Eberewu 13:8 - Mazu Otchena a Mulungu

⁸ Yesu Kiristu kanatchindjeya. Gu mmohive roma nzilo, pakana peno, ante sogolro kala no kala.

Eberewu 13:8 Iomraidhean Croise

Jenesesi 21:33

Abarahamu ohozalaga mutengo mmohi eni uneriwa tamarga Beriseba ule, liye lobelaga wewule na nzina na Yehova, Mulugu wa Mukalakala.

Ezodu 3:14

Mulugu ohomuwakulaga Mozeji liye ira: <<MIYO DILI, WENNO DILI. Wadowa, waawandele Ana Izarayeli were: <Udirumile wa nyo gu MIYO DILI.> >>

Izaiya 41:4

Bani airilena eji afiyeda mariha? Gwenno aromihile malogo matene a atu voroma vene. Gu miyo Yehova, miyo dili oroma eto gu miyene unafuna kala vamohi na atu ogomiheda. Gu miyene.

Izaiya 44:6

Yehova, Mwene wa Izarayeli eto Namawombola waye, Yehova wa Makuru Matene unawonga ira: <<Miyo dili oroma eto dili ogomiheda. Hiya miyo kaliwo mulugu mmohiwa.

Malakiya 3:6

Jatene ejo nnoirana, tchoira miyo dili Yehova ohotchindjeya. Nona nyo ana Jako mwahatolowa.

2 Korinto 1:19

Tchoira miyo na Sila na Timoteyo nulaleyagani zela Yesu Kiristu Mwana Mulugu, laleya wehu kwaali laleya wa <<He.>> na <<Hehi.>> Mbwenye muwari mwa Yesu, laleya wehu unafwanyeya wagali <<He.>> bahi.

2 Korinto 1:20

Tchoira mapangano matene a Mulugu muwari mwa Yesu ba mapangano a <<He.>> Nona niwongaga: <<Ame!>> muwari mwa Yesu ira Mulugu atitimihiwe.

Eberewu 1:12

Eto nyo munoza muvinde zulu na ilambo ya vati nnga mutu avindaga kapaye. Zulu na ilambo ya vati jinoza jitchindjiwe nnga mutu atchindjaga jowara jaye. Mbwenye nyo muli mmohive. Yaka denyu kadiza dimala.>>

Tiyagu 1:17

Inafwanela muiziwe ira yengo ili yatene yapama, yengo ili yatene yokwakwanela tchi yengo yokumela zulu, wa Baba wenno upandutchile moneya watene, Baba wenno ahanatchindjeya eto ahanasusa nnga vini nfulri asusaga.

Judaji 1:25

Mulugu wenno mmohive uliwo unafwanyeya agali Nvulusi wehu, akayena undimuwa, akayena upama wohokala wa masika, akayena umwene watene, akayena utongi muwari mwa Yesu Kiristu Nabwiya wehu roma mukalakala wa mundulri, pakana peno va, ante mukalakala wa sogolro. Ame! Kukala mazu a karta nilrembiwe na Judaji.

Jowandeliwa 1:11

niiraga: <<Ulrembe mulivuruni jatene jinaona we, urumihede makuru matanu na menli a atu omuroromela Yesu anafwanyeya Aziya. Waarumihede makuru anafwanyeya muwari mwa sidadi di: Efezo, Ejimirina, Perigamo, Tiyatira, Sardeji, Filadelifiya na Layodiseya.>>

Jowandeliwa 1:4

Unalremba gu miyo Juwawu. Nnoulrembelani nyo makuru matanu na menli a atu omuroromela Yesu munafwanyeya ilambo ya Aziya. Malondjelo anaurumihedani miyo ba ala. Sayi na murendele jokumela wa Mulugu wenno aliwo wanle eto uliwo na vanove eto unaza akalewo kala no kala jikale na nyo. Eto sayi na murendele jokumela wa Minemba mitanu na minli dedo nnakala vamentoni va mpando wa Umwene wa Mulugu jikale na nyo. Eto Yesu Kiristu wenno uli mboni wa ibaribari uwandile za awandela atu ibaribari eto unafwanyeya agali Mwana Murandji muwari mwa atu okwa eto unafwanyeya agali mundimuwa oatonga amwene a ilambo ya vati, sayi na murendele jokumela wa liye jikale na nyo. Nimutamalelege Yesu Kiristu wenno unaniziveliwa eto wenno uwandile nikutcha mwa jotega jehu muwari movuviha sangiri naye,

Jowandeliwa 1:8

Nabwiya Mulugu unawonga ira: <<Miyo dili <A>. Miyo dili <Ze>. Miyo dili wenno aliwo mundulri eto wenno uliwove peno eto wenno unafuna za kalagawove sogolro, Mwinnya wa Kopolo Datene.>>