Eberewu 2:9 - Mazu Otchena a Mulungu

⁹ Mbwenye hiyo nnamuona Yesu wenno wanle ayevihiwe malambo a vang'onove akwaranya angelro, peno eto uhumala hambihiwa ira akale mutu okana undimuwa eto akale mutu oteteliwa, mwasiwa muwari mwa sayi da Mulugu, liye ohokwa ira awande lawiha ukwa vamalroni va atu atene.

Eberewu 2:9 Iomraidhean Croise

Jenesesi 3:15

Miyo nnouidaniha weyo na muhiyana eto nnoaidaniha ahimawo na ahimaye. Mwana unafuna liye za mbala gwenno unafuna za uporotcha murwawo, we eto unoporotcha izondwaye.>>

Izaiya 11:1

Inoza ipwete yopwetela ya nigodo na Jese, ikala tambi inafuna pweta mmutchitchini mwaye.

Izaiya 7:14

Nona Nabwiya mwinnya unafuna auvaheni ionihedo. Kaing'anani, namwali ula ahagumanile na mulombwana unoza akayena vambani, ambale mwana wa mwanapongwe, anvahe nzina na Emanuwele.

Matewuji 16:28

Na ibaribari nnouwandelani ira amohiwa anafwanyeya veva anoza kamuone Mwana wa Mutu azaga na umwene waye, aliwa kahanalawihe ukwa.>>

Matewuji 6:28

<<Kodi munakalela nni okukumuwene zela jowara? Kaing'anani makalelo anaulukula folori. Folori kannalaba yengo, kannavisakanyela jowara jiwa.

Markuji 9:1

Yesu ohawandela anamamuharaye ira: <<Na ibaribari nnouwandelani ira veva vili hiyo va, kohokalavo atu amohiwa anafuna ona Umwene wa Mulugu uzaga na kopolo kahanakwe.>>

Lukaji 9:27

Mbwenye na ibaribari nnouwandelani ira veva vali hiyo va, kohokalavo atu anaone Umwene wa Mulugu aliwa kahanakwe.>>

Juwawu 1:29

Mmetcheloni muwa, Juwawu ohomuonaga Yesu azaga wali liye. Evale ohowongaga, liye ira: <<Kaing'anani! Mwana Nibila na Mulugu, neno nnatimiha yotega ya atu a ilambo ya vati, gwenne!

Juwawu 10:17

<<Baba udizivela miyo mwasiwa miyo dihirumela velela ingumi yaga ira diwande itukula akoka.

Juwawu 12:32

Mbwenye miyo mwadiona ditomeyiwaga vazulu, nnoaziha atu atene wa miyo.>>

Juwawu 3:16

Tchoira Mulugu ohaziveliwa atu a mwilamboni ya vati na makalelo ohokala a masika fiyeda liye muruma Mwanaye mmohive anna liye ira mutu uli watene unamuroromela ahatolowe mbwenye akayena ingumi yohomala.

Juwawu 8:51

<<Miyo nnafuna duwandeleni ibaribari. Ule unakoya mazwaga, kaza akwa.>>

Juwawu 8:52

Evale aJudewu kohomuwakula ira: <<Peno mbwenye nihiiziwa ira weyo ukana munemba wabure! Tchoira Abarahamu vamohi na anamafiyiheda atene kohomala kwa. Eto weyo unawonga ira: <Ule unakoya mazwaga, liye mbwenye kaza akwa.>

Joira ja Anamarumiwa 2:33

Agavennye mokwani, ohodowiwana zulu, Mulugu ohomuriheda anvahaga nimburo na muwononi odjana waye eto anvahile Yesu ira amurume Munemba Otchena nnga Mulugu apanganne liye. Jatene jinaona nyo na jinavwa nyo, jinazela muwari mwa Munemba Otchena umurumile Yesu.

Joira ja Anamarumiwa 3:13

Mulugu wa Abarahamu, Mulugu wa Izaki na Mulugu wa Jako, vamohi na Mulugu wa makolo ehu gumutitimihile Yesu Namalaba waye muwari monvulumutcha mutula na nzina na Yesu. Yesu gwenno mmutukunle nyo, munvaheda mmandani mwa mundimuwa Pilatu. Pilatu afunaga mukutcha, nyo eto mohoroma muruniha, mmukondaga Yesu.

Roma 5:18

Fwanyeya ira sawasawa nnga yotega imohi yerile mulombwana Adawu yokwakwana ira atu atene kamangiwe mulandu, yengo imohi yapama yerile Yesu yokwakwana ira atu atene kakale apama eto ira kakayena ingumi.

Roma 5:8

Mbwenye Mulugu unanioniheda nizivela waye ulukulu tchoira tempu yali hiyo otegene, tchi tempu yanikwenle Kiristu.

