Eberewu 1:10 - Mazu Otchena a Mulungu

¹⁰ Mazu eto anowongave zela Mulugu Mwana ira: <<Nyo Nabwiya voroma muhusakanya aliserisi wa ilambo ya vati. Ilambo ya zulu eto musakanyile na mandinyu.

Eberewu 1:10 Iomraidhean Croise

Jenesesi 1:1

Voroma vene, Mulugu ohopandutcha ilambo ya zulu na ilambo ya vati.

Izaiya 40:12

Bani uwandile pima mahindje matene a bara mmandani mwaye? Bani upimile ira lapa wa zulu ukale lapa wa ndanda naye? Bani uwandile pima teya yatene ya ilambo ya vati na kopo? Bani uwandile pima nyemela wa mwango na mikuma datene na balansa?

Izaiya 42:5

Mulugu gu Yehova wenno upandutchile jatene jili zulu, liye tandaga zulu. Liye eto ohotanda ilambo ya vati na jatene jinafwanyeya emo. Liye ohavaha yovuma atu anakala mwilamboni muno. Liye ohovaha ingumi jatene jinawenda emo. Liye unawonga na namalabaye ira:

Izaiya 48:13

Mandaga kohomanga aliserisi wa ilambo ya vati. Miyo dohotapula ilambo ya zulu na ndanda naga nodjana. Muwari moitana, ilambo ya vati na ilambo ya zulu jinoimela vamohi.

Izaiya 51:13

Nyo mumudiwala Yehova Namapandutcha wenyu wenno atandile zulu eto uwandile manga maaliserisi a ilambo ya vati. Mwasiwa gwa nni malambo matene nyo aovaga atu anauzuzumihani anno anafuna joutolotchani? Uwali wa aliba uzuzumihani uli waani?

Izaiya 51:6

Muvenyihede meswinyu zulu eto muing'ane ilambo ya vati. Tchoira zulu unoza udimele nnga utchi, eto ilambo ya vati inoza imale nnga yowara. Na makalelo amohive ale anakalamo anoza kakwe nnga ngulrisi. Mbwenye vulusa waga unoza ukalewo kala no kala. Eto upama waga kuza umala.

Izaiya 64:8

Mbwenye nyo Yehova mulive Babihu. Hiyo nili ulongo, nyo munafwanyeya mwagali namawomba. Eto hiyo atene niwombiwe na manda enyu.

Detoronomiyo 4:19

Eto wavenyiha meso awo uing'aniha zulu, waona mwedi nari nyenyedi vamohi na jomoneya jatene ja zulu, polre polre tawiha ira unanyengiwe uroma kokorela jejo eto uroma tamalelaga jejo Yehova Mulugu wenyu aavahile liye atu atene a ilambo ya vati.

Eberewu 12:27

Navwa ira Mulugu ohowonga zela tika wanembinli, inafwanela niiziwe ira jatene jowanda tikeya, ku wonga jatene jopandutchiwa, jinoza jikumihiwemo, jimale dimela ira jihale ejo jahanawanda tikeya bahi.

Jowandeliwa 3:14

Liye ohowongagave na miyo adilanyedaga ira: <<Umulrembele mungelro wa nikuru na atu omuroromela Yesu a Layodiseya mazu oira: <Wenno unaitaniwa Ame, unafwanyeya agali mboni owonga ibaribari na makalelo ororomeleya eto wenno uromihile jatene Mulugu upandutchile liye, gudiwandenle mazwala.