Eberewu 3:12 - Mazu Otchena a Mulungu

¹² Polre polre abalaga tawiha ira muwari mwa nyo unakalemo mutu mmohi okana murima otakala, ohororomela wenno unafuna amubalrabanduwihe na Mulugu Okalawo.

Eberewu 3:12 Iomraidhean Croise

Jenesesi 8:21

Mwa enne nukela wapama wa mukuto ule wohonfwanya Yehova. Evale Yehova ohoumbuwela mmirimani mwaye ira: <<Miyo dihiiziwa ira atu anafuna za baliwa anoza kakayena jofuna jiwa jotakala romana uhimani wewa. Mbwenye kuma peno eni kadiza diwelela akoka tembelrelra teya na mwasa wa atu eto kadiza diwelela tolotcha jatene ja ingumi na makalelo nnga virile miyo.

Izaiya 59:13

Hiyo nnoviringaniha malamulo aye, nnowonga mazu onama zela Yehova, nnomuhiya Mulugu wehu, nnowonga mazu odjelra na mazu okonda tongiwa, niwongaga mazu onama anaumbuwela hiyo mmirimani mwehu.

Matewuji 16:16

Agafukile enne, Simawu Peduru ohowonga ira: <<Nyo muli Namatikeliwa, Mwana Mulugu Okalawo!>>

Matewuji 24:4

Evale Yesu ohawakulaga, liye roma awandela eraga: <<Polre polre tawiha ira munaze mmuhare mutu ouholotchani.

Markuji 13:23

Mbwenye nyo mukale tchendjewa! Miyo nnouwandelani jatene ejo, jengo jiwa jahanaireye.>>

Markuji 13:33

Mukale tchendjewa, muing'anelege eto mulobelege. Tchoira nyo kamuiziwile tempuwa inafuna za fiya jatene ejo.

Markuji 13:9

<<Ifwanele ira muviing'anele pama, mwasiwa munoza muvahediwe mmandani mwa anamatonga. Aliwa anoububudani muwari mwa nyumba dofundjamo Mazu eto anoza kaudowenani mmandani mwa agovernadore nari mmandani mwa amwene. Jatene ejo jinauireyelegeni na mwasa wa nzina naga ira nyo mudihidedele umboni.

Lukaji 21:8

Yesu ohawandelaga eraga: <<Polre polre tawiha ira munaze munyengiwe. Mwasiwa atu adjindji anerege za kavikalihege nnga miyo, kawongege kerege: <Miyo dili Kiristu>, nari kawongege ira: <Tempuwa ihiwandamela.> Mbwenye nyo mwaaona atu anno, kamwahare.

Roma 11:21

Tchoira akala Mulugu owanda kotolawo tambi da mutengo wapama ule, unowanda ukotolani nyo mwahamuroromele.

1 Korinto 10:12

Nona mutu unaviona ira dihiimela, inafwanela aing'ane pama makalelo aimenle liye tawiha ira unagwe.

Koloso 2:8

Polre polre tawiha ira munaze mukalihiwe azari na atu owonga zelru da ilambo ya vati na jonyenga jimohi jiwa johokana mabasa. Tchoira jonama ejo kajinakuma mwa Kiristu. Jinakumela muwari mwa sanganiko da atu eto jinakumela mwa minemba dabure nnafwanyeya mwilamboni ya vati.

1 Tesalonika 1:9

So akuda Masedoniya na Akaya banawonga ira: <<Sidadi ya Tesalonika mazu kalaleyile aPawulo wewo, atu kohomala hiya vikwamutu josema jahara atu, peno mbwenye aliwa anamuhara Mulugu Okalawo, Mulugu wa ibaribari.

Eberewu 10:31

Gwana milandu mmandani mwa Mulugu Okalawo tchi yengo yowopiha.

Eberewu 10:38

Mbwenye mutu wenno uli wapama unokana ingumi mowenda na nroromelo. Eto awelela mundulri, miyo kannakana ziveliwa zela liye.>>

Eberewu 12:15

Polre polre tawiha ira unakalevo mutu unaze ahafwanye sayi da Mulugu eto tawiha ira unaze akalevo mutu unafuna kala nnga mutchitchi owawa unafuna buwa muwari mwa nyo, amale avaha afwaye oindjiva makatamiho, aatakalihaga.

Eberewu 12:22

Nyo mbwenye mufiyile mwango Siyawu, sidadi ya Mulugu Okalawo, Jeruzalemu wenno uli ilambo ya zulu wewo uli angelro ohowanda kontareya kagumanne muwari mohagalala,

Eberewu 12:25

Polre polre tawiha ira munoza mmukonde wenno unawonga. Tchoira wanle atu anno kamukonda wenne aawendjeliha mwilamboni ya vati tchawandile wombowa. Ki eto nankonda mutu wa ilambo ya zulu unaniwendjeliha, nnafuna niwombowe avi?

Eberewu 3:1

Nona nyo abalaga otchenihiwa, afwaga oitaniwa na Mulugu uli zulu, inafwanela muhele joumbuwela jenyu wa Yesu, wenno uli namarumiwa eto mundimuwa wa anamakuta unamurumela hiyo vatando.

Eberewu 3:10

Na mwasa wenno miyo dohotakaleliwa na atu anne, fiyeda miyo wonga ira: <Aliwa annanave viringana mmirimani mwewa. Aliwa makalelo anafuna miyo kinawanda iziwa.>

Eberewu 3:19

Fwanyeya ira nnowanda ona ira aliwa tchawandile volowa movuma mwa Mulugu na mwasa ohomuroromela.

Eberewu 9:14

na ibaribari sangiri na Kiristu nnolaba kwaranya. Tchoira Kiristu ohowanda vivelela wa Mulugu agali mukuto ohokana yotega muwari mwa kopolo da Munemba Otchena wa Mukalakala. Nona sangiri na Kiristu nnowanda nihuwa mmirimani mwehu ira nahakayena yowanganyeda zela jotega jozana ukwa jaira hiyo mbwenye niwande mulaba Mulugu Okalawo.