Eberewu 3:1 - Mazu Otchena a Mulungu

¹ Nona nyo abalaga otchenihiwa, afwaga oitaniwa na Mulugu uli zulu, inafwanela muhele joumbuwela jenyu wa Yesu, wenno uli namarumiwa eto mundimuwa wa anamakuta unamurumela hiyo vatando.

Eberewu 3:1 Iomraidhean Croise

Izaiya 1:3

Ng'ombe nnoiziwa ira: <Mbwiye gu ula.> Aburu eto anoiziwa ira: <Mbwiye vananidjihetcha liye pa eva.> Mbwenye aIzarayeli kinaiziwave yengo. Atwaga kinaonelramo yengo.>>

Izaiya 41:20

Nnoirana eno ira atu kaone eto kaiziwe eto kaumbuwele eto kaonelremo ira Yehova guirilena jatene ejo eto Mulugu Otchena wa Izarayeli guwandile sakanya eji.>>

Izaiya 5:12

Aliwa so mabasiwa ku imba arpa na lira, makotcho na mafalauta kang'waga vinyu vapwandoni viwa. Mbwenye joira ja Yehova kinabalra, eto kinawanda ona mabasa alabile Yehova na kopolo daye.

Juwawu 17:3

Eto ingumi yohomala tchi ila: atu kauiziweni nyo Mulugu mmohive wa ibaribari eto kadiiziwe miyo Yesu Kiristu mudirumile nyo.

Juwawu 20:21

Evale Yesu ohowongagave akoka na anamamuharaye ale eraga: <<Murendele akale na nyo! Na makalelo mamohive nnga Baba udirumile liye miyo eto na miyene nnourumani nyo.>>

Juwawu 20:27

Agairile eno Yesu ohomuwongana mulombwana Tome, liye ira: <<Kaza uing'ane mmandani mwaga mu, utukule ibuno yawo uze uvolotchihe mwakomenle atu peregu mu. Amala utukule ndanda nawo no, uzena uhinde ikukuru yalatiwe miyo na mwanango. Uhiye kayikela. Uroromele ira miyo dihivenya mokwani.>>

Joira ja Anamarumiwa 1:15

Muwari mwa malambo anne, siku nimohi abali atene omuhara Yesu kagagumanne, Peduru ohovenyaga vari va atu atene kagumannege evale. Fwanyeya ira abali atene omuroromela Yesu kagumannege kaligi wandamelana 120. Evale Peduru agavenyile, ohowongaga eraga:

Roma 11:17

Ili nnga mutengo mmohi wa azeti unazaliwa vande. Mulugu gutukunle mutengo wapama ule, tambi dimohi diwa liye kotolawo, tatila. Dowa eto tukula mutengo wa azeti wa mukokolani, ohozaliwa, kotolawo tambi, liye za bandiha vamohi na tambi dihanle da mutengo wa vande ule. Evale tambi datene gumanela, datene kalagawo vamohi muwari mwa mahindje amohive anakumela nigodo nimohive na mutengole.

Roma 15:27

Atu ohokala aJudewu ale kohoirana mofuna mwewa eto na ibaribari ihikala pama aliwa kaagawele aJudewu omuroromela Yesu ja ilambo ya vati janna atu mwasiwa afwiwale banno kaalaleyile mazu. Voira aliba laleya mazu kohowanda agawela afwiwa ja ilambo ya zulu, yofwanela ira na aliwene kaarelihe afwiwa kasimenle zela ja ilambo ya vati.

Roma 15:8

Va miyo nnouwandelani ira Kiristu azaga, aalabaga aJudewu, ali na mwasa okwakwaneliheda mapangano asakanyile Mulugu na makolo a wanle. Ali ira Mulugu aoneye ira awonga yengo unoirana.

Roma 9:24

Atu anafuna za ona upama unna Mulugu liye aatolotchaga atu abure ale gu hiyo uniitanile liye. Hiyo atu oitaniwa, kanili aJudewu ve bahi, nari. Kohokalamo oitaniwa aJudewu, kohokalamo oitaniwa ohokala aJudewu.

