Daniyeli 8:17 - Mazu Otchena a Mulungu

¹⁷ Mwa enne Gabiriyeli ohozaga adiwandamelaga vevo vaimenle miyo. Evale miyo dagamuonile, dohokagana ova wohokala wa masika eto dohogwelaga vati na koveni. Mbwenye liye ohodiwandelaga eraga: <<Kavuruwana we mwana wa mutu. Inafwanela uiziwe ira jejo jionihiwe we, jinawonga zela tempu yogomiheda!>>

Daniyeli 8:17 Iomraidhean Croise

Jenesesi 17:3

Abaramu agavwile mazwale, ohoworama, agwihedaga kove yaye vati. Evale Mulugu ohowelela wonga na liye eraga:

Daniyeli 10:11

Evale liye ohodiwandela eraga: <<Daniyeli, mutu oziveliwiwa, kavuruwana yenno inafuna miyo uwandela veva. Kavenya uimele na manyalo awo. Tchoira miyo eni dire rumiwa ira dize wa weyo.>> Vawongaga liye mazu enne, miyo dohoimelaga dingurumelaga.

Daniyeli 10:16

Mwa enne ohokalawo azilege annaga makalelo olingana na hiyo atu, liye disakwinya mulomo waga. Agadisakwinyile, dohogudubulraga mulomo, miyo wonga na wenne aimenle vevale vafwanyeya miyo vale, miyo ira: <<Dihikwa mbwiyeni, miyo eni dili murenda eto eni dili lohulo na mwasa wa jejo jaona miyo!

Daniyeli 11:27

<<Jagaireyile enne amwene ambinlene anogumana kada mutu aganna joumbuwela jabure ira amuirele nfwaye. Era enne anogarati vameza vamohive kadjaga, kada mutu arome wonga mazu aye onama. Mbwenye muwari mwa aliwa, jofuna jewa kajinakwakwanela, mwasiwa tempu ya makutulo yabalrile Mulugu inaza ikale yahanakwakwane.

Daniyeli 11:40

<<Mbwenye yafiya tempu yogomiheda, mwene wa suli unovenya ira adowe awane na mwene wa norti. Evale mwene wa norti unoza amaruwe nnga nalripembezu na aaterelado a kondoni, atu owendiha kavalo vamohi na mwadeya doindjiva dene, kamugondjihe mwene wa suli ule eto kabwanyule vilambo dohiyana-hiyana nnga jinaira mahindje kabwanyulaga jengo.

Daniyeli 12:13

Mbwenye weyo Daniyeli ukaleve ororomeleya ante makutulo. Weyo unovuma vuma wa ukwa, mbwenye mamalelo wa malambo unoza uvenye, uwatchele yotambilra yawo.>> Kukala mazu a livuru na Daniyeli.

Daniyeli 12:4

<<Mbwenye weyo Daniyeli kumuwandele mutu zela mazwala. Inafwanela ulrembe mulivuruni, amala ufungihe ira jikale jofungeya jene ante mamalelo wa tempu. Adjindji anerege tamanga kadowaga wu na wu eto onelramo unoza uwendjedeye.>>

Daniyeli 2:46

Mwa enne mwene Nabukodonozore agavwile enne ohoworamaga, liye fiyiha murwaye vati, mutamalela mulombwana Daniyeli, liye awandela anamalabaye ira kanvahe mulombwana Daniyeli mivaho da jodja na maperefume onukela pama.

Daniyeli 7:16

Evale dohomususelaga mutu mmohi muwari mwa ale kaimenlege evale, miyo nfuka yotapulela ya jatene ejile. Liye ohodiwakulaga adiiziwihaga yotapulela ya jejile jaonaga miyo jile.

Daniyeli 8:15

Miyo Daniyeli dagaonihiwe jejile, dohosakaga iziwelamo. Mwa enne ukala azilege vasogolro vaga akalaga nnga mutu.

Daniyeli 8:19

Eto ohodiwandelaga eraga: <<Kaing'ana. Miyo nnafuna duiziwihe uwali wa Mulugu unafuna za ireya malambo ogomiheda! Mwasiwa jeji jinafuna jize jiireye malambo ogomiheda nnga mwabalrele Mulugu wanle!

Daniyeli 8:27

Kagamanle diwandela enne, miyo mulombwana Daniyeli dohokalaga lohulo eto dohomalaga malambo madjindjene dagali murenda. Noira eno, dohovulumuwaga, miyo roma labaga mabasa a mwene. Mbwenye masiki davulumuwileve, dohokalave okukumuwene zela joroha daona miyo jile eto kadawanda onelramo yotapuleliwa.

Daniyeli 9:23

Uromaga wene vepa tangaranga, miyo dohovahiwa mazu ira dize duwandelemo, mwasiwa weyo uli mutu oziveliwiwa valukulu. Nona inafwanela uvuruwane pama mazu anafuna miyo wonga ira uonelremo jatene jionihiwe we morohani!

Daniyeli 9:27

Mwene muxole agazile, unosakanya yopangana yaye yolimba na atu adjindji fiyeda sumana imohi. Mbwenye vamala metadi ya sumana ile, liye unomaliha mikuto na jovelela ira atu kahavelelege Nyumba ya Yehova! Eto unotukula yengo yabure yohokala ya masika, yengo yotakaliha Nyumba ya Yehova, aimetche muNyumbani mule. Yengo yotakaliha ile inokalave eno fiyeda Mulugu amutonge mwene ule na uwali waye nnga mwamanle liye balra wanle.> >>

Matewuji 17:8

Aliwa kagavenyile, kagaing'anihile meso ewa vevale vafwanyeya Yesu, kamuonnevo Yesu bahi.

Jowandeliwa 1:17

Mwa enne miyo dagamuonne, dohogwa vamanyaloni vaye kalaga nnga dere kwa. Mbwenye liye ohodihinda na ndanda naye nodjana, eraga: <<Kuove. Miyo vano dili Oroma eto dili Ogomiheda.

Jowandeliwa 22:8

Miyo vano dagali Juwawu dili wenno uvwile eto uonne jatene jeji. Dagavwile eto dagaonne jatene jeji, dohogwelaga vati, miyo kokora vati va manyalo a mungelrole wenno udionihile jengo jeji ira dimutamalele.