Daniyeli 8:13 - Mazu Otchena a Mulungu

¹³ Noira eno, dohovwaga mutu mmohi otchena awongaga. Evale mutu otchena mmohiwa ohonfukaga wenno awongaga, liye ira: <<Kodi jengo jionihiwe nfwihu zela goma wa mikuto dotumeya da malambo matene eto yotega yomaliha mabasa a Nyumba ya Yehova eto nyumbele na nikuru na zulu jinyingaliwaga, jatene ejo jinafuna jimale malambo mangasi?>>

Daniyeli 8:13 Iomraidhean Croise

Izaiya 28:18

Evale yopangana yapanganne nyo na ukwa inoza imalihiwe. Eto yovwanana yenyu na Nimburo na Anokwa kinakalawove. Nonga wohokala wa masika waviraga, unomala ukotolani.

Izaiya 6:11

Evale dohofukaga ira: <<So Nabwiya jejo fiyeda alini?>> Evale ohodiwakulaga ira: <<Ante sidadi datene disanduwe dikale madebe, nyumba datene dahakayena atu okalamo, eto ilambo yatene isanduwe ira ikale isalesale.

Izaiya 63:18

Hiyo atwinyu otchenihiwa nohobabiha kala annya a Nyumba yenyu mwa tempu ya vang'ono. Mbwenye peno amwidanihu ananyingalela Nimburo nenyu Notchena.

Izaiya 9:6

Tchoira ukala mwana ubaliwe ira nione upama wehu. Ukala mwanapongwe urumiwe wa hiyo. Utongi uli vanifudini vaye. Liye nzina naye unaitaniwege Namawelruza Otikiniha, Mulugu wa Kopolo, Baba wa Mukalakala, Musogolrelri wa Murendele.

Daniyeli 11:31

Anyakondo aye anoza katakalihe nimburo naye notchena na nyumba yolimba eto anomaliha jovelela jotumeya jinaveleletcha atu malambo matene. Tchi tempu inafuna venyihiwa yabure yohokala ya masika, yengo yotakaliha Nyumba ya Yehova.

Daniyeli 12:11

Eto romela tempu inafuna hiyihiwa jovelela jotumeya jejo javeleliwetcha malambo matene fiyeda tempu inafuna imetchiwa yabure yohokala ya masika, yengo yotakaliha Nyumba ya Yehova, vinavira malambo 1.290.

Daniyeli 12:8

Miyo dagali mulombwana Daniyeli dohovwaga jejo jadiwandenle liye, mbwenye kadawandile onelramo. Na mwasa wenno dohofuka miyo ira: <<Mbwiyeni, kodi jatene jeji jinaza jimale na makalelo bavi?>>

Daniyeli 4:10

Miyo dagali vakamani vaga muwari moonihiwa jengo mmuruni mwanga, daonnege mutengo mmohi mulukulu olapetchetcha agali vari va ilambo ya vati.

Daniyeli 4:13

<<Miyo jejo daonaga muwari moroha mmuruni mwaga. Eto dagalive vakamani evale muwari moroha, dohomuona namaing'anela mmohi wenno ali mungelro akumelaga zulu.

Daniyeli 4:23

<<Eto so mwene zela namaing'anela otchena mmuonne nyo akumelaga zulu, awongaga eraga: <Mmugwihe mutengoyo eto mumale taza tambi diwa, so mbwenye vati muhiyevo nigodo niwa vamohi na mitchitchi diwa mwagamangile na sintu na momba na mukuwa vari va malatchi matiti a mukokolani. Era enne ningame nokumela zulu nnoza nimunyetihege eto adjege vamohi na anavinyama a mukokolani, ante vivire tempu tanu na mbinli>,

Daniyeli 7:16

Evale dohomususelaga mutu mmohi muwari mwa ale kaimenlege evale, miyo nfuka yotapulela ya jatene ejile. Liye ohodiwakulaga adiiziwihaga yotapulela ya jejile jaonaga miyo jile.

Daniyeli 7:23

<<Maliba ditapulela ule, odiwandelaga eraga: <Mwanainyama wanennayi unakala umwene wanennayi wa mwilamboni, wenno unafuna akale ohiyana na maumwene mamohiwa kavirile mundulri mwaye. Umwene wenno unagondjiha ilambo ya vati yatene eto unoza anyingalege na manyalo aye eto unoinyenya.

Daniyeli 9:27

Mwene muxole agazile, unosakanya yopangana yaye yolimba na atu adjindji fiyeda sumana imohi. Mbwenye vamala metadi ya sumana ile, liye unomaliha mikuto na jovelela ira atu kahavelelege Nyumba ya Yehova! Eto unotukula yengo yabure yohokala ya masika, yengo yotakaliha Nyumba ya Yehova, aimetche muNyumbani mule. Yengo yotakaliha ile inokalave eno fiyeda Mulugu amutonge mwene ule na uwali waye nnga mwamanle liye balra wanle.> >>

Matewuji 11:27

Yesu eto ohowongaga eraga: <<Babaga udivaha jatene mmandani mwaga. Eto kalivo mutu mmohiwa udiiziwile miyo mwanaye ahali Baba. Eto kalivo umuiziwile Baba ahali miyo Mwanaye na anno anafuna miyo aiziwiha!

