Eberewu 2:10 - Mazu Otchena a Mulungu

¹⁰ Tchoira yali yofwanela ira Mulugu wenno unafuna teteliwa muwari mwa jatene jene eto unakalihawo jatene jene, amuonihe Yesu goyi ira muwari mwa goyi dile, Yesu awande kala Namakunga wo vulusiwa wokwakwanela. Ali ira Yesu awandege atukula atu adjindji, aavolotchihege muwari mwa undimuwa wa Mulugu ira aliwa kakale ahima a Mulugu.

Eberewu 2:10 Iomraidhean Croise

Jenesesi 18:25

Kamuirena yengo yokala nnga ha yenna ira atu apama kapiwe vamohi na atu abure. Ira apama na abure atene katongiwe na makalelo amohive, kamuirena! Mwasiwa nyo muli namatonga wa ilambo yatene ya vati, wenno unatonga mwa ibaribari.>>

Izaiya 43:21

Anno ba atu daawombile miyo ira kakale aga eto ira kakale atu ovweyiha joditamalela.

Izaiya 55:4

Kaing'anani, miyo dohosakanya ira Davi akale mboni waga vamentoni va atu a unde eto ira akale musogolrelri na mundimuwa wa atu a unde.

Lukaji 13:32

Evale Yesu ohawakulaga, liye ira: <<Mudowe mwamuwandele mutu oxanga nnga mwanambwa a mukokolani uyo, muire: <Yesu uwongile ira: Kaing'ana, peno na metchelo miyo nnatamangiha minemba dabure no avulumutcha atu maurenda. Mbwenye siku naneraru miyo nnomariha mabasaga.> >>

Lukaji 2:14

<<Mulugu Okwaranya Jatene atitimihiwe eto murendele akale vati vano muwari mwa atu anno anaaziveliwa liye.>>

Lukaji 24:26

Kodi nyo kamunonile ira yali yofuneya ira Namatikeliwa aonihiwe goyi dedo, amala avolowe muwari mwa undimuwa waye?>>

Lukaji 24:46

Ohawandelaga, liye ira: <<MMazuni muhulrembiwa ira Namatikeliwa unoonihiwa goyi eto siku naneraru unovenyihiwa mokwani.

Juwawu 11:52

Eto hiya nlogo na aJudewu ve bahi, Yesu afuna aakwele na anne kafwanyeya molapa ira muwari mwa ukwa waye, awande agumaniha ana Mulugu ira kakale vamohive.

Juwawu 19:30

Evale Yesu agang'wile vinyule ohoira: <<Jatene jihikwakwanela!>> Liye oramiheda murwaye vati, liye velela muzimu waye.

Joira ja Anamarumiwa 3:15

Nyo mohompa Namavaha wa Ingumi. Mulugu eto ohonvenyiha mokwani. Hiyo mbwenye nihikana umboni ira Yesu ohovenya mokwani.

Joira ja Anamarumiwa 5:31

Mulugu aganvenyihile mokwani, ohomutitimiha Yesu muwononi odjana waye ira akale Musogolrelri wa atu eto Nvulusi wa atu ira hiyo aIzarayeli niwande twaruwa no leveleliwa jotega jehu.

Roma 11:36

Tchoira jatene jiliwo jinakumela mwa liye. Jatene jinakalawo mwa liye. Eto jatene jiliwo jikalelewo ira Mulugu atitimihiwe. Mwa eno, Mulugu atitimihiwe kala no kala. Ame!

1 Korinto 2:7

Hiyo mbwenye zelru nnawonga hiyo, nnaawandela zelru da Mulugu dokoyeya, dohooneya na atu, dedo Mulugu aumbuwenle liye romelave wanle ahanapandutche zulu na ilambo ya vati ira hiyo niwande ona upama waye wohomala.

1 Korinto 8:6

zela hiyo mbwenye nihiiziwa ira ninna Mulugu mmohi bahi, Baba wenno upandutchile jatene jene. Nihiiziwa ira hiyo nikalelewo ira liye ateteliwe. Eto nihiiziwa ira hiyo ninna Mbwiye mmohive bahi, Yesu Kiristu. Jatene jipandutchiwe, jipandutchiwe muwari mwa liye eto nikanlewo muwari mwa liye.

2 Korinto 3:18

Hiyo atene eto muwari moing'ana undimuwa wa Nabwiya kove dihu dagali dohokuneliwa dene nnasandutchiwa ira nikayena makalelo amohive, hiyo sanduwaga vang'ono vang'ono kwivelagave undimuwa unna liye. Jatene eji jinakumela wa Nabwiya wenno uli Munemba.

2 Korinto 4:17

Tchoira zuzumihiwa unna hiyo wa vang'ono eto wahanadibeliwa, unanilabela ira nikayena undimuwa ulukulu wohomala, wohowanda fwalrafwanihiwa na yengo imohiwa.

2 Korinto 5:18

Jatene eji jikumile mwa Mulugu wenno aniwandanihile, avigumanihaga liye na hiyo muwari mwa Kiristu eto univaha mabasa oawandela atu makalelo owandanihiwa na Mulugu.