1 Korinto 1:2

Nnoulrembelani nyo nikuru na Mulugu, atu atene otchenihiwa muwari mokala muwari mwa Kiristu munafwanyeya sidadi ya Korinto. Mulugu usakulrani nyo ira mukale atu otchenihiwa vamohi na atu atene oitana nzina na Nabwiya wehu Yesu Kiristu wenno uli Nabwiya wa hiyo eto uli Nabwiya wa atu amohiwa atene anno anamuitana.

1 Korinto 10:17

Muwari moira pawuwa inadja hiyo tchi imohive bahi, na hiyene masiki nagalive adjindji, nnafwanyeya nagali maningo mamohive, mwasiwa nnadja pawu imohive.

1 Korinto 9:23

Jatene ejo jinera miyo, ilukuluwa so nnafuna atu kawande vwa Muselu Wapama ira kagavwile, kawatchele upama uwatchenle miyo.

2 Korinto 1:7

Yodediha inna hiyo zela makalelo anafuna nyo goma ilive yolimbene tchoira hiyo nihiiziwa ira nyo mwaona goyi nnga nnaona hiyo, munoona eto limbihiwa na makalelo nnga nnalimbihiwa hiyo.

2 Korinto 9:13

Tchoira aliwa kagawatchenle mabasa analaba hiyo, anerege mutitimiha Mulugu ira: <<Nnoutitimihani zela vwelela unna afwihu wewo unakumela muwari morumela Muselu Wapama wa Kiristu. Eto nnoutitimihani na mwasa wa sokasoka uniirele afwihu na manda menli, kanivaha hiyo vamohi na atu amohiwa.>>

Efezo 3:6

Yengo yokoyeya yali ira muwari morumela Muselu Wapama, atu ohokala aJudewu anokana yoing'anela imohive vamohi na aJudewu eto anokala jano ja maningo mamohive eto anowatchela nipangano nimohive neno nnafwanyeya muwari mwa Yesu Kiristu.

Efezo 4:1

Na mwasa wenno, miyo Pawulo dagali munyakadeya na mwasa omuhara Nabwiya nnafuna dukokomezeni ira mutukule mawendelo Nabwiya aniitanele liye ira niiregena.

Efezo 4:4

Hiyo atu omuroromela Yesu nili maningo mamohive. Nihikana Munemba mmohive. Mulugu uniitana ira nikayena yoing'anela imohive inadediha hiyo.

Filipo 3:14

Miyo nnadowave sogolro ira diganyalri yotambilra yenno Mulugu udiitanenle liye ira dikayena muwari mwa Yesu Kiristu.

Koloso 1:12

mmutamalelaga Baba zela jatene jinera liye. Baba wenno usakanyile ira nyo muwande vahiwa upama unafuna vahiwa atu atene otchenihiwa anno anafwanyeya mmoneyani.

Koloso 1:22

Mbwenye peno Mulugu uwanda uwandanihani na liye muwari mwa ukwa Yesu ukwile liye na maningo aye ira awande uvelelani vamentoni va Mulugu mwagali atu otchenihiwa, atu ohokana yotega, atu ohokana imanya.

Koloso 3:12

Voira jili eno eto voira nyo muli atu Mulugu uusakunlreni liye, muli atu otchenihiwa, atu oziveliwiwa, inafwanela mwawendaga, muwarege makalelo oawendela afwihu tangaranga na upama, mukale atu oviyeviha, opwaseya, ovilela,

1 Tesalonika 2:12

Nohokala na nyo vamohi, nukokomezagani nyo mwatene, nulimbihagani. Hiyo nohoukokomezani ira muwendege na makalelo ofwanela para atu anafwanyeya muUmweneni mwa Mulugu, mwasiwa Mulugu unaniitana ira nigane umwene waye na undimuwa waye.

1 Tesalonika 5:27

Miyo nnourumani vamentoni va Nabwiya ira mutukule mazu a karta ni, mwaavwihe abalihu atene.

2 Tesalonika 1:11

Muwari moiziwa eji, hiyo nnakaleletcha ulobelelani ira Mulugu wehu aukamihedeni ira mukale atu owenda na makalelo ofwanela nnga Mulugu uitanneni liye ira muwendegena. Hiyo nihiiziwa ira nyo muwari mwa nroromelo munna nyo, muhukana jengo japama na mabasa anafuna nyo laba muwari mwa kopolo da Mulugu. Eto nnonvepa Mulugu ira aukamihedeni irana japama jatene ejo.

