Daniyeli 9:9 - Mazu Otchena a Mulungu

⁹ Mbwenye nyo Nabwiya Mulugu wehu muli wa tangaranga eto muli okurumuwela, masiki hiyo nikondagave jofuna jenyu.

Daniyeli 9:9 Iomraidhean Croise

2 Samuweli 24:14

Evale mwene Davi ohomuwakulaga namafiyiheda Gadi, liye ira: <<Miyo dili mmakatamihoni eni. Yapamiwa evo inafwanela nigwele mmandani mwa Yehova, mwasiwa Yehova gwa tangaranga dilukulu. Mbwenye ira nigwele mmandani mwa amwidani, kanifunile.>>

1 Amwene 8:30

Vuruwanani jovepa jaga na jovepa ja atwinyu aIzarayeli kaza wa nyo kalobelaga kagaing'anihile kove diwa wewuno. Eto vuruwanani zulu wewo munakala nyo eto mwavwa, kurumuwelani.

Izaiya 55:7

Mutu otakala ahiye makalelo aye otakala. Eto mutu oirana jabure atchindje joumbuwela jaye, awelele wa Yehova ira Yehova amuwendele tangaranga. Awelele wa Mulugu wehu mwasiwa liye gowanda levelela valukulu.

Izaiya 63:7

Miyo nnowonga upama watene wa Yehova, nnomutetela zela japama jinaira liye. Nnowonga mokwakwanela na jatene jejo Yehova unanivaha liye vamohi na upama undimuwa unaoniha liye nlogo na Izarayeli. Nnowonga zela tangaranga datene daairele liye eto nnowonga mokwakwanela no indjiva wa upama watene unna liye.

Daniyeli 9:5

Hiyo nihitega, nihisakanya yabure, nihiirana jotakala jahanafuna nyo, nihiya uvwelelani, nihiyaga malamulo enyu na mangano enyu.

Daniyeli 9:6

Hiyo kanaavwelenle anamalaba enyu, anamafiyiheda anno kawonga na nzina nenyu kaawandelaga mazu amwene ehu, asogolrelri ehu, ababihu, vamohi na atu atene a mwilamboni.

Daniyeli 9:7

<<Nabwiya nyo muli mwinnya wa upama. Mbwenye hiyo nili annya oirana ja manyazo vatando vene pakana peno. Oirana ja manyazo ba alombwana a Juda na atu atene anakala muJeruzalemu na aIzarayeli atene, masiki ale anakala vakwikwive na Jeruzalemu nari ale mwaavokenle nyo vilambo didjindji dolapela na mwasa wa ubure usakanyile atu wa nyo.

Daniyeli 9:8

Yehova, hiyo nili annya oirana ja manyazo vatando vene, romela hiyo, amwene ehu, asogolrelri ehu na ababihu mwasiwa hiyo ninnana utegelani nyo.

Jonasi 4:2

Oholobelaga wa Yehova eraga: <<So Yehova, mazu dawongile miyo dagali ilambo ya wanihu kahi anna? Mwasiwa gwenno dafuna miyo jotawela ilambo ya Tarisi. Tchoira miyo dohoiziwa ira nyo muli Mulugu wa sayi eto muli wa tangaranga eto muli odibeliwa takaleliwa eto muhukana zivela ororomeleya eto muli Mulugu olevelela jabure jafuna nyo irana.