Eberewu 1:3 - Mazu Otchena a Mulungu

³ Ule umuonne Mwanaye, umala ona undimuwa unna Mulugu. Mwanaye wenno eto unafwanyeya agali Mulugu. Muwari mowonga mwaye wa kopolo bahi, liye unnave sogolrelra ilambo ya zulu na ilambo ya vati. Agamanle nikwela muwari mohuwa jotega jehu, liye ugarati zulu muwononi odjana wa mpando wa Wenno unna Undimuwa.

Eberewu 1:3 Iomraidhean Croise

1 Koronika 29:11

Nyo Yehova muli wa kopolo, muli mundimuwa, otitimihiwa, owareya eto okana utongi. Jatene jinafwanyeya ilambo ya zulu na ilambo ya vati ti jenyu. Nyo muli Mwene, jatene jinatongiwa na nyo.

Matewuji 22:24

<<Namafundjiha, Mozeji ohowonga nlamulo noira: <Mulombwana akwa ahanambale mwana na muhiyanaye, mbalaye adowe amutele muhiyanole ira ambalena mwana wenno unafuna tukula nzina na mbalaye ukwile ule.>

Markuji 16:19

Nabwiya Yesu agamanle wonga na aliwa, ohotukuliwavo, liye dowihiwa zulu, liye garati ikukuru ya muwononi odjana wa Mulugu.

Juwawu 1:14

Mulombwana Mazu ohoza, liye wara maningo, kalaga vamohi na hiyo atu. Hiyo nihiona undimuwa waye ineriha liye gu Mwana mmohive wa Baba unafwanyeyana sayi dilukulu vamohi na ibaribari.

Juwawu 1:29

Mmetcheloni muwa, Juwawu ohomuonaga Yesu azaga wali liye. Evale ohowongaga, liye ira: <<Kaing'anani! Mwana Nibila na Mulugu, neno nnatimiha yotega ya atu a ilambo ya vati, gwenne!

Juwawu 1:4

Ingumi yali mwa liye. Eto ingumi ile yali moneya para atu atene.

Joira ja Anamarumiwa 2:33

Agavennye mokwani, ohodowiwana zulu, Mulugu ohomuriheda anvahaga nimburo na muwononi odjana waye eto anvahile Yesu ira amurume Munemba Otchena nnga Mulugu apanganne liye. Jatene jinaona nyo na jinavwa nyo, jinazela muwari mwa Munemba Otchena umurumile Yesu.

Joira ja Anamarumiwa 7:56

Mwa enne Estevawu ohoiraga: <<Kaing'anani! Diing'anne miyo zulu, nnaona zulu unafwanyeya wagahuleyile eto Mwana wa Mutu uli oimelene muwononi odjana wa Mulugu.>>

Roma 1:16

Muwari molaleya Muselu Wapama, kannanyaswa tchoira Muselu Wapama unafwanyeya agali kopolo Mulugu unaavulusana liye atu atene anne anamuroromela Yesu, roma aJudewu fiyeda atu ohokala aJudewu.

Roma 8:34

Nnga kodi bani unafuna mmanga mulandu? Kalivo. Mwasiwa Yesu Kiristu wenno akwile eto avenyihiwa mokwani, gunanilobelela vari va hiyo na Mulugu. Liye unafwanyeya agali muwononi odjana wa Mulugu.

2 Korinto 4:4

Tchoira aliwa mulugu wewa wa ilambo ya vati ila umala timiha zelru dewa ira kahawande ona moneya wokumela Muselu Wapama ozela undimuwa wa Kiristu wenno unafwanyeya agali nlandaniho na Mulugu.

Koloso 3:1

Akala nyo muhuiziwa ira hiyo nihivenyihiwa vamohi na Kiristu, inafwanela muvendege jengo ja zulu jinafwanyeya wewo Kiristu uli liye ogaratene muwononi odjana wa Mulugu.

Titu 2:14

Yesu ohovelela maningwaye na mwasa oniwombola hiyo ira niwande hiya makalelo oirana jinakondiha malamulo nazana hiyo eto ira anihuwe, nikale atwaye apama, otamangela sogolro niiragana japama.

Eberewu 1:13

Eto fwanyeya ira Mulugu kanababihege wonga na angelro mazu oira: <<Ugarati muwononi waga odjana ante difiyede agondjiha amwidanawo ira kakale nnga yengo yonyingalihavo manyalo awo.>>

Eberewu 10:12

Mbwenye Kiristu avelenle mukuto mmohi, fendo yoroma eto fendo yogomiheda. Agamanle velela mukuto waye, liye dowa garati nimburo na muwononi odjana wa Mulugu,

Eberewu 12:2

Nitamangege nimuing'anaga Yesu, wenno unafwanyeya agali maliba romiha nroromelo nehu eto maliba kwakwaneliheda nroromelo nehu, wenno avilenle akomeliwa vamuradini, alramwisaga nyaswa ozela piwa. Liye airagana eno, abalra ira: <<Dakomeliwa vamuradini, kahi yengo. Tchoira vasogolro hagalala unafuna miyo kana kahi ung'ono.>> Peno eto, ugarati nimburo na ibaribari, muwononi odjana, mpandoni wa Umwene wa Mulugu.

