Eberewu 3:5 - Mazu Otchena a Mulungu

⁵ Fwanyeya ira Mozeji ali ororomeleya mwa mabasa anna liye osogolrelra vande va Mulugu nnga namalaba. Liye mabasaye ali hidedela umboni zela jengo Mulugu afuna liye za irana sogolro.

Eberewu 3:5 Iomraidhean Croise

Ezodu 14:31

AIzarayeli kagaonne kopolo dindimuwa da Yehova dalabilena liye moagondjiha aIjipitu, kohoroma muova Yehova, aliwa roma muroromela Yehova vamohi na namalaba waye Mozeji.

Ezodu 40:16

Evale mulombwana Mozeji ohoirana jatene nnga mwemo mwamuwandenle Yehova.

Matewuji 24:45

Yesu ohowongagave eraga: <<Kodi namalaba ororomeleya eto owendjela guvi? Gwenno unakwakwaneliheda mabasa uvahediwe liye na patarawu waye ira aaing'anelege anamalaba afwaye eto aavahege jodja jiwa ora yakwakwana.

Matewuji 25:21

Evale patarawu ule ohowakula eraga: <Uhusakanya pama. Weyo uli namalaba wapama eto ororomeleya. Na mwasa okala ororomeleya mwa jengo ja vang'ono dauhiyedile miyo, nnouhela weyo ira uwendihe malronda malukulu. Kaza uvolowe mmba muno, udje pwando vamohi na miyo mbwiyawo!>

Lukaji 12:42

Nabwiya ohowongagave eraga: <<Kodi musogolrelri ororomeleya eto owendjela guvi? Gwenno uni agavahediwe mabasa na patarawu waye ira aaing'anelege anamalaba afwaye eto ira aavahege jodja jiwa oriwa yakwakwana, airagana nnga mwarumiwe liye.

Lukaji 24:27

Evale ohoroma aonelrihedamo jatene jalrembiwe mMazuni zela liye, aromagana malivuru a Mozeji na jolremba jatene ja anamafiyiheda.

Lukaji 24:44

Nomala enne, Yesu ohowonga, liye ira: <<Tempu dali miyo na nyo malambo a mundulrimu, dohouwandelani ira jatene jilrembiwe zela miyo mmalamuloni a Mozeji, malivuru a anamafiyiheda na Salmu jinokwakwanela.>>

Juwawu 5:39

<<Nyo munolimbiheda fundja Mazu muwari moumbuwela ira: <Mazwala banafuna nivaha ingumi yohomala.> Eto fwanyeya ira Mazu anafundja nyo banno anadihidedela umboni.

Joira ja Anamarumiwa 28:23

Evale atwale kohopanganaga siku ira kaze kavwe jowonga ja Pawulo. Siku niwa nagakwakwanne, kohozaga atu pwi vande vaye vale. Roma mabebehi, fiyeda mahiyu, Pawulo annana aonelrihedamo, aawandelagamo aJudewu ale zela Umwene wa Mulugu eto atukulaga mazu kalrembiwe na Mozeji na anamafiyiheda a wanle ira kakayena ibaribari zela Yesu.

Joira ja Anamarumiwa 7:37

<<Mozeji mmohive ohawandela Ana Izarayeli eraga: <Muwari mwa nlogo nehu, Mulugu unoza anirumele namafiyiheda mmohiwa okala nnga ha miyo.>

Roma 3:21

Mbwenye malambwala, kohooneya makalelo okala wapama vamentoni va Mulugu ahali mohara malamulo. So mbwenye malamulo a Mulugu na mazu kalrembiwe na anamafiyiheda anawonga ibaribari zela makalelo para mutu kala wapama.

1 Korinto 4:2

Muwari movahediwa, mutu ovahediwa mabasaye ku irana jejo jivahediwe liye.

Detoronomiyo 3:24

<Nabwiya Yehova, nyo muhuroma dioniha miyo namalaba wenyu undimuwa wenyu vamohi na ndanda nenyu na kopolo. Tchoira zulu na ilambo ya vati kaliwo Mulugu mmohiwa unawanda irana nnga jejo jinaira nyo, nne kalivo unna kopolo dolingana na kopolo denyu.

Detoronomiyo 34:5

Mwa enne Mozeji muzari wa Yehova ohokwaga mwangoni ule, mwilamboni mwa Mowabe nnga mwemo mwawongele Yehova.

