Daniyeli 8:8 - Mazu Otchena a Mulungu

⁸ Mwa enne mbuzile yohokalave yolimbene na makalelo ohokala a masika. Mbwenye yagalive muwari mwa kopolo daye, nnyanga naye nlukulu nne nohokotoliwagavo. Eto vamalroni va nnyanga nimohi vale, vohomelaga manyanga mamohiwa mannayi olapa, anno kaulukula kalimbelaga pandi dannayi dene da ilambo.

Daniyeli 8:8 Iomraidhean Croise

Daniyeli 11:4

Mbwenye liye agavenyile, mohodibeliwa umwene waye unoza ubwanyuliwe eto unogaweliwa pandi dannayi dene da mwilamboni. Eto amwene anafuna kala vamalroni vaye kinakala ahimaye, nne kiza kakana utongi umohive wanna liye. Tchoira umwene waye unoza uduliwe, ugaweliwe atu amohiwa hiya ahima aye.

Daniyeli 4:31

Mwa enne liye awongagave enne ahanamarihe, zulu wohokumela nizu nawongaga ira: <<Kavuruwana pama we mwene Nabukodonozore! Eni umwene wawo uhugoma!

Daniyeli 5:20

Mbwenye agaromile vitukulela mmirimani mwaye eto aroma vanda murima muwari movititimiha, ohotitihiwa vampandoni eto ohowakiwa undimuwa wanna liye!

Daniyeli 7:2

Mulombwana Daniyeli ohowongaga eraga: <<Miyo dohoonaga jengo mmuruni mwaga na mahiyu. Miyo daonnege nipevo nokumela zulu niombaga pandi dannayi dene da ilambo, nibubudaga mahindje matene a bara indimuwa.

Daniyeli 7:6

Noira eno, diing'anagave dohomuonaga mwanainyama mmohiwa alingana na nyarugwe. Liye unduli waye ohokana mapepelo mannayi nnga mapepelo a mbalrame. Mwanainyama wenne ohokana miru minnayi eto ohovahiwa utongi!

Daniyeli 8:22

Zela nnyanga nimohi nakotoliwe eto vamalroni vaye kamelagavo manyanga mannayi, ku tapulela ira mwene oroma ule unokotoliwa eto vamalroni vaye vinoza vivenye amwene annayi a munlogoni mwaye, kagane umwene waye, kakale maumwene mannayi. Mbwenye kopolo diwa kannakala nnga kopolo da mwene oroma ule.

Daniyeli 8:5

Mwa enne miyo diumbuwelaga ejile, mobaranya dohomuonaga nakoro wa mbuzi akumelaga mavirelo wa nzuwa, aviraga ilambo ya vati ahasakwinyile teya. Mbuzi ile yohokana nnyanga nooneya pama vari va meso aye.

Daniyeli 8:7

Dohoonaga mbuzile ifiyaga wandamelana vafwanyeya nibila nne, no takaleliwa waye wene. Evale ohobubudaga nibila nne, liye mala kotolawo manyangaye amenlene anne. Evale nibila nne kananna kopolo ira niwande vivunela. Evale mbuzile yohogwiheda nibila nne vati, liye ninyingala na manyalo aye. Eto kalivo afuna za ira avunele nibila nne muwari mwa kopolo da mbuzi.

Matewuji 24:31

Eto liye unoza aarume angelro aye no kuwa ulukulu wa palraza indimuwa. Aliwa kagarumiwe, anoza kaagumanihe atu atene osakulriwa pandi dannayi dene da ilambo, magomelo wa ilambo wu ante magomelo wa ilambo wu.

Markuji 13:27

Evale liye unoza aarume angelro aye ira kaze mwilamboni mwatene kaagumanihe atu atene osakulriwa pandi dannayi dene da ilambo, roma magomelo wa ilambo ya vati fiyeda magomelo wa ilambo ya zulu.

Detoronomiyo 31:20

Tchoira miyo daavolotchiha atwaga ilambo yenno yalumbenle miyo na makolo ewa, ilambo yenno munafwanyeya mukaka na nuwi pwi pwi, aliwa anoza kadje, karumbale eto anoza karuve. Era enne aliwa anoza kadidiwale miyo, kawelele wa amilugu amohiwa, karome atamalela anno. Anoza kadilramwise miyo eto anoza katwe yopangana yaga.

Jowandeliwa 7:1

Nomala enne, dohaona angelro annayi kagaimenle pandi dannayi dene da ilambo ya vati, mmohi wu, mmohi wu, mmohi wu, mmohiwa wu. Angelro ale kahidedile nipevo pandi dannayi dene da ilambo ira mwilamboni mwatene mwahawombe nipevo, nne mbara, nne ira nahawande tikinya mutengo uli watene.