Eberewu 13:3 - Mazu Otchena a Mulungu

³ Eto kamwaadiwalege ale anafwanyeya mukadeya. Mwaairelege upama muwari moumbuwela kalaga nnga na nyenne muli mukadeya vamohi na aliwa. Kamwadiwalege eto ale anaireliwa ubure vasayi mwasiwa na nyenne tambe muli atu okalawo na maningo.

Eberewu 13:3 Iomraidhean Croise

Jenesesi 40:23

Mbwenye mundimuwa wa aliba sakanya jong'wa ule agamanle welihediwa mabasaye, kamuumbuwenle Joze zela yovepa yaye. Ohofiyeda mwezo omudiwala wene.

Matewuji 25:36

Miyo dali mandave eto nyo mohodiwariha, dali murenda eto nyo mohoza dipanda. Miyo dali mukadeya, mbwenye nyo mohoza diona!>

Matewuji 25:43

Miyo dali mulendo, kamwazile diwatchela. Dali mandave, kamwadiwarihile. Dali murenda nari dali mukadeya nyo kamwazile dipanda.>

Joira ja Anamarumiwa 24:23

Vevale liye ohomuruma musogolrelri mmohi wa anyakondo 100 amuing'anela Pawulo ira: <<Umutukule mutula wankoye mukadeya. Eto umuhiyege azongolege vang'ono. Waahiye eto afwaye atene kazege, kamukamihedege.>>

Joira ja Anamarumiwa 27:3

Unde ule mbe, nohofiyaga sidadi yeriwa Sidoni. Nagali wewule, mundimuwa Juliyo ule ohomusasanya Pawulo pama, liye muhiya ira adowe agumane na afwaye a wewule, kanvahege jimohi jamuhalenle.

Roma 12:15

Mwamuona mutu ahagalalaga, na nyenne muhagalalege. Mwamuona mutu anlaga, na nyenne munlege.

1 Korinto 12:26

Yano imohi yasegedeya, jano jatene jinosegedeya vamohi. Yano imohi yateteliwa, jano jatene jinohagalala vamohi.

Efezo 4:1

Na mwasa wenno, miyo Pawulo dagali munyakadeya na mwasa omuhara Nabwiya nnafuna dukokomezeni ira mutukule mawendelo Nabwiya aniitanele liye ira niiregena.

Koloso 4:18

Miyo dagali Pawulo malondjelo ogomiheda ala, unalremba gu miyo na ndanda naga. Umbuwelani makurenti diwarihiwe miyo. Sayi da Mulugu dikale na nyo. Kukala mazu a karta nalrembiwele atu omuroromela Yesu a Koloso.

Eberewu 10:34

Nyo mowanda awendela tangaranga ale kavokediwe mukadeya. Nyo eto mowanda hagalala muwari mowakiwa jengo janna nyo. Tchoira nyo mohokana ibaribari ira: <<Ja ilambo ya vati jiwakiwe hiyo kahi yengo. Tchoira nnoza niwatchele yengo yapama kwaranya jiwakiwe hiyo eto inafuna hiyo kana tchi yengo yohomala.>>

Eberewu 11:37

Amohiwa kohopiwa muwari movokiwa mabwe. Amohiwa kohogwadiwa vari na saroti. Amohiwa kohopiwa na supada. Amohiwa kawendawenda kagawarile matembe a mabila na matembe a mbuzi. Kawenda osimelene, ozuzumene, oireliwa jengo pwi johofwanela.

1 Peduru 3:8

Vogomiheda vuwa, inafwanela nyo mwatene mukayena zelru dimohive, mukayena kumbanyana, muzivelanege nnga anazivelana atu a muibalini mmohive, mukayena mirima dowendelana tangaranga eto mukale oviyeviha mwa joumbuwela jenyu.