Daniyeli 7:5 - Mazu Otchena a Mulungu

⁵ Diing'anagave, dohomuonaga mwanainyama wanembinli, liye ali olingana na urusu. Liye ovenyihaga mwendo mmohi. Eto wanoni waye ohokagana mbaru taru alumile liye na meno aye. Evale eto dohovwaga mazu kawongaga na urusu ule, ira: <Kavenya udowe watakune nyama didjindji!>

Daniyeli 7:5 Iomraidhean Croise

2 Amwene 2:24

Evale liye agarungunuwile, againg'anne mundulri, ohaonaga. Mwa enne ohatembelrelraga mwa nzina na Yehova. Noira enne, kohokalawo aurusu ambinli a ahiyana kakumilege muguguruni, aliwa za apa ahima 42.

Izaiya 56:9

Nyo anavinyama a mukokolani, nyo anavinyama owopiha a muguguruni muze, mudje.

Daniyeli 11:2

<<Mbwenye peno miyo nnouwandela ibaribari. Eni kohokalawo amwene amohiwa araru anafuna kaze katonge mwilamboni mwa Perisiya. Eto mwene wanennayi gunafuna kala orayeletchetcha akwaranya amwene araru ale. Eto agali olimba na mwasa wa jorayela jaye, unoza aakukuse afwaye atene ira kadowe kawane na Umwene wa Geresiya.

Daniyeli 2:39

Vasogolro ukalawo umwene umohiwa unafuna hambihiwa. Umwene wenno mbwenye kunakala wa kopolo nnga nyo. Eto umwene wanembinli wagamanle, unozawo umwene waneraru unafuna hambihiwa, wenno unafwanyeya wagali umwene wa mukuwa, wenno unafuna kana utongi ilambo yatene ya vati!

Daniyeli 5:28

PEREJI ku wonga umwene wenyu uhugawiwa, uhuvahediwa akuda Mediya na akuda Perisiya.>>

Daniyeli 7:4

Mwanainyama oroma ali nnga podogoma. Eto ohokana mapepelo nnga a kakozi! Eto diing'anagave, mwanainyamole ohoduliwaga mapepelo ale. Evale ohoimelihiwa na manyalo menli ira awendege nnga mutu. Eto ohovahiwa zelru ira awande umbuwela nnga mutu!

Daniyeli 7:6

Noira eno, diing'anagave dohomuonaga mwanainyama mmohiwa alingana na nyarugwe. Liye unduli waye ohokana mapepelo mannayi nnga mapepelo a mbalrame. Mwanainyama wenne ohokana miru minnayi eto ohovahiwa utongi!

Jowandeliwa 13:2

Besta damuonne miyo ule ali olingana na nyarugwe eto manyalo aye kali nnga manyalo a urusu, mulomo waye ali nnga mulomo wa podogoma. Mwa enne daragawu ohonvaha besta ule kopolo, na mpando wa umwene anna liye, vamohi na undimuwa ulukulu waye.