Matewuji 24:15

Yesu ohowongagave eraga: <<Nyo mwaza muona yengo yabure yohokala ya masika, yengo yotakaliha Nyumba ya Yehova, yenno yawongile namafiyiheda Daniyeli, yagaimetchiwe Nimburo Notchena, (ule unaileri mazwala, aumbuwele pama tapulela uwa),

Markuji 13:14

Yesu ohowelela wonga akoka eraga: <<Nyo mwaza muona yabure yohokala ya masika, yengo yotakaliha Nyumba ya Yehova yagaimetchiwe nimburo nohofwanela imetchiwavo (ule unaileri mazwala, aumbuwele pama tapulela uwa), atu anne anakale Judeya, inafwanela katawelege mmwangoni.

Lukaji 10:22

Yesu eto ohowongaga eraga: <<Babaga udivaha jatene mmandani mwaga. Eto kalivo mutu mmohiwa udiiziwile miyo mwanaye ahali Baba. Eto kalivo umuiziwile Baba ahali miyo Mwanaye na anno anafuna miyo aiziwiha!>>

Lukaji 21:20

<<Nyo mwaza muona sidadi ya Jeruzalemu yagarindjiwe na makuru a anyakondo, muiziwe ira ora inafuna sidadiyo ibwanyuliwe ihifiya.

Lukaji 21:24

Atu adjindji anoza kapiwege na masupada eto amohiwa anoza kahindiwe, katukuleliwege vilambo datene dene. Eto atu a unde anoza kamunyingalelege Jeruzalemu fiyeda tempu yewa imale.

Juwawu 1:18

Kalivo ubabihile muona Mulugu Baba. Mbwenye umuiziweyihile gu Mwanaye mmohive wenno unafwanyeya agali Mulugu, wenno unakala wewo uli Mulugu Baba.

Detoronomiyo 33:2

liye wonga eraga: <<Yehova ohoza akumelaga mwango Sinayi, ohonikumelela azelaga pandi ya Seyire, ohowareya akumelaga mwango Parani. Ohoza vamohi na atu otchenihiwa matchikwi na matchikwi, aganna munlo wa malamulo pandi ya ndanda naye nodjana.

1 Tesalonika 3:13

Mwaira eno, Nabwiya Yesu aza azaga na atwaye otchenihiwa, Mulugu Babihu unoza anifwanye mmirimani mwehu mwagali mwapama mwene eto mwagali motchena.

Eberewu 10:29

Akala eno, nnga ikalele mutu wenne umulramwisile Mwana Mulugu eto uwesile sangiri na yopangana neno nimutchenihile nnga yengo yohokana mabasa eto unna mulandu omutakaliha Munemba Otchena wenno unazana sayi da Mulugu, ki mutu wenno tongiwa waye unaza ukale avi?

1 Peduru 1:12

Evale Mulugu ohowanda aoniha anamafiyiheda ale ira: <<Jejo jafiyiheda nyo kajinalaba tempu yenyu mbwenye jinafuna jize jaafwanye atu amohiwa sogolro.>> Atu a sogolro kawongiwa gu nyenne. Tchoira muwari mwa kopolo da Munemba Otchena wenno ukumenle zulu, kohokalawo kazile ulaleyani ibaribari zela japama jawongiwa wanle, aliwa ulaleyani Muselu Wapama, jejo jinavenda angelro ira kaiziwe.

Judaji 1:14

Zela aliwa, mulombwana Inoki mutu wanetanu na mbinli okumela wa Adawu ohofiyiheda ja Mulugu awongaga zela tongiwa wa atu anno eraga: <<Kaing'anani. Nabwiya unoza vamohi na atwaye otchena matchikwi na matchikwi

Jowandeliwa 11:2

Mbwenye pima uwa, kupime na ntando nene nili unde mwasiwa nihivahediwa atu a malogo a unde ira kanyingalele. Aliwa anomala yaka taru na medi mitanu na mmohi kanyingalelaga ntando no vamohi na sidadi yotchenihiwa.>>

Jowandeliwa 6:10

Minemba dile dokuwaga ira: <<So Nabwiya Mwinnya otonga Jatene, nyo Otchena eto wa ibaribari, kodi fiyeda alini munafuna nyo za aweliheda kunyakunya ale kanipile, katatinle sangiri nehu mwilamboni ya vati?>>

Anamasogolrelra 13:18

Evale Mungelro wa Yehova ule ohomuwakulaga, liye ira: <<Mwasiwa gwa nni we difukaga nzina naga? Nzina naga ti nzina notikiniha, nohowanda we onelramo.>>