2 Tesalonika 2:14

Nyo mwagavwile Muselu Wapama nalaleya hiyo, tchi tempu yenno yuitanneni Mulugu ira muze muvulusiwe momuroromela Yesu. Mulugu uuvuluseleni ira awande uvahanimo nyo undimuwa unna Nabwiya wehu Yesu Kiristu.

1 Timoteyo 6:12

Uwanege kondo yapama yozela irana ja nroromelo. Malambo a mundulrimu Mulugu uitana weyo ira ukayena ingumi yohomala eto weyo wohowanda rumela zela ingumi yenno vamentoni va amboni adjindji. Inafwanela uhidede pama ingumi yenno.

1 Timoteyo 6:2

Eto muzari akana patarawaye omuroromela Yesu, inafwanela ahawande mulramwisa moira: nnalabege vang'ono vang'ono mwasiwa unamulaba miyo gu mbalaga omuroromela Yesu. Mbwenye inafwanela asimbwege mulaba aiziwaga ira: vanalaba miyo va, vakuma yengo, unadja gu mbalaga omuroromela Yesu unamuziveliwa miyo. Wafundjihege eto wakokomezege jatene jinawonga miyo ji.

2 Timoteyo 1:9

Mulugu univulusa eto uniitana ira niwendege na makalelo otchena. Jatene ejo Mulugu kaniirele na mwasa wa joira jehu japama, nari. So mbwenye ali yofuna yaye na sayi daye dedo Mulugu univahile liye muwari mwa Yesu Kiristu nnga mwemo mwaumbuwenle liye, zulu na ilambo ya vati jahanapandutchiwe.

2 Timoteyo 2:7

Uumbuwele jatene jinawonga miyo, tchoira waumbuwela, Nabwiya unouvaha onelramo muwari mwa jatene.

Eberewu 10:19

Nona abalaga, muwari mwa sangiri na Yesu, hiyo nnowanda volowa mamburo otchena molimbiha murima.

Eberewu 10:21

Hiyo eto nihikana namakuta mundimuwa, wenno unasogolrelra jatene jene jili vande va Mulugu.

Eberewu 10:23

Inafwanela nihidede pama yodediha inarumela hiyo vatando muwari mohodenguma. Mwasiwa wenno univahile nipangano naye gororomeleya.

Eberewu 13:22

Miyo nnouvepani abalaga ira muvuruwane pama mazu a vang'ono okokomeza dulrembenleni miyo mukartani mu.

Eberewu 2:11

Fwanyeya ira maliba atcheniha atu na aliba tchenihiwa, babiwa gu mmohive. Nona pa evo Yesu vanawanda liye aitana mohonyaswa atu aatchenihile liye na nzina na abalaga,

Eberewu 2:17

Ira liye awande akamiheda ale kabaliwe muzizani mwa Abarahamu, yali yofwanela liye asanduwe, makalelo aye matene kakale olingana na abalaye. Ali ira awande kala mundimuwa wa anamakuta okana tangaranga, ororomeleya muwari mwa mabasa a Mulugu. Yali yofwanela liye kala namakuta wa makalelo anno ira awande sembeselra uwali wanna Mulugu zela jotega.

Eberewu 3:12

Polre polre abalaga tawiha ira muwari mwa nyo unakalemo mutu mmohi okana murima otakala, ohororomela wenno unafuna amubalrabanduwihe na Mulugu Okalawo.

Eberewu 3:14

Tchoira hiyo nihikana pandi na Kiristu nakala oimelene fiyeda makutulo na nroromelo nehu nanna hiyo voroma vene.

Eberewu 6:20

Yesu onisogolra, liye volowa muwari mwa Nimburo Notchenetchetcha ira anikamihede hiyo. Tchoira liye unafwanyeya agali mundimuwa wa anamakuta wa mukalakala olingana na unamakuta wa Melikezedeki.

