Eberewu 13:4 - Mazu Otchena a Mulungu

⁴ Inafwanela nyo mwatene murihedege telana. Kakalevo unafuna takaliha mmba mwa aliba telana. Tchoira Mulugu unoatonga ale anahiya bandja niwa kadowaga mmohi muwa mwene nari ale anafwanyeyana mulandu oraruwa uli watene.

Eberewu 13:4 Iomraidhean Croise

Jenesesi 2:21

Evale Yehova Mulugu ohomugoniha mulombwana Adawu kove dilukulu mayiji. Evale mulombwanole agagonne, Yehova ohokumihawo mbaru imohi ya mulombwanole, nomala liye fungavo na munoku nnga mwakalele atu.

Jenesesi 2:24

Nona mulombwana unerege muhiya babaye na mmaye, adowe ambande muhiyanaye, era eno, ambinlene anokala maningo mamohive bahi.

2 Amwene 22:14

Mwa enne namakuta Hilikiya, na Aikawu, na Akibori, na Safani, vamohi na Asaya, kohomaruwaga, aliwa dowa wa namafiyiheda wa muhiyana aitaniwa Hulida, wenno akala tatamo yaitaniwa tatamo yanembinli muwari mwa Jeruzalemu. Namafiyiheda ule ali mwadi Salumi, gwarda wa jowara ja Nyumba ya Yehova. Fwanyeya ira Salumi ali mwana Tikiva eto ali muzula wa Haraji. Kagadowile, kohonfwanya, aliwa muwandelamo Hulda ule jatene jarumiwe atu na mwene.

Izaiya 8:3

Noira eno, miyo dohodowa gumana na muhiyanaga wenno uli namafiyiheda, liye kana vambani, mbala mwana wa mwanapongwe. Evale Yehova ohowonga na miyo ira: <<Unvahe nzina na Gudjula mwa sanga sanga, waka mobaranya.

Malakiya 3:5

Yehova wa Makuru Matene unawonga ira: <<Nnoza difiye vakwikwi vene wa nyo ira ditonge. Mobaranya nnozana umboni oagwihana mulandu aliba lowa, aliba raruwa, aliba hidedela umboni onama, aliba adjelra anamalaba ewa, ale anaaoniha goyi amakwele a ahiyana na anapawi, nari wenno ahanamuirela upama mutu oza nari atene kahanadiova miyo.

1 Korinto 5:13

Unafuna atonga atu a unde gu Mulugu. Mbwenye zela nyo, mutu wabure inafwanela mmukumihemo ira ahafwanyeye muwari mwa nyo.

1 Korinto 6:18

Inafwanela mutawe raruwa. Tchoira yotega ili yatene yahali raruwa ili unde wa maningo. Mbwenye mutu wenno unararuwa, unatakaliha maningo anna liye.

1 Korinto 6:9

Kamuiziwile ira atu abure kiza kakana pandi na Umwene wa Mulugu? Kamunyengiwe, mwasiwa romana mutu wenno unararuwa, nari unahara vikwamutu josema, ule unangoniha mwadi nfwaye, ule unavenda jomugoniha mulombwana nfwaye,

1 Korinto 7:38

Fwanyeya ira ule unamutela mwendaye, usakanya pama. Eto ule ahanamutela unosakanya pama kwaranya.

1 Korinto 9:5

Kodi miyo na Barnabe kaninna direitu yomutela muhiyana omuroromela Yesu amala nimuwendagana muwari mwa mabasihu nnga vere anamarumiwa afwihu, Nabwiya Yesu adibiliye no zaga mulombwana Peduru?

2 Korinto 5:10

Tchoira hiyo atene nnoza nifiye mpando otonga wa Kiristu ira kada mutu awatchele yotambilra yaye zela joira jaye jaira liye ora yawenda liye mmaningoni mwaye, akala jali japama nari akala jali jabure.

Galasiya 5:19

Joira ja maningo jihimala iziweya. Ti ji: Raruwa, irana jotakala, unyambi,

Galasiya 5:21

silrilra, lrezelra, dowaga vamainelo na jotakala jimohi jiwa jokala ha jeji. Miyo nnafuna dulimbiheni nnga daulimbihileni miyo malambo a mundulrimu ira ale anairana nnga ha jeji kiza kavahiwa pandi muUmweneni mwa Mulugu.

Efezo 5:5

Tchoira inafwanela mukayena ibaribari ira mutu watene unairana joraruwa, nari mutu wenno unairana jotakala, nari mutu wenno unasilrilra, atu anno mbwenye kinna yodediheda ira anoza kavahiwe pandi muUmweneni mwa Kiristu na Mulugu. Ule unasilrilra na ule unatamalela ikwamutu yosema gu mmohive.

Detoronomiyo 22:22

<<Afwanyiwa mulombwana mmohi amugonihaga mwadi mwinnya, ambinlene kapiwe, roma mulombwana wenno unafwanyiwe amurarutchaga muhiyanole, vamohi na muhiyana wenne amurarutcha liye. Muiregena eno ira muwandege maliha ubure vari va ilambo ya Izarayeli.

1 Tesalonika 4:6

Zela ja unyambi jo, kakalevo unafuna jompudja nfwaye nari mutegela mbalaye. Tchoira unaatonga atu atene oraruwa gu Nabwiya. Jatene eji malambo a mundulrimu nagali na nyo nihimala uwandelani eto nihimala uwendjelihani.

1 Timoteyo 3:2

Nona ira mutu akale bixpu, inafwanela akale mulombwana ohokana imanya, mulombwana umutenle muhiyana mmohi bahi, mutu okana muru wapama, owanda viwendiha pama, mulombwana orihediwa, mutu owanda awatchela alendo, mulombwana owanda afundjiha atu.

1 Timoteyo 3:4

Akale mutu owendiha pama vande vaye. Ahimaye kakale ahima okana respeto, onvwelela babiwa pama.

1 Timoteyo 4:3

Muwari monama anawongege makalelo ofuna ahiyiha atu ira kahatelane eto anerege wonga makalelo oahiyiha atu zela jodja jejo jipandutchile Mulugu ira hiyo atu omuroromela eto oiziwa ibaribari nidjege muwari momutamalela.

1 Timoteyo 5:14

Nona miyo nnaona ira yapamiwa, makwele uli ahanaulule, ateliwe, aabale ahimaye, asapege jaye vande vaye. Kairana eno, ale ananiida kinakana makalelo ofuna ninukeda yengo.

Titu 1:6

ansiyawu unafuna we muhambiha akale mutu ohokana imanya, akale mulombwana umutenle muhiyana mmohi bahi. Na ahimayene kakale omuroromela Yesu. Kikale ahima owenda ja uzimora nne ahima ohavwelela ababiwa.

Eberewu 12:16

Eto polre polre tawiha ira muwari mwa nyo unakalemo mutu unagone na muhiyana nari mulombwana ahali waye. Kakalevo eto mutu oluluviha ja Mulugu nnga mulombwana Ezawu wenno agulihile undimuwa waye na parato imohi ya jodja.

Jowandeliwa 22:15

Mbwenye anambwa atene, ale analowa, aliba gonihana na makalelo abure, apanga, aliba hara amilugu amohiwa na atene anaziveliwa jengo jonama, aliwa kiza kavolowa. Atene anno anaza kakale unde.