Eberewu 11:10 - Mazu Otchena a Mulungu

¹⁰ Tchoira liye adediha ira avolowe sidadi yokana aliserisi, yenno ilrembelriwe eto imangiwe na Mulugu.

Eberewu 11:10 Iomraidhean Croise

Izaiya 14:32

Nnafuna dize daawakule avi aliba milanyo a nlogo nimohi niwa? Nnoza diwonge ira: <<Yehova umala garatiha na wanle Siyawu. Tchi sidadi anafuna tawelamo atwaye kaonihiwe goyi.>>

Juwawu 14:2

Ineriha nyumba ya Babaga mukala mamburo madjindji. Wahakala mamburo madjindji, miyo dogouwandelani. Miyo nnadowa ira dausambaulreleni malro.

2 Korinto 5:1

Maningo ehu ala nnakalamo hiyo mwilamboni muno anafwanyeya nnga musasa. Muwari mobalra jengo johooneya, hiyo nihiiziwa ira musasa wehu ula atolowa, nihikana nyumba imohiwa yokumela wa Mulugu, yohomangiwa na manda, ya mukalakala inafwanyeya ilambo ya zulu.

Filipo 3:20

Hiyo mbwenye wanihu tchi ilambo ya zulu. Eto nnamudediha Nvulusi wehu wenno unafuna za kumela zulu wewule, wenno unafwanyeya agali Nabwiya Yesu Kiristu.

Eberewu 11:16

Mbwenye ante na vanove aliwa kohokana yoing'anela ira kadowe kavolowe ilambo yapama kwaranya. Ilambo yenno inafwanyeya yagali ilambo yokumela zulu. Nona Mulugu aavwa atu anne kamuitanaga na nzina na Mulugu wehu, liye kananyaswa zela atu anno anawonga eno. Mwasiwa na liyene umala asasanyedela sidadi yewa ira kadowe kakalegemo.

Eberewu 12:22

Nyo mbwenye mufiyile mwango Siyawu, sidadi ya Mulugu Okalawo, Jeruzalemu wenno uli ilambo ya zulu wewo uli angelro ohowanda kontareya kagumanne muwari mohagalala,

Eberewu 12:28

Mulugu univahile ira niwatchele umwene ohotikeya. Naona ira Mulugu uhuwanda nivaha umwene ohowanda tikeya, inafwanela nikale atu omutamalela Mulugu. Inafwanela nimutamalele na makalelo omuziveliha muwari momutitimiha eto muwari momuova.

Eberewu 13:14

Tchoira mwilamboni ya vati hiyo kaninna sidadi ya mukalakala. Hiyo mbwenye nnavenda sidadi yenno inafuna za.

Eberewu 3:4

Tchoira nyumba ili yatene ihikana wenno umangile, mbwenye maliba manga jatene gu Mulugu.

Jowandeliwa 21:2

Eto dohoiona Sidadi Yotchena, Jeruzalemu Muxa, ikumelaga zulu wa Mulugu, ititelaga ilambo ya vati, yagamanle sakanyiwa pama nnga jini namateliwa afunaga watcheliwa na mamunaye.