Eberewu 7:26

Yesu gu mundimuwa wa anamakuta ofuneya ira nimukayena. Mwasiwa liye gotchena, ohokana yotega eto ohokana yodugudela. Liye ohomwalanihiwa na atu otega, liye teteliwa zulu wokwaranya zulu.

Eberewu 7:28

Andimuwa a anamakuta kahambihiwa muwari mwa malamulo, atene kakala aliba tegave. Mbwenye vasogolro va malamulo, muwari molumbela walumbenle Mulugu, puzile liye muhambiha Mwanaye kala mundimuwa wa anamakuta wenno uli okwakwanela malambo a mukalakala.

Eberewu 9:11

Mbwenye tempu ili hiyo ila, Kiristu gu mundimuwa wa anamakuta wenno unasogolrelra jatene japama jizile tchineneva. Liye mbwenye ohovolowa Musasa wa Yehova mundimuwa, okwakwanela, wenno unafwanyeya ilambo ya zulu hiya wenno asakanyiwe na manda a atu unafwanyeya ilambo yopandutchiwa ya vati ila.

Eberewu 9:15

Nona pa evo vanawanda Yesu kala namasogolrelra wa Yopangana Ixa vari va Mulugu na atu. Muwari mwa Yesu atu atene oitaniwa anowanda watchela jorayela johokana mala uwa, jejo japanganne Mulugu ira aavahe. Tchoira Yesu ohokwa ira aawombole aliba itaniwa zela mwa jotega jaira atu muwari moviringaniha yopangana yoroma.

1 Peduru 2:9

Nyo mbwenye muli nlogo nosakulriwa, muli anamakuta a Umwene, muli ziza notchena, muli atu a ibaribari a Mulugu ira muwandege laleya undimuwa wa wenne uitanneni ira mukume isini mwafwanyeya nyo ira muze muvolowe wareyani waye wotikiniheya.

1 Peduru 3:5

Mwasiwa ahiyana otchena a wanle, anno kamuroromeletcha Mulugu, makalelo ewa oriya ali oira kada muhiyana orumela tongiwa na mamunaye.

1 Peduru 5:1

Va miyo nnafuna daawelruze aansiyawu anno anafwanyeya muwari mwa nyo. Tchoira na miyene eto nnafwanyeya dagali ansiyawu nnga aliwa eto nnafwanyeya dagali mutu ohidedela umboni zela goyi da Kiristu eto dihikana pandi na undimuwa wenno unafuna za oneyihiwa.

1 Peduru 5:10

Nyo mwagamanle onihiwa goyi tempu ya vang'ono, Mulugu wa sayi datene, wenno uuitanileni muwari mwa Yesu Kiristu ira muvolowe muwari mwa undimuwa waye ohomala, liyene unoukalihani okwakwanelene, unouvahani kopolo, unoulimbihani no uimelihani pama.

1 Juwawu 1:3

Wenno nuulaleyileni hiyo nyo, gwenno nimuonne hiyo eto gwenno nanvwetcha hiyo awongaga. Nuulaleyileni ira na nyenne muwendege vamohi na hiyo. Na ibaribari hiyo nnawenda vamohi na Baba na Mwanaye Yesu Kiristu.

Judaji 1:1

Unalremba gu miyo Judaji, muzari wa Yesu Kiristu eto nnafwanyeya dagali Tiyagu mbalaye. Nnoulrembelani nyo atu osakulriwa, oziveliwiwa na Mulugu Baba eto muli okoyiwa na Yesu Kiristu.

Jowandeliwa 17:14

Aliwa anoza kawane kondo na mwana Nibila. Mbwenye mwana Nibila nnoza naagondjihe aliwa, tchoira mwana Nibila gu Nabwiya wa anabwiya atenene eto gu Mwene wa amwene atene. Eto mwana Nibila nnaza naagondjihe agali vamohi na atwaye oitaniwa, anno kasakulriwe, anafwanyeya kagali ororomeleya.>>

Jowandeliwa 18:20

<<Nyo atu a ilambo ya zulu hagalalani. Nyo atu atene otchenihiwa, anamarumiwa nari anamafiyiheda muhagalale. Tchoira Mulugu umala itonga sidadile zela jabure jatene jene jauireleni liye.>>