6 - Mazu Otchena a Mulungu

⁶ Mbwenye Kiristu kahi namalaba bahi. Liye eto gu Mwana ororomeleya osogolrelra vande va Mulugu. Fwanyeya ira akala hiyo nnomuhideda pama wenno nnamuroromela hiyo, akala nnowanda titimiha zela inaing'anela hiyo, nyumba ya Mulugu gu hiyene.

Eberewu 3:6 Iomraidhean Croise

Matewuji 10:22

Atu atene anerege uidani nyo na mwasa wa nzina naga. Mbwenye mutu wenno unavilele ante magomelo, unovulumuwa.

Matewuji 16:18

Tchoira na miyene eto nnouwandela ira weyo Peduru nzina nawo tapulela nibwe. Eto mwa nibwe ni nnomanga nikuru naga. Eto nne Nimburo na Anokwa kaniza nigondjiha nikuru naga!

Matewuji 24:13

Mbwenye mutu wenno unavilele ante magomelo wa makatamiho anno, unovulumuwa.

Roma 11:22

Kaing'anani uwali wa Mulugu na tangaranga daye. Tangaranga daye unauwendelani nyo atu ohokala aJudewu eto uwali waye unaaoniha ale kagwile. Nona yali yapama muwendegeve na tangaranga da Mulugu. Tchoira mwahiya tangaranga daye, na nyenne Mulugu unougwadani.

Roma 12:12

Mukale atu ohagalala muwari moing'anela, mukale atu ovilela muwari mwa makatamiho eto mulobelege tempu datene.

Roma 15:13

Mulugu wenno unavaha ing'anela ja sogolro awande uzalihani hagalala na murendele muwari momuroromela ira muwandege limbihiwa zela jinaing'anela nyo sogolro muwari mwa kopolo da Munemba Otchena.

Roma 5:2

Muwari mwa liye eto muwari mwa nroromelo, nihiwanda volowa muwari mwa sayi da Mulugu dedo nnawendana hiyo. Eto ninna hagalala mwasiwa nihiiziwa ira vasogolro nnoza nione undimuwa wa Mulugu.

1 Korinto 3:16

Kodi kamuiziwile ira nyo muli Nyumba ya Mulugu? Eto kodi kamunawanda iziwa ira Munemba wa Mulugu unakala muwari mwa nyo?

1 Korinto 6:19

Kodi nyo kamuiziwile ira maningo anna nyo ayo tchi nyumba munakala Munemba Otchena wenno Mulugu uuvahileni liye? Nyo kamuli annya a vingumi denyu

2 Korinto 6:16

Kodi harana kuvi unafwanyeya muwari mwa Nyumba ya Yehova na vikwamutu josema? Tchoira hiyo nili Nyumba ya Mulugu Okalawo. Kalaga nnga mazu Mulugu awongile liye oira: <<Miyo nnosakanya vande vaga muwari mwa aliwa eto nnowenda muwari mwa aliwa. Miyo nnokala Mulugu wewa. Aliwa anokala atwaga.

Galasiya 6:10

Inafwanela niwande akamiheda atu atene na makalelo anawanda hiyo. Eto muwari moakamiheda atu atene mule, inafwanela nisimbwege kamihedana mukalele hiyo atu okana nroromelo.

Galasiya 6:9

Kanigomeni irana jengo japama mwasiwa sogolro ukala handa. Malringana nahahiye irana japama, nnoza nihandeni.

Efezo 3:12

Muwari mwa hiyo muroromela Yesu, muwari movira mwa liye, hiyo nnowanda fiya vamentoni va Mulugu molimbiha murima.

Koloso 1:23

Ira Yesu awande uvelelani mwagali apamene siku nenne, inofuneya muwendegeve na nroromelo nenyu, mukale atu olimba eto ovilela, kamuhiye yoing'anela yenno ikumile muwari mwa Muselu Wapama muvwile nyo, wenno ulaleyiwe ilambo yatene ya vati. Miyo Pawulo divahiwe ira dikale namalaba wa Mulugu olaleya muselu wenno.

1 Tesalonika 5:16

Inafwanela muhagalalege ora ili yatene,

2 Tesalonika 2:16

Nabwiya wehu Yesu Kiristu mwinnya na Mulugu Babihu na sayi dewa koniziveliwa hiyo eto konivaha pwaseya wohomala na yoing'anela yehu yapama.

1 Timoteyo 3:15

kalekale uno didodomewo. Jatene jinaulrembela miyo ji jinauwandela mawendelo ofwanela para ahima anafwanyeya vande va Mulugu, anno anafwanyeya kagali Nikuru na Mulugu Okalawo. Nikuru na Mulugu akala nnga ha yengo, gu aliserisi eto gu muzati ohideda ibaribari.

Eberewu 1:2

Mbwenye malambo ogomiheda ala, Mulugu unawonga na hiyo muwari mwa Mwanaye wenno amuhambihile liye ira akale mwinnya wa jatene. Mulugu eto apandutchile jatene muwari mwa Mwanaye wenno.

