Daniyeli 9:18 - Mazu Otchena a Mulungu

¹⁸ So Mulugu waga, mureye mabaru enyu, muvuruwane. Mugudubulre meso enyu muniing'ane hiyo mugoyini munafwanyeya hiyo. Muing'ane sidadi yenno inaitaniwa na nzina nenyu. Hiyo nauvepagani eni, kannauvepelani moira niire kala atu apama, nari. Mbwenye nnauvepelani na mwasa wa tangaranga dinyu dilukulu.

Daniyeli 9:18 Iomraidhean Croise

1 Amwene 8:29

Meso enyu kakale ogudubulrene ntana na mahiyu zela nyumba yenna, zela nimburo neni, tchoira nyo mohowonga ira: <Nzina naga nnakala wewule.> Daing'aniha kove yaga nyumba yenna, muvuruwanege jolobela jatene jinavepege miyo namalaba wenyu.

2 Amwene 19:16

Yehova kareyani mabaru enyu, mudivuruwane. Yehova muhule meso enyu, muing'ane. Muvuruwane mazu a Senakeribe zela wenno umurumile liye ira aze aupokiheni nyo Mulugu Okalawo.

Ezodu 3:7

Evale Yehova ohowongagave eraga: <<Mwa ibaribari, dihiona goyi inna atwaga aIzarayeli mwilamboni mwa Ijipitu. Dihivwa nla wewa na mwasa olabihiwa na aIjipitu. Dihiiziwa ira aliwa annana zuzumihiwa.

Izaiya 37:17

Yehova kareyani mabaru enyu, mudivuruwane. Yehova muhule meso enyu, muing'ane. Muvuruwane mazu a Senakeribe zela wenno umurumile liye ira aze aupokiheni nyo Mulugu Okalawo.

Izaiya 43:7

Kaze atene anaitaniwa na nzina naga, anno daapandutchile miyo ira undimuwa waga uoneye, anno daawombonle miyo eto daasakannye miyo.>>

Izaiya 64:12

Kodi Yehova nyo munovilelave zela jabure jatene jiireyile ji? Kodi munokalave omiyalene, munizuzumihagave na makalelo anna eni?

Izaiya 64:6

Hiyo atene nili nnga atu otakala eto joira jihu japama jatene jinakala nnga isala yodugudelihiwa. Hiyo atene nihimala nyala nnga matakuru eto joviringaniha jehu jinakala nnga nipevo jiniveverutchelaga olapela wene na nyo.

Daniyeli 9:7

<<Nabwiya nyo muli mwinnya wa upama. Mbwenye hiyo nili annya oirana ja manyazo vatando vene pakana peno. Oirana ja manyazo ba alombwana a Juda na atu atene anakala muJeruzalemu na aIzarayeli atene, masiki ale anakala vakwikwive na Jeruzalemu nari ale mwaavokenle nyo vilambo didjindji dolapela na mwasa wa ubure usakanyile atu wa nyo.

1 Korinto 1:2

Nnoulrembelani nyo nikuru na Mulugu, atu atene otchenihiwa muwari mokala muwari mwa Kiristu munafwanyeya sidadi ya Korinto. Mulugu usakulrani nyo ira mukale atu otchenihiwa vamohi na atu atene oitana nzina na Nabwiya wehu Yesu Kiristu wenno uli Nabwiya wa hiyo eto uli Nabwiya wa atu amohiwa atene anno anamuitana.