Eberewu 2:8 - Mazu Otchena a Mulungu

⁸ nyo sakanyaga ira liye akayena utongi wa jatene jipandutchile nyo, ira jatene jikale vati va manyalo aye.>> Muwari monvaha utongi oira atongege jatene, kilivo yengo ili yatene Mulugu yahamuhiyedile liye. Eto fwanyeya ira tempu ili hiyo ila hiyo kannaona ira jatene jinatongiwa na liye.

Eberewu 2:8 Iomraidhean Croise

Daniyeli 7:14

Eto ohovahiwaga utongi na undimuwa vamohi na umwene ira atu a malogo matene, vilambo datene, atu a viwongelo datene kamulabege. Eto utongi waye gu utongi wa mukalakala wenno wahanamala eto umwene waye kuza ubwanyuliwa.>>

Matewuji 28:18

Noira enne, Yesu ohodowa vali anamamuharaye, aawandelaga eraga: <<Dihimala vahiwa utongi watene wa ilambo ya zulu na ilambwela ya vati.

Juwawu 13:3

Yesu ohoiziwa ira: <<Baba udivahile utongi wa jatene. Miyo dikumele wa Mulugu. Eni nnafuna diwelele wa liye.>>

Juwawu 3:35

Baba unomuziveliwa Mwanaye eto uhunvaheda jatene mmandani mwaye.

1 Korinto 15:27

Tchoira Mazu anawonga ira: <<Mulugu uhela jatene vati va manyalo aye.>> Kawongaga keraga: <<jatene jiheliwe vati va manyalo aye>>, ihimala iziweya ira Kiristu unotonga jatene muhiya Mulugu wenno unvahile ira atongege.

Eberewu 1:13

Eto fwanyeya ira Mulugu kanababihege wonga na angelro mazu oira: <<Ugarati muwononi waga odjana ante difiyede agondjiha amwidanawo ira kakale nnga yengo yonyingalihavo manyalo awo.>>

Eberewu 1:2

Mbwenye malambo ogomiheda ala, Mulugu unawonga na hiyo muwari mwa Mwanaye wenno amuhambihile liye ira akale mwinnya wa jatene. Mulugu eto apandutchile jatene muwari mwa Mwanaye wenno.

Eberewu 2:5

Zela ilambo ya sogolro inafuna za yenno inawonga hiyo, Mulugu kaasakunlre angelro ira aliwa kaze katongege ilambo yenno, nari.

1 Peduru 3:22

Liye agavenyihiwe, agadowile zulu, peno va unafwanyeya muwononi odjana wa Mulugu. Liye eto uhuvahiwa utongi ira aatongege angelro nari andimuwa andimuwa nari kopolo datene.

Jowandeliwa 1:18

Miyo dili wenno unna ingumi. Dohokwa, mbwenye kaing'anani, dihikalawo eto nnerege kalawo kala no kala. Eto dihikana maxavi a Ukwa na maxavi a Nimburo na Anokwa.