1 Timoteyo 1:12

Miyo nnomutamalela Nabwiya wehu Yesu Kiristu wenno unadivaha kopolo dowanda labana mabasaye, mwasiwa liye odiona kala ororomeleya, liye dihambiha ira dilabe mabasaye

Eberewu 1:1

Wanle Mulugu ohowonga na makolo ehu fendo didjindji dene na makalelo ohiyana-hiyana muwari mwa anamafiyiheda.

Eberewu 3:2

Sawasawa nnga Mozeji ali ororomeleya ahindaga mabasa matene vande va Mulugu, Yesu na liyene ali ororomeleya muwari mohinda mabasa a wenno amuhambihile.

Eberewu 3:4

Tchoira nyumba ili yatene ihikana wenno umangile, mbwenye maliba manga jatene gu Mulugu.

Eberewu 8:5

Anamakuta a mwilamboni ya vati muno jinalaba atu jinakala nnga yofwalrafwaniha, jinakala nnga nfulri wa musasa wa ibaribari unafwanyeya ilambo ya zulu. Tchoira Mozeji afunaga imetcha Musasa wa Yehova, liye owandeliwa na Mulugu ira: <<Uing'ane pama ira uwande sakanya jatene molingana na makalelo duonihile miyo mwangoni uno.>>

Eberewu 9:24

Tchoira Kiristu kavolowile mamburo otchena kali mwilamboni ya vati muno kasakanyiwe na manda a atu. Mwasiwa mamburo a ilambo ya vati ila anafwalrafwaniha mamburo otchena a ibaribari anafwanyeya ilambo ya zulu. Kiristu mbwenye uvolowile zulu uwa wene ira awonge vamentoni va Mulugu zela wa hiyo.

Jozuwe 1:15

fiyeda Yehova aavahe abalinyu ira katukule ilambo yenno Yehova Mulugu wenyu unaavaha liye ira kakalegemo eto kavumegemo nnga munavuma nyo. Jagaireyile eno, nyo munoza muwelele ilambo yenno Mozeji muzari wa Yehova auvahileni liye, pandi ya makumelo wa nzuwa wa muhindje Jordawu.>>

Jozuwe 1:2

ira: <<Namalaba waga Mozeji umala kwa. Nona inafwanela uvenye na aIzarayeli atene ala, mulambuwe muhindje Jordawu, mufiye ilambo yenno inaavaha miyo Ana Izarayeli.

Jozuwe 1:7

So weyo ukale olimba kopolo eto ukale olimba murima pama. Uing'anele pama ira uharihemo malamulo matene namalaba waga Mozeji uurumile liye. Kuperuwe nne para muwononi odjana nne para muwononi oromana ira jawo juwendele pama mwatene mwene munayege we.

Jozuwe 8:31

nnga mwemo Mozeji muzari wa Yehova mwaawandenle liye Ana Izarayeli, nnga mwemo mulrembiwele atu mulivuruni mwa malamulo a Mozeji zela makalelo omanga ibuwa ya Yehova ira ibuwa ya Yehova ikalege ibuwa ya mabwe ompumbulene eto ohobubudiwa na yengo ya momba. Jozuwe agasakanyile ibuwele, kohovelelaga mikuto dotumeya eto kohokutaga jovelela ja murendele.

Jozuwe 8:33

Evale aIzarayeli atene, roma anamurala obaliwa aIzarayeli, dowa atu oza vamohi na andimuwiwa atene, asogolrelri ewa, na anamatonga ewa, kohoimela makuru menli. Amohi pandi ya wu, amohi pandi ya wu, anamakuta anno anafwanyeya kagali aLevi, anno katukula Kaxa ya Yopangana ya Yehova, aliwa kala vari viwa. Eto atu a metadi kakala sogolro wa mwango Jerizimi, atu amohiwa a metadi kakala sogolro wa mwango Ebali, nnga mwemo aawandenle mulombwana Mozeji muzari wa Yehova zela makalelo oareliha aIzarayeli.

Jowandeliwa 15:3

Aliwa koimbaga nyumbo ya Mozeji, muzari wa Mulugu, imohive yenno eto inafwanyeya yagali Nyumbo ya mwana Nibila, keraga: <<Nyo so Nabwiya Mulugu, Mwinnya wa Kopolo Datene, joira jenyu ti joira johokala ja masika eto jotikiniha. Nyo so Mwene wa vilambo datene, munairana jengo jatene jofwanela, ja ibaribari.