Daniyeli 9:12 - Mazu Otchena a Mulungu

¹² Nyo muhuwanda nizelana ubure wohokala wa masika muwari mokwakwaneliheda mazu enyu mwawongile nyo zela hiyo vamohi na amwene ehu atene anatonga. Mwasiwa makalelo abure munitongile nyo Jeruzalemu, kinababihe ireya mwilamboni yatene ya vati.

Daniyeli 9:12 Iomraidhean Croise

1 Amwene 3:9

Mwa eno, miyo kannafuna yengo imohiwa. So nnafuna mudivahe zelru ira diwandege atonga atwinyu oindjivetchetcha mwapama eto diwandege hiyanihavo yapama na yabure. Kodi bani unawande atonga atwinyu oindjiva eni, ahakale nyo munvaha zelru?>>

2 Amwene 22:16

Yehova unawonga ira: <<Miyo nnoza dizena ubure zela ilambo yenna vamohi na atu atene anafwanyeyamo, mokwakwanela na jejo jinafwanyeya mulivuruni neno niilerile mwene wa Juda.

Izaiya 43:28

Na mwasa wenno nnoza daatakalihe andimuwa anakala Nyumba ya Yehova. Nnoza dimuvelele Jako ira atolotchiwe eto Izarayeli ira alramwisiwe.>>

Izaiya 44:26

<<Miyo nnorumelela jowonga ja namalaba waga eto nnokwakwaneliheda jowonga ja sogolro ja aliba milanyo aga. Gu miyene eto unawonga zela Jeruzalemu ira: <Atwaga kaze kakalemo akoka.> Eto gu miyene unawonga zela sidadi da Juda ira: <Sidadi da Juda dimangiwe akoka.> Nnoza eto divenyihede madebe ewa.

Daniyeli 12:1

Mungelrole ohowongagave eraga: <<Mwa tempu yenne musogolrelri mundimuwa unaitaniwa Migeli, wenno unaaing'anela atwinyu unoza avenye ira aavunele. Eto unoza ukale tempu ya goyi, goyi yenno ili yahanababihege oneya romela tempu yaromile kalawo malogo matene fiyeda tempu yenno. Mbwenye mwa tempu yenne atwinyu atene anne anafwanyeya kagalrembiwe mulivuruni anoza kavuneliwe.

Matewuji 24:21

Mwasiwa unoza ukale goyi yohokala ya masika, yenno ili yahanababihege kalawo romela mapandutchiwelo wa ilambo fiyeda peno. Eto goyi yenno yavira kiza ikalawo goyi imohiwa yokala ha yenno.

Matewuji 5:18

Tchoira na ibaribari nnouwandelani ira zulu na ilambo ya vati jagaliwove, kilivo ponto ikitikiti nne yolremba ing'onong'ono inafuna kumamo mmalamuloni, jatene jahanakwakwanele.

Markuji 13:19

Mwasiwa malambo anne inoza ikalewo goyi ilukulu, yenno ili yahanababihege kalawo roma mapandutchiwelo wa jatene, jejo jipandutchile Mulugu fiyeda peno. Eto goyi yenno yavira, kiza ikalawo goyi imohiwa yokala ha yenno.

Lukaji 21:22

Mwasiwa malambo anno anaza kakale malambo oweliha kunyakunya ira jikwakwanele jatene jilrembiwe mMazuni.

Roma 15:8

Va miyo nnouwandelani ira Kiristu azaga, aalabaga aJudewu, ali na mwasa okwakwaneliheda mapangano asakanyile Mulugu na makolo a wanle. Ali ira Mulugu aoneye ira awonga yengo unoirana.