Roma 8:3

Tchoira Mulugu ohoirana yenno malamulo yahawandile atu irana. Malamulo tchawanda gondjiha jofuna jehu ja maningo ira hiyo niwandege irana joira japama. Mulugu mbwenye ohomuruma Mwanaye na maningo nnga mutu otega ira awatchele mmaningoni mwaye tongiwa wafuna hiyo tongiwa zela jotega jehu ira hiyo niiregena jengo japama jinafwanyeya mmalamuloni muwari mwa Munemba. Ale anawenda na maningo kinawanda irana jengo japama jinafwanyeya mmalamuloni. Anawanda irana gu hiyo atu owenda na Munemba.

Roma 8:32

Tchoira Mulugu kamupoparile Mwanaye. Amurumile Mwanaye Yesu ira aze apiwe ira hiyo nikale pama. Akala Mulugu univahile Mwanaye Yesu ira nikale pama, kodi agamanle nivaha Yesu, Mulugu na sayi daye kananivaha jengo jili jatene? Unonivaha.

2 Korinto 5:15

Wenno aakwenle atene akwele ira ale kaliwo kahakalewo ira kairegenave jofuna jewa mbwenye kakalewo para kairegena jofuna ja wenno aakwenle nomala avenyihiwa mokwani.

2 Korinto 5:21

Ira nikale pama, Mulugu amukalihile wenno ahaiziwile yotega ira akale mutu otega ira muwari mwa liye, hiyo niwande kana upama wa Mulugu.

Galasiya 4:4

Mbwenye tempu yagakwakwanne, Mulugu ohomuruma Mwanaye, liye baliwa na muhiyana. Eto liye abaliwe ora yawenda atu na malamulo

1 Timoteyo 2:6

Tempu yafunne Mulugu yagakwakwanne, Yesu guvivelenle ira aawombole atu atene ira akale umboni zela vulusiwa.

Eberewu 1:9

Nyo munoida ubure eto munoziveliwa upama. Nona Mulugu [Baba] wenno uli Mulugu wenyu auhambihani na makura ohagalala, nyo kalaga andimuwa oakwaranya afwinyu.>>

Eberewu 10:5

Voira sangiri na anavinyama kannawatchela jotega, nona pa evale vazile Kiristu mwilamboni ya vati, awongaga na Mulugu ira: <<Nyo kamufunne mikuto da vinyama na jovelela. Mbwenye nyo muhudisakanyela maningo.

Eberewu 11:5

Mwa nroromelo mulombwana Inoki ohotukuliwa ira ahaone ukwa. Kaoneyile wadowile liye mwasiwa Mulugu gwamutukunle liye ahakwile. Ahanatukuliwe, liye ohoteteliwa ira ali mutu omuziveliwiha Mulugu.

Eberewu 12:2

Nitamangege nimuing'anaga Yesu, wenno unafwanyeya agali maliba romiha nroromelo nehu eto maliba kwakwaneliheda nroromelo nehu, wenno avilenle akomeliwa vamuradini, alramwisaga nyaswa ozela piwa. Liye airagana eno, abalra ira: <<Dakomeliwa vamuradini, kahi yengo. Tchoira vasogolro hagalala unafuna miyo kana kahi ung'ono.>> Peno eto, ugarati nimburo na ibaribari, muwononi odjana, mpandoni wa Umwene wa Mulugu.

Eberewu 2:7

Nyo mohoroma muyeviha tempu ya vang'ono akwaranya angelro. Eto magomelo uwa muhuwanda muhambiha ira akale mutu okana undimuwa eto akale mutu oteteliwa,

Eberewu 7:25

Nona liye unowanda avulusa mokwakwanela anno anafuna mukwivela Mulugu muwari mwa liye. Tchoira liye ukalawove kala no kala ira aalobelelege atwale vari va aliwa na Mulugu.

Eberewu 8:3

Voira mundimuwa wa anamakuta uli watene unahambihiwa ira avelelege wa Mulugu jovelela vamohi na mikuto, yali yofuneya ira mundimuwa wehu Yesu akayena yenno yafuna liye velela.

1 Peduru 1:21

Muwari mwa Kiristu nyo munowanda muroromela Mulugu wenno anvenyihile Yesu mokwani, anvaha undimuwa. Jejo Mulugu airilena ira nroromelo nenyu no ing'anela wenyu jiwande kala na liye.

1 Juwawu 2:2

Liye gu maliba maliha uwali wa Mulugu zela jotega jehu eto hiya jehu ve bahi, vamohi na jotega ja atu atene a ilambo ya vati.

Jowandeliwa 19:12

Liye meswaye kali nnga nlumi na munlo. Vamuru vaye vohokala atchapowa ang'onong'ono adjindjene. Eto ohokana nzina nalrembiwe liye. Mbwenye nzina nne kalivo mutu mmohiwa aiziwile. So liye mwinnya bahi gwaiziwile.

Jowandeliwa 5:9

Aliwa komuimbelaga mwana Nibila nne nyumbo ixa keraga: <<Nyo muli ofwanelela ira muwande tukula livuru no, mutwe jofungihana jidindiwevo, mwasiwa nyo mohopiwa eto muwari mwa sangiri nenyu muhuwanda awombola atu a malogo matene, a viwongelo datene, na atu a vilambo datene, na kada atu ira kakale a Mulugu,