Daniyeli 7:27 - Mazu Otchena a Mulungu

²⁷ Evale umwene, na utongi, na undimuwa wa amwene atene a mwilamboni unoza utukuliwe uvahiwe mmandani mwa atu otchenihiwa a Wenno Ukwaranyile Jatene. Umwene wewa unaza ukale umwene wa mukalakala, eto utongi watene unerege alaba no avwelela aliwene.>

Daniyeli 7:27 Iomraidhean Croise

Izaiya 14:2

Atu a malogo amohi anerege avelela aIzarayeli ilambo yenno Yehova yaavahile liye. Atu a malogo ale, roma alombwana na ahiyana anerege alabela aIzarayeli wewo. AIzarayeli anerege ahinda atu anne kaahindetcha wanle kaairaga azari ira na aliwene kakale azari ewa eto anerege atonga atu anne kaaonihetcha goyi.

Izaiya 54:3

Tchoira weyo unoza ususihe madilriwa wu na wu eto vizulu dawo nnafuna dikale mwilamboni mwa atu amohiwa eto anafuna kakale muwari mwa sidadi dedo dihiyiwe.

Izaiya 9:7

Ulukula wa utongi waye na murendele kunakana goma uwa. Unoza atonge vampandoni va umwene wa Davi. Unoza avenyihe eto agarateyihe umwene waye, muwari motonga mwa ibaribari eto muwari mwa upama, roma tempu yenno ante dowa sogolro kala no kala. Yehova unoirana jatene eji na mwasa wa sandje yaye.

Daniyeli 2:44

<<Mbwenye malambo a amwene ale, Mulugu wa zulu unoza akunge umwene wenno wahanaza bwanyuliwa. Eto umwene wenno kuza utongiwaga na atu amohiwa. Nyo muhuona ira nibwe nagwadiwe mwangoni kanagwadiwe na manda a mutu, eto nibwe nne nohowanda tchila momba, mukuwa, ulongo, parata vamohi na oru. Ku wonga umwene wenno unafuna kungiwa na Mulugu wa zulu unoza ubwanyulege eto utchilege maumwene matene anna. Eto unoza ukalewove malambo a mukalakala. Jatene eji ku wonga Mulugu Mundimuwa unauonihani nyo so mwene jengo jinafuna za ireya sogolro. Yoroha yenyu kahi yokayikela eto yotapuleliwa tcha ibaribari!>>

Daniyeli 4:34

Mbwenye magomelo wa malambo anne, miyo Nabukodonozore dohoing'aniha meso aga zulu. Mwa enne zelru daga dohowelelagamo. Noira enne, miyo dohowonga mazu apama na Wenno Ukwaranyile Jatene eto dohomutamalela eto dohomutitimiha wenno uliwo malambo a mukalakala, wenno unna Utongi ohokana magomelo eto wenno unna umwene ohokana goma uwa!

Daniyeli 6:26

Miyo nnasakanya nlamulo naga ira mwatene munavira utongi wa umwene waga, atu kawande ngurumela eto kawandege muova Mulugu wa Daniyeli. Mwasiwa Mulugu wa Daniyeli gu Mulugu okalawo eto gwa mukalakala. Eto umwene waye kuza ubwanyuliwa eto utongi waye uneregeve dowa sogolro malambo a mukalakala!

Daniyeli 7:14

Eto ohovahiwaga utongi na undimuwa vamohi na umwene ira atu a malogo matene, vilambo datene, atu a viwongelo datene kamulabege. Eto utongi waye gu utongi wa mukalakala wenno wahanamala eto umwene waye kuza ubwanyuliwa.>>

Daniyeli 7:18

Mbwenye umwene wewa unomala, atu otchenihiwa a Wenno Ukwaranyile Jatene anoza kavahiwe umwene eto umwene unafuna atu vahiwa unakala wa malambwene, ku wonga kala no kala.>

Daniyeli 7:22

fiyeda za wa mundimuwa oulula bure ule. Noira enne, atu otchenihiwa a Wenno Ukwaranyile Jatene paromilege atu tongeliwa milandu diwa. Eto yohofiya tempu atu otchenihiwa aliwa vahiwa umwene.

Lukaji 1:33

Liye unerege tonga mulogo wa Jako. Umwene waye kuza umala. Unakala umwene wa mukalakala.>>

Juwawu 12:34

Evale anamwindji kaligi evale kohomuwakulaga ira: <<Hiyo mmalamuloni nnavwetcha ira Namatikeliwa unokalawo kala no kala. Nnga nyo munawanda avi wonga ira: <Inafwanela Mwana wa Mutu atomeyiwe.>? Mwana wa Mutu unafuna tomeyiwa guvi?>>

1 Korinto 15:24

Liye aza, aavenyihaga atwaye mokwani, ku wonga wewo ku makutulo. Tchoira Yesu agamanle gondjiha utongi watene nari umwene watene nari kopolo datene, tchi tempu inafuna liye tukula umwene waye, anvahede Mulugu.

Jowandeliwa 11:1

Nomala enne, miyo dohovahiwa imiri eni yopimana, yolingana na ikumbuzo. Dohorumiwa ira: <<Udowe wapime Nyumba ya Mulugu, na ibuwa ili mwemo. Eto wamala, waakontari atu anafwanyeyamo anno anamutamalela Mulugu.

Jowandeliwa 11:15

Nomala enne, mungelro wanetanu na mbinli ohoimba palraza yaye. Agaimbile, ilambo ya zulu wohovweya mazu mandimuwa keraga: <<Umwene wa Nabwiya wehu na Namatikeliwa waye uhumala gondjiha umwene wa ilambo ya vati. Liye uneregeve tonga ilambo yatene kala no kala.>>

Jowandeliwa 17:14

Aliwa anoza kawane kondo na mwana Nibila. Mbwenye mwana Nibila nnoza naagondjihe aliwa, tchoira mwana Nibila gu Nabwiya wa anabwiya atenene eto gu Mwene wa amwene atene. Eto mwana Nibila nnaza naagondjihe agali vamohi na atwaye oitaniwa, anno kasakulriwe, anafwanyeya kagali ororomeleya.>>

Jowandeliwa 19:16

Vakapani vaye na vatambalani vaye vihilrembiwa nzina noira: Mwene wa amwene na Nabwiya wa anabwiya.

Jowandeliwa 20:4

Nomala enne, miyo dohoonaga mipando da umwene, mmipandoni mule mwagagaratile atu. Atwale kagaratile mmipandoni mule kohovahiwa utongi ira katonge. Nomala enne, miyo dohoonaga minemba da atu anno kagwadiwe makohi na mwasa owonga ibaribari zela Yesu vamohi no wonga mazu a Mulugu. Aliwa banno kahamutamalenle besta nne ikwamutu yosema yaye eto nne tchawatchenle sinale ya besta vakoveni nari mmandani mwiwa. Aliwa kohovenyihiwa mokwani, aliwa roma tonga na Kiristu fiyeda yaka 1.000.

Jowandeliwa 22:5

Umahiyu kuza ukalawo. Ale anakalege emule kiza kasauwelaga moneya wa panti nari wa nzuwa mwasiwa Nabwiya Mulugu gunaza akale moneya wa sidadile. Eto aliwa anoza kasogolrelrege kala no kala.