Eberewu 3:3 - Mazu Otchena a Mulungu

³ Eto fwanyeya ira Yesu ali mutu wapama ofwanela vahiwa undimuwa mukwaranya Mozeji. Mukwaranya uwa unakala nnga undimuwa unakana maliba manga nyumba. Fwanyeya ira maliba manga nyumba unokana undimuwa kwaranya undimuwa wa nyumba imangile liye.

Eberewu 3:3 Iomraidhean Croise

Matewuji 16:18

Tchoira na miyene eto nnouwandela ira weyo Peduru nzina nawo tapulela nibwe. Eto mwa nibwe ni nnomanga nikuru naga. Eto nne Nimburo na Anokwa kaniza nigondjiha nikuru naga!

1 Korinto 3:9

Tchoira nyo muli nnga munda wa Mulugu. Hiyo eto nnalaba mmindani mwemo vamohi na Mulugu. Nyo eto muli nnga nyumba ya Mulugu. Hiyo nnamanga vamohi na Mulugu.

2 Korinto 3:7

Mabasa ozana ukwa kazaga kalrembiwe vamabweni osemiwa, Mozeji liye watchela. Mabasa anno ozana ukwa kohoza na undimuwa fiyeda Ana Izarayeli aliwa imwanana ing'ana wintoni wa Mozeji na mwasa wa undimuwa wafwanyeya wintoni waye na mwasa oka makalelo ojerimela. Eto fwanyeya ira jerimela wa wintoni waye wohototowa. Akala mabasa a ukwa kohokana undimuwa, kodi mabasa a Munemba kinakana undimuwa wokwaranya? Anokana.

Koloso 1:18

Kiristu gu muru wa maningo anno anafwanyeya kagali nikuru na atu anno anamuroromela. Liye goroma eto gu Mwana Murandji muwari mwa atu okwa ira liye akale mwinnya wa jatene jene.

Eberewu 2:9

Mbwenye hiyo nnamuona Yesu wenno wanle ayevihiwe malambo a vang'onove akwaranya angelro, peno eto uhumala hambihiwa ira akale mutu okana undimuwa eto akale mutu oteteliwa, mwasiwa muwari mwa sayi da Mulugu, liye ohokwa ira awande lawiha ukwa vamalroni va atu atene.

Eberewu 3:4

Tchoira nyumba ili yatene ihikana wenno umangile, mbwenye maliba manga jatene gu Mulugu.

Eberewu 3:6

Mbwenye Kiristu kahi namalaba bahi. Liye eto gu Mwana ororomeleya osogolrelra vande va Mulugu. Fwanyeya ira akala hiyo nnomuhideda pama wenno nnamuroromela hiyo, akala nnowanda titimiha zela inaing'anela hiyo, nyumba ya Mulugu gu hiyene.