Eberewu 11:1 - Mazu Otchena a Mulungu

¹ Nroromelo ku hawanganyeda jengo jinadediha hiyo vamohi no kana ibaribari zela jengo jejo jahanaona hiyo na meso.

Eberewu 11:1 Iomraidhean Croise

Joira ja Anamarumiwa 20:21

Doalaleya aJudewu nari atu ohokala aJudewu anno kali aGerego ira katwaruwe kamuhare Mulugu eto kamuroromele Nabwiya wehu Yesu Kiristu.>>

1 Korinto 13:13

Tempu ili hiyo ila, inafwanela mutu amuziveliwe nfwaye, akayena nroromelo, akayena dediha ja sogolro, mbwenye mwa jatene eji, ilukuluwa ku muziveliwa nfwawo.

2 Korinto 11:17

Inafuna miyo wonga movitukulela, kannawonga na mawongelo a Nabwiya mbwenye nnawonga na mawongelo a zimora.

2 Korinto 4:18

Tchoira hiyo kannakukumuwela jengo jooneya na meso, mbwenye nnakukumuwela johooneya na meso bahi. Mwasiwa jengo jooneya ti jengo johodibeliwa vira mbwenye jengo johooneya ti jengo ja mukalakala.

2 Korinto 5:17

Nona akala ukala mutu uli muwari mwa Kiristu, liye gu yopandutchiwa ixa. Ja wanle jihivira. Jatene jihisanduwa, jinafwanyeya jagali jixa.

2 Korinto 5:7

Tchoira ora ila hiyo nnawenda muwari mwa nroromelo bahi hiya muwari moona jengo jiwa.

2 Korinto 9:4

Nnatawa ira dera didemule moururumutchani vamohi na akuda Masedoniya angasi angasi, nnaze nufwanyeni mwahanakozeye. Era eno inokala manyazo para miyo eto simbwasimbwa para nyo, mwasiwa hiyo nihiwonga mohokayikela ira nyo muli okozeyene.

Galasiya 5:6

Tchoira mutu uli muwari mwa Yesu Kiristu, akala uineliwa owu hehi kaineliwe, jejo kajinna mabasa. So ilukuluwa inafuneya mutu akayena nroromelo eto muwari mwa nroromelo aaziveliwege afwaye.

Titu 1:1

Unalremba gu miyo Pawulo, muzari wa Mulugu eto namarumiwa wa Yesu Kiristu ira ale kasakulriwe na Mulugu kakayena nroromelo eto ira kawande iziwa ibaribari zela jimohi jiwa eto kairegena japama

Eberewu 10:22

Na mwasa wa jatene eji, inafwanela nimukwivele Mulugu mohokana yowanganyeda mmirimani mwehu, mokana nroromelo nolimba, mokana mirima dapama mowokiwa sangiri ira nahakayena jowanganyeda jotakala eto nimukwivele Mulugu muwari mokana maningo ohuwiwa na mahindje otchena.

Eberewu 10:39

Hiyo mbwenye kanili muwari mwa anno anawelela mundulri ira katolotchiwe. Hiyo nili muwari mwa ale kanna nroromelo. Muwari mwa nroromelo ninna hiyo, nnowanda koya kalawo wehu.

Eberewu 11:13

Atu atene anna kohofiyeda kwa kahanawatchele jatene Mulugu apanganne liye. Mbwenye kakwileve na nroromelo niwa nene. So aliwa kaonne mapangano apanganne Mulugu olapela wene ati ati ati, aliwa ziveliwa eto aliwa rumelaga ira: <<Mwilamboni muno nili atu oza. Hiyo so nnafwanyeya nagali aliba vira.>>

Eberewu 11:27

Mwa nroromelo Mozeji ohokuma Ijipitu, ahaovaga uwali wa mwene. Liye ohowanda vilela mwa jengo jidjindji jene, kalaga nnga liye ohomuona wenno ahanaoneya.

Eberewu 11:7

Mwa nroromelo mulombwana Nowe agawandeliwe zela jengo jafuna za ireya, jejo ora yenno jali jahanaoneye, liye muwari momutitimiha no muova Mulugu, ohosema mwadeya ira liye na atu a vande vaye kavuluwe. Muwari moirana eno, Nowe ohagwihana mulandu atu atene kafwanyeya mwilamboni ya vati eto liye kala mutu oing'anela watchela upama wenno unazela muwari mwa nroromelo.

Eberewu 2:3

Akala wenno alramwisa mazu kawonga angelro wanle ohofiyeda tongiwa, nnga nalramwisa mazu azilena Nabwiya Yesu tchineneva ozela makalelo apama onivulusa, nnafuna nivulumuwe avi? Kavinawandeya. Fwanyeya ira aromile laleya Muselu Wapama onivulusa ali Nabwiya Yesu. Ale kavwile na Nabwiya Yesu banilaleyile hiyo, aliwa nivaha ibaribari.

Eberewu 3:14

Tchoira hiyo nihikana pandi na Kiristu nakala oimelene fiyeda makutulo na nroromelo nehu nanna hiyo voroma vene.

Eberewu 3:6

Mbwenye Kiristu kahi namalaba bahi. Liye eto gu Mwana ororomeleya osogolrelra vande va Mulugu. Fwanyeya ira akala hiyo nnomuhideda pama wenno nnamuroromela hiyo, akala nnowanda titimiha zela inaing'anela hiyo, nyumba ya Mulugu gu hiyene.

Eberewu 6:12

Muwari mokana ibaribari zela yoing'anela inna hiyo, kamunakala atu oimwa mbwenye munaasazihege afwinyu anno anawanda vahiwa japama Mulugu apanganne liye mwasiwa aliwa kohokana nroromelo no vilela.

2 Peduru 1:1

Unalremba gu miyo Simawu Peduru, muzari wa Yesu Kiristu eto namarumiwa waye. Nnoulrembelani nyo mwatene muvahiwe ira mukayena nroromelo nnga hiyo muwari mo wongowa wa Mulugu wehu na Nvulusi Yesu Kiristu.