Eberewu 10:5 - Mazu Otchena a Mulungu

⁵ Voira sangiri na anavinyama kannawatchela jotega, nona pa evale vazile Kiristu mwilamboni ya vati, awongaga na Mulugu ira: <<Nyo kamufunne mikuto da vinyama na jovelela. Mbwenye nyo muhudisakanyela maningo.

Eberewu 10:5 Iomraidhean Croise

Jenesesi 3:15

Miyo nnouidaniha weyo na muhiyana eto nnoaidaniha ahimawo na ahimaye. Mwana unafuna liye za mbala gwenno unafuna za uporotcha murwawo, we eto unoporotcha izondwaye.>>

Izaiya 1:11

Yehova unawonga ira: <<Mikuto didjindji dinyu nnadilabela nni? Tchoira miyo dihigomana mikuto dotumeya da mabila a alombwana, na jonuna ja jifuwo joruva jinavelela nyo. Kadinna ziveliwa zela sangiri na ng'ombe, nne sangiri na mabila, nne na mbuzi.

Izaiya 40:16

Ira Mulugu akayena mukuto omufwanela, guguru yatene ya Libano tchakwakwana ira nnokumamo kuni dotumeyana mukuto uwa. Eto vinyama dili emo kadakwakwana para mukuto otumeya.

Izaiya 7:14

Nona Nabwiya mwinnya unafuna auvaheni ionihedo. Kaing'anani, namwali ula ahagumanile na mulombwana unoza akayena vambani, ambale mwana wa mwanapongwe, anvahe nzina na Emanuwele.

Matewuji 11:3

<<Mudowe mwanfuke muire: <Kodi Namatikeliwa wenno afuna za gu nyenne? Owu hehi nimuing'anelegeve mutu mmohiwa?> >>

Lukaji 1:35

Evale mungelrole ohomuwandela, liye ira: <<Munemba Otchena unoutitela eto kopolo da Mulugu Okwaranya Jatene nnakala na weyo. Nona mwana unafuna we mbala unaitaniwege Otchena eto unaitaniwege Mwana Mulugu.

Lukaji 7:19

Evale Juwawu agavwile, oharuma anamamuharaye ambinli wa Nabwiya ira: <<Dowani mwanfuke muire: <Kodi nyo muli wenno afuna za, owu hehi nimuing'anelegeve mmohiwa?> >>

Juwawu 1:14

Mulombwana Mazu ohoza, liye wara maningo, kalaga vamohi na hiyo atu. Hiyo nihiona undimuwa waye ineriha liye gu Mwana mmohive wa Baba unafwanyeyana sayi dilukulu vamohi na ibaribari.

Galasiya 4:4

Mbwenye tempu yagakwakwanne, Mulugu ohomuruma Mwanaye, liye baliwa na muhiyana. Eto liye abaliwe ora yawenda atu na malamulo

1 Timoteyo 3:16

Hiyo nnowanda rumelela mohokayikela ibaribari yenno yahaiziweyile wanle zela mutu otchena Yesu ira: Liye ohoza, ohooniwa agawarile maningo. Munemba Otchena ohomuhidedela umboni. Angelro kohomuona. Liye oholaleyiwa muwari mwa malogo madjindji. Kohokala atu kamuroromenle mwilamboni muno. Liye eto ohotukuleliwa zulu na undimuwa wohokala wa masika.

Eberewu 1:6

Eto vazulu viwa, Mulugu amuzagana Mwana Murandji mwilamboni ya vati, unawonga ira: <<Miyo dagali Mulugu nnafuna angelro aga atene kamutamalele Mwanaga.>>

Eberewu 10:10

Muwari mwa Yesu Kiristu za irana jofuna ja Mulugu, liye za vivelelaga maningo aye fendo imohi eto fendo yogomiheda, pa evo vawandile hiyo tchenihiwa.

Eberewu 10:7

Miyo eto dohowonga ira: <Mulugu kaing'anani miyo dili vano. Miyo dizile ira diiregena jofuna jenyu nnga mwalrembiwele atu mMazuni zela miyo.> >>

Eberewu 10:8

Yesu agawongile ira: <<Nyo kamufunne mikuto nne jovelela nne vinyama jotumeya nne jovelela jowatchela jotega>>, ohowendjedave liye ira: <<Kavwani. Miyo dizile ira diirena jofuna jenyu.>> Fwanyeya ira mikuto datene edile dairiwana nnga mwemo mwawongela malamulo. Eto kadakwakwana ira mutu aleveleliwe. Nona pa evo Mulugu vamalihile liye makalelo oroma ira akunge makalelo maxa.

Eberewu 2:14

Fwanyeya ira voira ahimiwa anawenda muwari mwa sangiri na maningo, na liyene eto ohowanda tukula makalelo mamohive a sangiri na maningo ira awande kwa muwari momugondjiha wenno unna kopolo da ukwa unafwanyeya agali Diyabo.

Eberewu 5:7

Muwari mwa malambo Yesu awarile liye maningo, olobela no kuwa ulukulu na misodi anvepaga wenno awanda muwombola mokwani. Jalobela liye jovweya mwasiwa liye ohorumela irana jofuna ja Mulugu.

Eberewu 8:3

Voira mundimuwa wa anamakuta uli watene unahambihiwa ira avelelege wa Mulugu jovelela vamohi na mikuto, yali yofuneya ira mundimuwa wehu Yesu akayena yenno yafuna liye velela.

1 Peduru 2:24

Liye mwinnya atomeyiwaga vaimirini, ohotukula jotega jihu mmaningoni mwaye. Airaga eno, airela ira nikale okwene zela jotega mbwenye ingumi yehu ikale para niiregena upama. Nyo muhuvulumutchiwa na mwasa wa vilonda daye.

2 Juwawu 1:7

Tchoira kohokalawo anamanyenga oindjiva anabuwa mwilamboni ya vati anno kahanaroromela ira Yesu Kiristu uzile muwari mwa maningo. Mutu uli watene unawonga ejo gu mutu onyenga eto gu namamwida Kiristu.