Eberewu 11:8 - Mazu Otchena a Mulungu

⁸ Mwa nroromelo mulombwana Abarahamu agaitaniwe ira avenye adowe ilambo imohiwa yafuna liye vahiwa, liye ohonvwelela Mulugu. Liye ohomaruwa ahaiziwaga wafuna liye dowa.

Eberewu 11:8 Iomraidhean Croise

Jenesesi 11:31

Evale Tera ohomutukula mwanaye Abaramu na nijaliye Sarayi na muzuliye Lroti mwana Arani, aliwa kuma Uri, ilambo ya aKalidewu ira kadowe ilambo ya Kana. Kahanafiye Kana, kohoimelaga ilambo yeriwa Arani, aliwa roma kala wewule.

Jenesesi 12:5

Ohomutukula muhiyanaye Sarayi, na Lroti mwana mbalaye, na jengo jatene japatile atu kagali wewule vamohi na anamalabiwa anno kaapatile atu Arani ule. Atene anne kohovenyihana, kadowaga ante aliwa fiya ilambo ya Kana.

Jenesesi 12:7

Evale Yehova ohomutwanyuwelaga mulombwana Abaramu, liye muwandela ira: <<Miyo nnouvaha ilambo yenna ira ikale ya ahimawo a musogolro.>> Noira enne, Abaramu ohomanga evale ibuwa ya mukuto wa Yehova wenno amutwanyuwenle.

Jenesesi 15:5

Noira enne, Mulugu omuwongana Abaramu ira akumele unde, liye wonga ira: <<Uing'ane zulu, uone akala unowanda kontari nyenyedi.>> Evale ohomuwandela ira: <<Ahimawo a musogolro anoza kakale nnga nyenyedi dedile!>>

Jenesesi 17:8

Miyo nnoza duvahe weyo vamohi na ahimawo a musogolro ilambo yatene yenna ya Kana, ilambo yenna inafwanyeya we wagali mutu oza ira ize ikale yewa kala no kala. Eto miyo nnokala Mulugu wewa.>>

Jenesesi 20:13

Mulugu adikumihaga vande va babaga, miyo dohonvepa muhiyanagola, miyo ira: <Upama unafuna we diirela gu ula. Mwatene mwene munafiyege hiyo, uwongege ira: Ula gu murongolaga.> >>

Jenesesi 22:18

Eto muwari mwa ahimawo a musogolro, malogo matene a ilambo ya vati anoza karelihiwe, mwasiwa weyo uvwelela yaurumile miyo.> >>

Jenesesi 26:3

Inafwanela ukale ilambo yenna nnga mutu oza. Miyo nnakala na weyo eto nnoureliha. Tchoira miyo nnouvaha weyo na ahimawo ilambo yatene yenna, dikwakwanelihedaga lumbela walumbenle miyo na babawo Abarahamu.

Izaiya 41:2

<<Kodi bani umuvenyihile mutu makumelo wa nzuwa wenno unagondjiha mwatene munavira liye? Bani unamukamiheda ira aagondjihe atu a malogo amohiwa? Bani unamukamiheda ira awandege anyingalela amwene ewa na manyalo aye? Supada naye nnoasandutcha atu ira kakale nnga tumbulru. Nifumo naye nnoabalaletcha atu nnga makata kavavaga na nipevo.

Izaiya 51:2

Muing'ane wa Abarahamu babinyu eto wa Sara wenno aubanleni. Tchoira dimuitanaga, liye ali mutu mmohi bahi. Damuitanile ira dimurelihe eto dimuindjivihe.

Matewuji 2:21

Evale mulombwana Joze agavwile ejile, ohomulanda mwanaye na mmayiwa, aliwa venyihana kadowaga ilambo ya Izarayeli.

Roma 1:5

Yesu wenno, na sayi daye, unirumile hiyo anamarumiwa ira nidowe naalaleye atu a malogo matene ira kamuroromele, amala kanvwelelege ira nzina na Yesu niteteliwe mwa atu a malogo matene.

Roma 10:16

Eto fwanyeya ira aJudewu kagavwile Muselu Wapama, kahi atene karumenle muselu kavwile atu. Kalaga nnga mazu Izaiya alrembile liye wanle oira: <<Nabwiya, kalivo uroromenle muselu nilaleyile hiyo!>>

Roma 6:17

Mbwenye Mulugu atamaleliwe, mwasiwa agali nyo wanle mwali azari ohara jotega, malambwala muli atu ovwelela na mmirimani mwenyu mwatene jejile jifundjihiwe nyo.

2 Korinto 10:5

Hiyo nnotolotcha jowonga na zelru dovitukulela datene nnalabana atu kaahiyihaga afwiwa ira kahaiziwe ibaribari ya Mulugu. Hiyo nnogondjiha youmbuwela ili yatene ira ikale yonvwelela Kiristu.

Detoronomiyo 9:5

Ira nyo mutukule ilambwele kahi ira nyo muli atu apama, nne kahi ira nyo muli atu owongowa mirima, nari. Mbwenye ili na mwasa wa ubure wa malogo ale. Nona Yehova Mulugu wenyu aatamangihagamo aliwa mwilamboni mule vasogolro venyu. Eto Yehova Mulugu wenyu unoirana eno ira akwakwanelihede nipangano nalumbenle liye na makolo enyu Abarahamu, Izaki na Jako.

Eberewu 11:33

Tchoira atene anno mwa nroromelo kohogondjiha maumwene, aliwa venyiha matongelo a ibaribari mwilamboni, aliwa fiyeda watchela mapangano, aliwa eto kohofunga milomo da apodogoma,

Eberewu 5:9

Agamanle onihiwa goyi dile, liye okala mutu okwakwanela, wenno unawanda avulusa kala no kala atu anno ananvwelela.

Jozuwe 24:3

Mwa tempu yenno miyo dohomukumihamo babinyu Abarahamu ilambo yali liye, kombela ya muhindje Eufarati, miyo dohomuwendiha ilambo yatene ya Kana. Eto dohonvaha ahima adjindji. Dohonvaha Abarahamu mwana aitaniwa Izaki.

1 Peduru 1:22

Nyo muhuvitcheniha minemba denyu muwari movwelela ibaribari, eto peno muhukana zivelana wa ibaribari nnga anazivelana atu a muibalini mmohive. Nona inafwanela muwendegeve no zivelana wewo mohokayikela eto na mmirimani mwenyu mwatene.

1 Peduru 3:1

Na makalelo mamohive, na nyenne ahiyana muteliwe inafwanela mwaavwelelege amamuninyu. Ili ira wamukana mamunawo ohobalra mazu, aona makalelo awo ira weyo uli muhiyana wa makalelo apama, okana respeto, liye awande iziwa ira mazu kohokana mabasa muwari mwa mawendelo awo apama masiki weyo wahamuwandenleve mazu.

1 Peduru 4:17

Mwasiwa tempu yotonga ihifiya. Ale anafwanyeya pandi ya nlogo na Mulugu banafuna kala arandji tongiwa. Kodi akala Mulugu unafuna arome nitonga hiyo, nnga ale kahanavwelela Muselu Wapama wa Mulugu anafuna kagomele avi?