Eberewu 4:14

Inafwanela nihidede pama ibaribari inna hiyo mwasiwa nihimukana mundimuwa wa anamakuta wehu ohokala wa masika wenno ugwenle afiya zulu, unafwanyeya agali Yesu, Mwana Mulugu.

Eberewu 7:27

Liye kanalingana na andimuwa a anamakuta amohiwa, nari. Tchoira andimuwa a anamakuta amohiwa anarometcha velela mikuto zela jotega jewa malambo matene. Kamala eno, aliwa roma velelaga mikuto para jotega ja atu. Mbwenye namakuta wehu, jejo kanairana. Tchoira liye muwari movivelela liye mwinnya, umala velela mukuto okwakwanela fendo yoroma eto fendo yogomiheda.

Eberewu 8:1

Ilukuluwa inawonga hiyo muwari mwa jatene jeji tchoira nihikana mundimuwa wa anamakuta wenno uli zulu ugaratile muwononi odjana wa mpando wa Umwene wa Mulugu wa Kopolo.

Eberewu 9:16

Inakala nnga mutu unalremba karta naye zela makalelo ogawa jengo jaye, liye agakwile. Ira karta nne nilabe, yengo yoroma inafuneya ku kana ibaribari ira maliba lremba uhukwa.

Eberewu 9:26

Tchoira ahakale nnga Yesu avelelaga mikuto va kada yaka, yerege funeya ira Kiristu akwe fendo didjindji dene kuma vapandutchiwe zulu na ilambo ya vati pakana fiyeda peno va. Mbwenye kiireyile eno. Yesu ohoza kwa fendo imohi bahi muwari mwa matempu ogomiheda ala ira muwari monikwela fendo imohi yenno, awande maliha jotega jehu.

1 Peduru 1:21

Muwari mwa Kiristu nyo munowanda muroromela Mulugu wenno anvenyihile Yesu mokwani, anvaha undimuwa. Jejo Mulugu airilena ira nroromelo nenyu no ing'anela wenyu jiwande kala na liye.

1 Peduru 3:22

Liye agavenyihiwe, agadowile zulu, peno va unafwanyeya muwononi odjana wa Mulugu. Liye eto uhuvahiwa utongi ira aatongege angelro nari andimuwa andimuwa nari kopolo datene.

2 Peduru 1:16

Tchoira hiyo nuuwandelagani zela kopolo da Nabwiya wehu Yesu Kiristu nari nuuwandelagani zela mazelo aye, kahi ira nahara anatchitwa ohokana mabasa osakanyediwa na uyesa, nari. Mbwenye nawonga mwasiwa undimuwa waye nohoona na meso.

2 Peduru 1:17

Tchoira nagali vamohi na Yesu vazulu va mwango otchena ule, Yesu ohoteteliwa eto ohovahiwa undimuwa na Mulugu Baba muwari mwa nizu nokumela wa Mulugu Okana Undimuwa Watene nazile niiraga: <<Ula gu Mwanaga unamuziveliwa miyo, wenno unadihagalaliha.>> Na hiyene nohovwa nizu nokumela zulu nne.

1 Juwawu 1:7

Mbwenye hiyo nawenda mmoneyani nnga liye uli mmoneyani, nnowenda vamohi movwanana kada mutu na nfwaye eto sangiri na Yesu Mwana Mulugu nnonihuwa mwa jotega jatene jinna hiyo.

1 Juwawu 3:5

Nyo eto muhuiziwa ira liye azaga, azele kumihamo jotega eto muwari mwa liye kamuli yotega.

Judaji 1:25

Mulugu wenno mmohive uliwo unafwanyeya agali Nvulusi wehu, akayena undimuwa, akayena upama wohokala wa masika, akayena umwene watene, akayena utongi muwari mwa Yesu Kiristu Nabwiya wehu roma mukalakala wa mundulri, pakana peno va, ante mukalakala wa sogolro. Ame! Kukala mazu a karta nilrembiwe na Judaji.

Jowandeliwa 3:21

Miyo voira dihigondjiha, dihivahiwa utongi ira digarati mpando wa umwene wa Baba. Nona mutu wenne unagondjihe, nnonvaha ira agarati na miyo vano mpando wa umwene mmohive digaratile miyo.

Jowandeliwa 4:11

<<Nyo Nabwiya wehu, vamohi na Mulugu wehu, muhufwanela titimihiwa, no rihediwa, vamohi no teteliwa zela kopolo denyu. Mwasiwa nyo gupandutchile jengo jatene eto jatene jiwandile panduwa vamohi no kalawo muwari mofuna mwenyu.>>