Eberewu 11:4 - Mazu Otchena a Mulungu

⁴ Mwa nroromelo Abeli ohovelela wa Mulugu mukuto ofuneyetchetcha hiyaniha na wa Kayini waye, fiyeda Mulugu liye mutetela nnga wapama, liye rumela jovelela jaye. Muwari mwa nroromelo naye bahi Abeli masiki agakwile, na vanove unowonga.

Eberewu 11:4 Iomraidhean Croise

Jenesesi 4:10

Evale Yehova ohonfukaga akoka, liye ira: <<Kodi weyo usakanyile nni? Sangiri na mbalawo neno nitatiyile vateyani, nnodiitana.

Jenesesi 4:15

Mbwenye Yehova ohomuwakulaga eraga: <<Nari. Yeniyo mbwenye kinaireya. Tchoira mutu wenne unaupe weyo, atu atanu na ambinli a muibalini mwaye anokwa.>> Noira eno, Yehova ohomuhela Kayini sinale ira mutu uli watene anfwanya, ahampe.

Jenesesi 4:25

Adawu ohowelela mugonana muhiyanaye Eva akoka. Noira enne, Eva ohombala mwanapongwe mmohiwa, liye nvaha nzina na Seti, eraga: <<Mulugu uhudivaha mwanapongwe mmohiwa ira akale vamalroni va Abeli wenno Kayini umpile liye.>>

Jenesesi 4:8

Evale Kayini ohomuwongana mbalaye Abeli kwi: <<Ndowe minda.>> Mwa enne kagadowile minda ule, Kayini ohomurungunuwela mbalaye, mpa.

1 Amwene 18:38

Mwa enne ohozaga munlo wa Yehova kumela zulu, mala tumeya romela mukuto ule, kuni dile, mabwe ale vamohi na teya yafwanyeya vati viwa. Eto ohoummihaga mahindje kafwanyeyaga mmulihani mule.

Matewuji 23:35

Na mwasa wenno Mulugu unoutongani zela sangiri na atu atene apama anno kapiwe vasayi mwilamboni ya vati mwatene, romela ukwa wa Abeli wenno ahanna mulandu fiyeda Zakariya mwana Barakiya, wenno mumpile nyo vari va Nyumba ya Yehova na ibuwa ya mukuto.

Titu 1:16

Atu otakala ale, anawonga ira: <<Hiyo nihimuiziwa Mulugu.>> Mbwenye muwari mwa joira jiwa, anamuruna. Tchoira atu anne ba atu otakaletchetcha, ohonvwelela Mulugu. Kahi atu ofwanela ira kahindege yengo ili yatene yapama.

Eberewu 11:2

Tchoira muwari mwa nroromelo puzile andimuwa a wanle teteliwa na Mulugu.

Eberewu 12:1

Afwihu atene naawongile hiyo ala anafwanyeya kagali amboni oindjiva kanirindjile. Nona naona zela amboni adjindji ozela joira jiwa, inafwanela nitatile yengo ili yatene inaninyemela na jotega jejo jinanipitikelrelra, nitamange korida yenno ivahiwe hiyo.

Eberewu 12:24

Mufiyile wa Yesu, mwinnya ukungile Yopangana Ixa. Mufiyile wewo uli sangiri niwokiwe nnawonga pama nohiyana na sangiri na Abeli.

Eberewu 5:1

Tchoira mutu ira akale mundimuwa wa anamakuta, Mulugu gunamusakulra muwari mwa atu atene ira aalabele afwaye zela ja Mulugu. Liye unokana mabasa ovelela jovelela na mikuto dokurumuwela jotega.

Eberewu 9:22

Eto nasaka mazu anafwanyeya mmalamuloni, na ibaribari nnofwanya ira kwaji jatene jene jinatchenihiwa muwari mwa sangiri. Eto vahali vuviha sangiri, kavali leveleliwa jotega.

2 Peduru 2:8

Tchoira mutu wapama Lroti ule, akalaga muwari mwa atu abure malambo matene, liye ozuzumiha kalawo waye wapama na mwasa oona eto ovwa joira joviringaniha malamulo jaira atu.

Judaji 1:11

Udilu wa aliwa! Tchoira kohomala hara ndila ya Kayini. Eto anairana jabure ira kakale atu orayela nnga viringaniha wanna mulombwana Balawu. Eto aliwa kohomala tolowa na mwasa oruniha utongi nnga jairile mulombwana Kora.