Daniyeli 9:21 - Mazu Otchena a Mulungu

²¹ mwa enne dilobelagave, mungelro Gabiriyeli, wenne damuonile miyo dirohaga voroma vale, ohozaga avavaga mobaranya, liye za vakwikwive na vafwanyeya miyo. Aligi tempu yovelela mikuto ya tchiguwo.

Daniyeli 9:21 Iomraidhean Croise

1 Amwene 18:29

Mbwenye yagakwaranyile midiya, kohokalelagave lobela mokuwa fiyeda ora yovelela mikuto da tchiguwoni. Mbwenye masiki enne, wa Baali kwakumile nizu navweyilege eto nne kwakumile yowakula ili yatene eto nne kilivo yengo ili yatene yaoneyilege.

1 Amwene 18:36

Evale yagafiyile ora yovelela mikuto da tchiguwoni, namafiyiheda Eliya ohozaga vaibuwani vaye, liye wonga eraga: <<Yehova Mulugu wa Abarahamu na Izaki na Izarayeli, kavioniheni peno ira nyo muli Mulugu muwari mwa aIzarayeli eto muonihe peno ira miyo dili namalaba wenyu eto muonihe ira miyo diirilena jatene jeji muwari morumiwa na nyo.

Ezodu 29:39

Mwana nibila nimohi uvelelege mabebehini, nimohi niwa uvelelege nzuwa naviraga.

Izaiya 6:2

Vazulu vaye vohoimela aserafini. Kada serafini ohokana mapepelo matanu na nimohi. Mapepelo menli akunenlena wintoni waye. Mapepelo amohiwa menli akunenlena manyaloni. Mapepelo menli amohiwa era vavana.

Daniyeli 10:10

Mwa enne nohokalawo ndanda nazilege dihinda, divenyiha, miyo kala ohidedene vati na manda aga eto dagalive okokorene, mandaga na mabodo aga aliwa ngurumelaga.

Daniyeli 10:16

Mwa enne ohokalawo azilege annaga makalelo olingana na hiyo atu, liye disakwinya mulomo waga. Agadisakwinyile, dohogudubulraga mulomo, miyo wonga na wenne aimenle vevale vafwanyeya miyo vale, miyo ira: <<Dihikwa mbwiyeni, miyo eni dili murenda eto eni dili lohulo na mwasa wa jejo jaona miyo!

Daniyeli 10:18

Evale wenne anna makalelo olingana na mutule ohowelela adihindaga akoka, liye dilimbiha

Daniyeli 8:16

Evale dohovwaga nizu na mutu nakumelaga mmambalo mwa muhindje Ulayi mule, akuwaga eraga: <<Gabiriyeli, kamuiziwihe jatene eji mutula!>>

Daniyeli 8:18

Evale liye awongaga na miyo, dohogonelagavo kove dohokala da masika dagaing'anihileve kove yaga vati. Eto liye ohodihindaga, liye diimeliha.

Matewuji 27:46

Mwa enne yagafiyile pandi ya 15 ora ile, Yesu ohowongaga na mazu okuwa eraga: <<Eli, Eli, lama sabatani?>> Yenno inatapulela: <<Mulugu waga, Mulugu waga, mudihiyele nni?>>

Lukaji 1:19

Mbwenye mungelrole ohomuwakulaga ira: <<Miyo dili Gabiriyeli, maliba kala vamentoni va Mulugu. Liye gudirumile ira dize duwandele Muselu Wapama wenno unauwandela miyo.

Lukaji 1:26

Ezabeli aganna vambani medi mitanu na mmohi, Mulugu ohomuruma mungelro Gabiriyeli ira adowe ilambo ya Galileya, sidadi ya Nazareti,

Joira ja Anamarumiwa 10:3

Siku nimohi, pandi ya 15 ora, liye ohoonaga jengo mmuruni mwaye. Amuonnege mungelro wa Mulugu agazile mwa ibaribari, amuitanaga eraga: <<Korneliyo! Korneliyo!>>

Joira ja Anamarumiwa 10:9

Unde ule mbe, ale karumiwe na Korneliyo ale kadowaga muulrendoni mwewa, kafunaga fiya sidadi ya Jope, wandamelana ora ya midiya, mulombwana Peduru ohodowaga gwela vazulu va nyumba ira adowe alobele.

Joira ja Anamarumiwa 12:7

Peduru agonaga, morurumutcha ohozaga mungelro wa Nabwiya. Mwa enne mmba mule mohokala moneya. Mungelrole ohomusakwinyaga Peduru nikukuru, liye mururumutcha eraga: <<Kavenya mobaranya.>> Agairile eno, makurenti kaligi mmiwononi mwa mulombwana Peduru kohomoragamo.

Joira ja Anamarumiwa 3:1

Siku nimohi, Peduru na Juwawu kohovenya ira kadowe Nyumba ya Yehova kalobele lobela wa 15 ora, nnga veretcha atu.

Eberewu 1:14

Nnga kodi angelro bani? Angelro ti minemba. Ba anamalaba anno Mulugu unaaruma liye ira kadowe kaakamihedege atu anne anafuna watchela vulusiwa.

Eberewu 1:7

Eto zela angelro, mMazuni muhulrembiwa ira: <<Mulugu usakanya ira angelro kakale nnga nipevo eto kakale anamalabaye okala nnga nlumi na munlo.>>

Jowandeliwa 9:17

Kavalo daona miyo muwari mwa joonihiwa jile, annya kagwenle vakavaloni vale kawendihaga vamirimani vewa vohokala defeza dokana kore taru. Kore imohi yofila yolingana na munlo. Kore imohiwa ya matamba yolingana na zulu. Kore imohiwa yali ya madjani nnga magiyawu oitwa. Eto kavalo dile miru diwa dakala nnga muru wa podogoma. Aliwa kawaramula wanoni wewa kowanda kumiha munlo, utchi, vamohi na mabwe onuka, aliwa avokedaga atu.