Daniyeli 7:25 - Mazu Otchena a Mulungu

²⁵ Unerege wonga mazu abure zela Wenno Ukwaranyile Jatene eto unoazuzumiha atu a Wenno Ukwaranyile Jatene fiyeda awaheyiha. Eto liye unerege funa atchindjege matempu na malamulo matene anahara atu. Mwa enne unovahiwa utongi oairela atu otchenihiwa jabure jinafuna liye tempu imohi, na matempu menli eto na tempu ya metadi.

Daniyeli 7:25 Iomraidhean Croise

Izaiya 37:23

Kodi umpokihile ani eto umululuvihile ani? Kodi uhumuiziwa wenno wamukuwela we na mazu ogwela na wenno wamuing'aniheda we meso awo zulu? Jatene ejo wadiirela miyo Mulugu Otchena wa Izarayeli.

Daniyeli 11:28

Jagaireyile enne, mwene wa norti unowelela mwilamboni mwaye agatukunle jorayela jatene japatile liye kondoni. Era eno unohela zelru ira aagondjihe atu anne anawenda na yopangana yotchena. Eto unovenya, adowe arome irana yenno inaafunena liye. Amala eno unowelela mwilamboni mwaye.

Daniyeli 12:7

Mwa enne pavwile miyo mulombwana wenno awarile jowara josakanyiwa na usalru wapama ule, wenno afwanyeyaga vazulu va mahindje a muhindje ule. Liye ohovenyihaga muwono waye odjana na oromana liye ing'aniha zulu, liye lumbela ira: <<Miyo nnolumbela na nzina na wenno unakalawo malambo a mukalakala ira jeji jinaireya muwari mwa tempu imohi, na matempu menli eto na tempu ya metadi, atu otchenihiwa tempu yewa yoharahariwa yamala. Era eno pa evo vanafuna kwakwanela jatene jeji!>>

Daniyeli 2:21

Liye unowanda tchindja matempu eto unowanda tchindja makalelo a ilambo. Unowanda abwanyula amwene, liye agweliha vampandoni atu amohiwa ira kakale amwene. Liyene gunawanda avaha toto atu a toto eto unowanda avaha onelramo atu anne anaonelramo.

Daniyeli 3:26

Mwa enne mwene Nabukodonozore ohozaga va mulango va hofu wa munlo ohindetchetcha vale, liye wonga eraga: <<Sadaraki, Mezaki, na Abedenego, nyo anamalaba a Mulugu Okwaranya Jatene, kakumani, muze uno.>> Evale mulombwana Sadaraki, Mezaki na Abedenego kohokumagamo mmunloni mule.

Daniyeli 4:17

Utongile ira jejo jiireye ba anamaing'anela anno anafwanyeya kagali angelro otchena. Aliwa basakunlre ira iireye eno ira atu atene okalawo kawande iziwa ira Wenno Ukwaranyile Jatene gunatonga umwene wa atu atene a mwilamboni ya vati. Eto liyene gunawanda nvaha umwene mutu wenne unanfunana liye eto liye unowanda nvaha mutu wenno uli mung'onong'ono mwa atu atene!> >>

Daniyeli 4:2

Miyo dionne ira ili yapama duiziwiheni jionihedo na jotikiniha jatene jidiirele Mulugu Okwaranya Jatene!

Daniyeli 4:25

Nyo munoza mutamangihiwevo vari va atu, mudowe mwakalege na anavinyama a mukokolani. Mwagadowile mukokolani, nyo munerege dja malatchi nnga ng'ombe. Eto munerege nyetihiwa na ningame nokumela zulu. Eto vinovira tempu tanu na mbinli fiyeda nyo muiziwe ira Wenno Ukwaranyile Jatene uhukana utongi zela amwene atene a mwilamboni ya vati eto unonvaha mutu wenne unanfunana liye.

Daniyeli 4:32

Weyo unotamangihiwavo vari va atu ira udowe wakalege na anavinyama a mukokolani eto unerege dja malatchi nnga ng'ombe, ante vimale tempu tanu na mbinli, fiyeda uwande iziwa ira Wenno Ukwaranyile Jatene uhukana utongi zela umwene wa atu mwilamboni ya vati eto unanvaha mutu wenne unanfunana liye!>>

Daniyeli 7:18

Mbwenye umwene wewa unomala, atu otchenihiwa a Wenno Ukwaranyile Jatene anoza kavahiwe umwene eto umwene unafuna atu vahiwa unakala wa malambwene, ku wonga kala no kala.>

Daniyeli 7:20

Eto dohokanamo yofuna ira diiziwe zela manyanga kumi anna liye vamuru vaye eto zela nnyanga nimohi nabwanyunle manyanga mararu ira liye awande garativo, nnyanga neno nanna meso na mulomo owonga jengo jovitukulela eto wenno aoneya nnga wa kopolo kwaranya afwaye ale.