Eberewu 10:19

Nona abalaga, muwari mwa sangiri na Yesu, hiyo nnowanda volowa mamburo otchena molimbiha murima.

Eberewu 10:21

Hiyo eto nihikana namakuta mundimuwa, wenno unasogolrelra jatene jene jili vande va Mulugu.

Eberewu 10:23

Inafwanela nihidede pama yodediha inarumela hiyo vatando muwari mohodenguma. Mwasiwa wenno univahile nipangano naye gororomeleya.

Eberewu 10:35

Mwagairilena jatene japama jile, kamutatile yodediheda inna nyo. Tchoira muwari mwa yodediheda inna nyo, muhukana yengo ilukulu inafuna nyo za tambilra sogolro.

Eberewu 11:1

Nroromelo ku hawanganyeda jengo jinadediha hiyo vamohi no kana ibaribari zela jengo jejo jahanaona hiyo na meso.

Eberewu 3:14

Tchoira hiyo nihikana pandi na Kiristu nakala oimelene fiyeda makutulo na nroromelo nehu nanna hiyo voroma vene.

Eberewu 4:11

Nona inafwanela nizuzumele ira nivolowe muwari movuma wewo ira ahakalevo mutu unafuna gwana mulandu ohonvwelela Mulugu nnga jaira atu wanle.

Eberewu 4:14

Inafwanela nihidede pama ibaribari inna hiyo mwasiwa nihimukana mundimuwa wa anamakuta wehu ohokala wa masika wenno ugwenle afiya zulu, unafwanyeya agali Yesu, Mwana Mulugu.

Eberewu 4:16

Nona tempu inasegedeya hiyo inafwanela niwande kwivela mohokayikela mpando wa umwene wewo unakumela sayi ira niwande wendeliwa tangaranga eto nifwanye sayi ira niwandege kamihediwa tempu inafuna hiyo nnga nikamihediwe.

Eberewu 6:11

Hiyo eto nnafuna ira kada mutu muwari mwa nyo awendegeve na makalelo anno fiyeda magomelo. Tchoira mwakanave makalelo anno, munowanda kana ibaribari yatene ira munoza mukayena yoing'anela inaing'anela hiyo.

Eberewu 6:18

Mulugu wenno ahananama univaha nipangano naye nohotchindjeya na yolumbela yaye yohotchindjeya, ku wonga jengo mbinli johotchindjeya ira hiyo aliba tamangela wa Yesu ira nivuneliwe niwande limbiha kopolo ira nihidedegeve yoing'anela yenno ilumbenle Mulugu ira anivahe.

Eberewu 7:19

Voira malamulo tchawandile kwakwaneliheda yengo ili yatene, vamalroni va malamulo nihiwanda vahiwa yoing'anela ixa, unafwanyeya agali mutu unamuing'anela hiyo. Eto muwari mwa mutu wenno, hiyo nnowanda mukwivela Mulugu.

1 Peduru 1:8

Masiki nyo malambo a mundulrimu mwahamuonileve Yesu, munowanda muzivela. Eto nyo masiki peno va mwahamuonagave, munowanda muroromelave eto munowanda kana hagalala wohowanda wongeya, hagalala wohokala wa masika.

1 Peduru 2:5

na nyenne eto muli nnga mabwe a ingumi anno Mulugu unamangana liye nyumba ya Munemba ira mukale anamakuta otchena okana mabasa ovelela mikuto dozela ja Mulugu, mikuto dedo nnarumeliwa na Mulugu mwa Yesu Kiristu.

1 Peduru 4:17

Mwasiwa tempu yotonga ihifiya. Ale anafwanyeya pandi ya nlogo na Mulugu banafuna kala arandji tongiwa. Kodi akala Mulugu unafuna arome nitonga hiyo, nnga ale kahanavwelela Muselu Wapama wa Mulugu anafuna kagomele avi?

Jowandeliwa 2:18

<<Liye ohowongagave na miyo adilanyedaga ira: Umulrembele mungelro wa nikuru na atu omuroromela Yesu a Tiyatira mazu oira: <<Mwana Mulugu, wenno unna meswaye nnga nlumi na munlo eto unna manyalo aye nnga mukuwa ojerimela gudiwandenle mazwala.

Jowandeliwa 2:25

So mbwenye nnouwandelani ira muhidede pama inna nyo fiyeda za waga.

Jowandeliwa 2:26

<<Mutu wenno unagondjihe eto airagana jofuna jaga fiyeda makutulo, miyo nnonvaha utongi Baba udivahile liye. Utongi wewo ku atonga atu a maziza matene mofuna mwaye na makalelo nnga mutu unatukula liye ikumbuzo ya momba, aroma twana jombwe jikalaga mapalive.

Jowandeliwa 3:11

<<Miyo nnoza tchineneva. Nona inafwanela muimeleve na nroromelo nenyu ira mwahawakiwe tchapowa unafuna nyo za vahiwa.