2 Korinto 6:18

Miyo nnokala Babinyu. Nyo munokala anaga a anapongwe na anavihiyana. Unawonga gu miyo Nabwiya wa Kopolo Datene.>>

Galasiya 3:26

Tchoira na nyenne, na mwasa wa nroromelo nenyu, muli muwari mwa Yesu Kiristu eto nyo mwatene muli ana Mulugu.

Efezo 2:7

Mulugu unigumanihile vamohi na Yesu Kiristu ira vasogolro matempu anafuna za, awande nioniha upama waye na sayi daye dohowanda pimeya.

Efezo 3:10

Yofuna yaye ali ira tempu ili hiyo ila andimuwa na amwene anafwanyeya mamburo a zulu-zulu, kaonege zelru dohiyana-hiyana da Mulugu dimwadeyaga muwari mwa hiyo atu omuroromela Yesu.

Koloso 3:4

Kiristu gu ingumi yenyu. Liye aza aoneya, tchi tempu yenno inafuna nyo za oneya mwagali vamohi na liye na undimuwa unna liye.

2 Timoteyo 2:10

Nona miyo zela jatene jinadiireyela, nnowanda vilela ira atu osakulriwa na Mulugu kafiyede watchela vulusiwa wewo unazana undimuwa wohomala muwari mwa Yesu Kiristu.

Eberewu 12:2

Nitamangege nimuing'anaga Yesu, wenno unafwanyeya agali maliba romiha nroromelo nehu eto maliba kwakwaneliheda nroromelo nehu, wenno avilenle akomeliwa vamuradini, alramwisaga nyaswa ozela piwa. Liye airagana eno, abalra ira: <<Dakomeliwa vamuradini, kahi yengo. Tchoira vasogolro hagalala unafuna miyo kana kahi ung'ono.>> Peno eto, ugarati nimburo na ibaribari, muwononi odjana, mpandoni wa Umwene wa Mulugu.

Eberewu 6:20

Yesu onisogolra, liye volowa muwari mwa Nimburo Notchenetchetcha ira anikamihede hiyo. Tchoira liye unafwanyeya agali mundimuwa wa anamakuta wa mukalakala olingana na unamakuta wa Melikezedeki.

Eberewu 7:26

Yesu gu mundimuwa wa anamakuta ofuneya ira nimukayena. Mwasiwa liye gotchena, ohokana yotega eto ohokana yodugudela. Liye ohomwalanihiwa na atu otega, liye teteliwa zulu wokwaranya zulu.

Eberewu 7:28

Andimuwa a anamakuta kahambihiwa muwari mwa malamulo, atene kakala aliba tegave. Mbwenye vasogolro va malamulo, muwari molumbela walumbenle Mulugu, puzile liye muhambiha Mwanaye kala mundimuwa wa anamakuta wenno uli okwakwanela malambo a mukalakala.

1 Peduru 1:12

Evale Mulugu ohowanda aoniha anamafiyiheda ale ira: <<Jejo jafiyiheda nyo kajinalaba tempu yenyu mbwenye jinafuna jize jaafwanye atu amohiwa sogolro.>> Atu a sogolro kawongiwa gu nyenne. Tchoira muwari mwa kopolo da Munemba Otchena wenno ukumenle zulu, kohokalawo kazile ulaleyani ibaribari zela japama jawongiwa wanle, aliwa ulaleyani Muselu Wapama, jejo jinavenda angelro ira kaiziwe.

1 Peduru 5:1

Va miyo nnafuna daawelruze aansiyawu anno anafwanyeya muwari mwa nyo. Tchoira na miyene eto nnafwanyeya dagali ansiyawu nnga aliwa eto nnafwanyeya dagali mutu ohidedela umboni zela goyi da Kiristu eto dihikana pandi na undimuwa wenno unafuna za oneyihiwa.

1 Peduru 5:10

Nyo mwagamanle onihiwa goyi tempu ya vang'ono, Mulugu wa sayi datene, wenno uuitanileni muwari mwa Yesu Kiristu ira muvolowe muwari mwa undimuwa waye ohomala, liyene unoukalihani okwakwanelene, unouvahani kopolo, unoulimbihani no uimelihani pama.

Jowandeliwa 4:11

<<Nyo Nabwiya wehu, vamohi na Mulugu wehu, muhufwanela titimihiwa, no rihediwa, vamohi no teteliwa zela kopolo denyu. Mwasiwa nyo gupandutchile jengo jatene eto jatene jiwandile panduwa vamohi no kalawo muwari mofuna mwenyu.>>

Jowandeliwa 7:9

Jagamanle ireya ejile, miyo dagaing'anne dohoonaga mwindji wa atu oindjiva ohowanda kontareya, okumela vilambo datene na malogo matene, kada atu, na iwongelo yatene. Aliwa kafwanyeya kagaimenle vasogolro va mpando wa umwene eto vasogolro va mwana Nibila, kagawarile bata dotchena eto kaganna tambi da minazi mmandani mwiwa.