Daniyeli 7:8

Miyo diumbuwelaga zela manyangale, diing'anagave, dohoonaga manyanga mararu kaduleyaga na mitchitchi diwa dene ira niwande melavo nnyanga nimohi ning'ining'ini. Nnyanga ning'ining'ini namenlevo nne nohokana meso nnga meso a mutu eto nohokana mulomo awonga mazu ovitukulela.

Daniyeli 8:11

Na ibaribari nnyanga nne nohoviulukulihaga fiyeda jofuna lingana na musogolrelri wa nikuru na zulu nne. Nnyanga nne nohomaliha mikuto dotumeya da malambo matene daveleliwetcha wa musogolrelri ule eto nohokarakasulaga nimburo naye notchena.

Daniyeli 8:14

Mwa enne dohonvwaga mungelro nfwaye ule adiwandelaga eraga: <<Jeji jinaza jimale vagamanle mahiyu na ntana 2.300. Era eno Nyumba ya Yehova inotchenihiwa akoka!>>

Daniyeli 8:9

Eto mwa manyanga mannayi ale, vannyangani nimohi vohomelaga nnyanga nimohi niwa ning'ining'ini, aliwa ulukula na makalelo ohokala a masika nilimbelaga pandi ya suli na pandi ya makumelo wa nzuwa eto nilimbelaga ilambo yotitimihiwa ya Izarayeli.

Daniyeli 9:27

Mwene muxole agazile, unosakanya yopangana yaye yolimba na atu adjindji fiyeda sumana imohi. Mbwenye vamala metadi ya sumana ile, liye unomaliha mikuto na jovelela ira atu kahavelelege Nyumba ya Yehova! Eto unotukula yengo yabure yohokala ya masika, yengo yotakaliha Nyumba ya Yehova, aimetche muNyumbani mule. Yengo yotakaliha ile inokalave eno fiyeda Mulugu amutonge mwene ule na uwali waye nnga mwamanle liye balra wanle.> >>

2 Tesalonika 2:3

Nyo kamunyengiwe na mutu zela yengo ili yatene. Tchoira siku na Nabwiya nahanaze, ikala tempu inafuna za yoira atu oindjiva kahiye ja Mulugu. Eto siku na Nabwiya nahanaze, unoza aoneyihiwe mulombwana oirana jinakondiha malamulo, mwana ofuna tolotchiwa.

2 Tesalonika 2:4

Mulombwana wenno unoza awane eto unovitukulela nnga mutu oakwaranya amilugu atene anaahara atu nari jatene jinatamalela atu. Eto liye unoza agarati Nyumba ya Yehova, awongege ira: <<Miyo vano dili Mulugu.>>

2 Tesalonika 2:8

pa evale vanafuna oneyihiwa mulombwana wabure ule. Liye agazile, unolaba mabasaye ante vanafuna za Nabwiya Yesu mpa mulombwana wabure ule mowonga bahi eto unoza amutolotche muwari moza waye wotikiniha.

Jowandeliwa 12:14

Eto muhiyanole ohovahiwa mapepelo menli nnga mapepelo a kakozi ira avave, atawe nyowele, adowe muisalesaleni nimburo neno Mulugu amusakanyele liye ira muhiyanole aing'aneliwe wewule yaka taru na meya.

Jowandeliwa 12:6

Eto muhiyanole ohotawela muisalesaleni, dowa nimburo neno Mulugu asakannye liye ira muhiyanole akalevo fiyeda malambo 1.260 agalive nimburo neno aing'aneliwaga.

Jowandeliwa 14:12

Jafiya eno, inafwanela atu otchenihiwa anno anakoya malamulo a Mulugu eto anafwanyeya kagalive olimbene momuroromela Yesu kakale atu ovilela.

Jowandeliwa 16:6

Mwasiwa malambo a mundulri atwala kohovuviha sangiri na atwinyu otchenihiwa, na sangiri na anamafiyiheda enyu. Peno eto nyo muhuwanda sandutcha mahindje kala sangiri ira apanga ala kang'wege. Na ibaribari aliwa anatambilra mofwanelela zela jejo jairile atu.>>

Jowandeliwa 17:6

Miyo dimuing'anaga muhiyanole, damuonne ira liye afwanyeya agamanle lrezelra na sangiri na atu otchenihiwa, na sangiri na atu kapiwele nzina na Yesu. Evale dagamuonne muhiyanole, dohotikiniheya valukulu.

Jowandeliwa 18:24

Eto muwari mwa weyo muhufwanyeya sangiri na anamafiyiheda, sangiri na atu otchenihiwa, vamohi na sangiri na atu atene anne waapile we mwilamboni ya vati.>>