Eberewu 10:10 - Mazu Otchena a Mulungu

¹⁰ Muwari mwa Yesu Kiristu za irana jofuna ja Mulugu, liye za vivelelaga maningo aye fendo imohi eto fendo yogomiheda, pa evo vawandile hiyo tchenihiwa.

Eberewu 10:10 Iomraidhean Croise

Juwawu 17:19

<<Eto na mwasa wa aliwa, miyo nnovihiya mmandani mwenyu ira na aliwene kawande kala mmandani mwenyu mwa ibaribari.

Juwawu 19:34

Noira eno, munyakondo mmohi ohotukulaga mwanango, liye mulata Yesu ikukuru imohi ya mbaru. Vamulatile liye vohokuma sangiri na mahindje.

Juwawu 6:51

Miyo dili pawu ya ingumi ikumenle zulu. Mutu wenne unadje pawu yenna unokalawo kala no kala. Pawuwa inafuna miyo avaha atu a mwilamboni ira kakayena ingumi ba maningwaga.>>

1 Korinto 1:30

Zela nyo mbwenye, Mulugu uhuvahani ingumi muwari mougumanihani na Yesu Kiristu. Mulugu eto usakanya ira Kiristu akale zelru dehu na upama wehu, nitchenihiwe muwari mwa liye eto niwomboliwe muwari mwa liye.

1 Korinto 6:11

Malambo a mundulrimu kohokalamo muwari mwa nyo keretchana ejo. Mbwenye muhumala huwiwa, muhumala tchenihiwa, muhumala kalihiwa apama muwari mwa nzina na Nabwiya Yesu Kiristu eto muwari mwa Munemba wa Mulugu wehu.

Efezo 5:2

Inafwanela muwendege na makalelo ozivelana nnga eto Kiristu aniziveliwe liye, fiyeda velela ingumi yaye ira hiyo nikale pama. Ovivelela wa Mulugu ira akale yovelela yonukela pama eto ira akale mukuto wa Mulugu.

Efezo 5:26

anitchenihe monihuwa na mahindje anno anafwanyeya kagali Mazu.

Eberewu 10:12

Mbwenye Kiristu avelenle mukuto mmohi, fendo yoroma eto fendo yogomiheda. Agamanle velela mukuto waye, liye dowa garati nimburo na muwononi odjana wa Mulugu,

Eberewu 10:14

Tchoira muwari mwa mukuto mmohive wenno, liye uwanda akwakwaneliheda para tempu datene atu anno anatchenihiwa.

Eberewu 10:20

Yesu ohula ndila ixa ya ingumi para hiyo. Yesu muwari mwa ukwa wa maningo aye, liye ohula ndila kurtinani ira nivolowe wa Mulugu.

Eberewu 10:29

Akala eno, nnga ikalele mutu wenne umulramwisile Mwana Mulugu eto uwesile sangiri na yopangana neno nimutchenihile nnga yengo yohokana mabasa eto unna mulandu omutakaliha Munemba Otchena wenno unazana sayi da Mulugu, ki mutu wenno tongiwa waye unaza ukale avi?

Eberewu 10:5

Voira sangiri na anavinyama kannawatchela jotega, nona pa evale vazile Kiristu mwilamboni ya vati, awongaga na Mulugu ira: <<Nyo kamufunne mikuto da vinyama na jovelela. Mbwenye nyo muhudisakanyela maningo.

Eberewu 13:12

Nona Yesu na liyene eto ohoona goyi unde wa mulango ira aatchenihe atu muwari mwa sangiri naye.

Eberewu 2:11

Fwanyeya ira maliba atcheniha atu na aliba tchenihiwa, babiwa gu mmohive. Nona pa evo Yesu vanawanda liye aitana mohonyaswa atu aatchenihile liye na nzina na abalaga,

Eberewu 2:14

Fwanyeya ira voira ahimiwa anawenda muwari mwa sangiri na maningo, na liyene eto ohowanda tukula makalelo mamohive a sangiri na maningo ira awande kwa muwari momugondjiha wenno unna kopolo da ukwa unafwanyeya agali Diyabo.

Eberewu 5:7

Muwari mwa malambo Yesu awarile liye maningo, olobela no kuwa ulukulu na misodi anvepaga wenno awanda muwombola mokwani. Jalobela liye jovweya mwasiwa liye ohorumela irana jofuna ja Mulugu.

Eberewu 7:27

Liye kanalingana na andimuwa a anamakuta amohiwa, nari. Tchoira andimuwa a anamakuta amohiwa anarometcha velela mikuto zela jotega jewa malambo matene. Kamala eno, aliwa roma velelaga mikuto para jotega ja atu. Mbwenye namakuta wehu, jejo kanairana. Tchoira liye muwari movivelela liye mwinnya, umala velela mukuto okwakwanela fendo yoroma eto fendo yogomiheda.

Eberewu 9:12

Yesu avolowile mamburo otchena fendo imohi bahi. Liye avolowaga, kavolowile na sangiri na mbuzi, nne sangiri na ana ng'ombe, nari. Mbwenye avolowile na sangiri naye. Muwari mwa sangiri naye nne, liye ohowanda kwakwaneliheda ira hiyo nikale owomboliwene kala no kala.

Eberewu 9:14

na ibaribari sangiri na Kiristu nnolaba kwaranya. Tchoira Kiristu ohowanda vivelela wa Mulugu agali mukuto ohokana yotega muwari mwa kopolo da Munemba Otchena wa Mukalakala. Nona sangiri na Kiristu nnowanda nihuwa mmirimani mwehu ira nahakayena yowanganyeda zela jotega jozana ukwa jaira hiyo mbwenye niwande mulaba Mulugu Okalawo.

Eberewu 9:26

Tchoira ahakale nnga Yesu avelelaga mikuto va kada yaka, yerege funeya ira Kiristu akwe fendo didjindji dene kuma vapandutchiwe zulu na ilambo ya vati pakana fiyeda peno va. Mbwenye kiireyile eno. Yesu ohoza kwa fendo imohi bahi muwari mwa matempu ogomiheda ala ira muwari monikwela fendo imohi yenno, awande maliha jotega jehu.

Eberewu 9:28

Kiristu ukwile fendo imohi bahi ira awatchele jotega ja atu oindjiva. Liye unoza aze akoka. Mbwenye za waye wanembinli kahi ira unazela awatchele jotega. Azaga fendo yanembinli unazela ira aavuluse atene anno anamudediha mohagalala.

1 Peduru 2:24

Liye mwinnya atomeyiwaga vaimirini, ohotukula jotega jihu mmaningoni mwaye. Airaga eno, airela ira nikale okwene zela jotega mbwenye ingumi yehu ikale para niiregena upama. Nyo muhuvulumutchiwa na mwasa wa vilonda daye.

1 Peduru 3:18

Tchoira Kiristu na liyene ukwile fendo imohive ira atimihe jotega jihu jatene. Masiki liye alive mutu wapama ahategile, ohoonihiwa goyi zela jotega ja atu abure ira awande nizana wa Mulugu. Liye akwile mwa maningo, mbwenye ohovenyihiwa mwa Munemba.

1 Juwawu 5:6

Yesu Kiristu gwenno uzile muwari mwa mahindje eto muwari mwa sangiri. Liye kazile muwari mwa mahindje bahi, mbwenye uzile muwari mwa mahindje na sangiri. Eto Munemba gunahidedela umboni zela eji mwasiwa Munemba gwa ibaribari.