Daniyeli 7:2 - Mazu Otchena a Mulungu

² Mulombwana Daniyeli ohowongaga eraga: <<Miyo dohoonaga jengo mmuruni mwaga na mahiyu. Miyo daonnege nipevo nokumela zulu niombaga pandi dannayi dene da ilambo, nibubudaga mahindje matene a bara indimuwa.

Daniyeli 7:2 Iomraidhean Croise

Izaiya 17:12

Imala arutcha atu ohiyana-hiyana anno anakuwa. Kuwa wewa uli nnga kukuma wa bara! Kaing'anani tamanga wa malogo ohiyana-hiyana, anatamanga nnga mahindje a kopolo katamangaga.

Daniyeli 11:4

Mbwenye liye agavenyile, mohodibeliwa umwene waye unoza ubwanyuliwe eto unogaweliwa pandi dannayi dene da mwilamboni. Eto amwene anafuna kala vamalroni vaye kinakala ahimaye, nne kiza kakana utongi umohive wanna liye. Tchoira umwene waye unoza uduliwe, ugaweliwe atu amohiwa hiya ahima aye.

Daniyeli 2:19

Mahiyu a siku nenne Daniyeli ohoonihiwa jengo mmuruni mwaye, liye wandeliwaga yoroha yokoyeya ya mwene ule. Agawandeliwe, ohomutamalelaga Mulugu wa zulu.

Daniyeli 7:13

<<Miyo dohokalelave ing'ana jaona miyo mmuruni mwaga na mahiyu. Mwa enne dohomuonaga mutu mmohi nnga Mwana wa Mutu akumelaga mmiramboni zulu. Evale liye ohodowaga pandi ya evale vafwanyeya mundimuwa oulula bure ule, liye veleliwa vamentoni va mundimuwole.

Daniyeli 7:7

Jagaireyile eno, miyo dohowelela diing'anagave muwari mwa jengo jaonne miyo mmuruni mwaga na mahiyu. Muwari moing'ana dohomuonaga mwanainyama wanennayi owopiha na makalelo ohokala a masika, orendjetcha, okana kopolo dohokala da masika anna meno malukulu a momba. Liye otakuna eto ogwadanya eto jimohi jahala, onyingalela na manyalo aye. Mwanainyamole mbwenye ali ohiyana na anavinyama araru amohiwa ale eto ohokana manyanga kumi.

Daniyeli 8:2

Muwari mwa jengo jaonihiwa miyo mmuruni mwaga, akala nnga dili sidadi ya Suzani, pandi umangiwe ja umwene ja porovinsiya ya Elamu, dagali muhindje wa Ulayi.

Daniyeli 8:8

Mwa enne mbuzile yohokalave yolimbene na makalelo ohokala a masika. Mbwenye yagalive muwari mwa kopolo daye, nnyanga naye nlukulu nne nohokotoliwagavo. Eto vamalroni va nnyanga nimohi vale, vohomelaga manyanga mamohiwa mannayi olapa, anno kaulukula kalimbelaga pandi dannayi dene da ilambo.

Matewuji 24:31

Eto liye unoza aarume angelro aye no kuwa ulukulu wa palraza indimuwa. Aliwa kagarumiwe, anoza kaagumanihe atu atene osakulriwa pandi dannayi dene da ilambo, magomelo wa ilambo wu ante magomelo wa ilambo wu.

Jowandeliwa 17:15

Mungelrole ohowongagave na miyo eraga: <<Mahindje uonne we, wewo ugaratile puta ule, inatapulela atu ohokala a masika, atu a malogo ohiyana-hiyana, anamwindji a atu, atu a vilambo didjindji na viwongelo dohiyana-hiyana.

Jowandeliwa 7:1

Nomala enne, dohaona angelro annayi kagaimenle pandi dannayi dene da ilambo ya vati, mmohi wu, mmohi wu, mmohi wu, mmohiwa wu. Angelro ale kahidedile nipevo pandi dannayi dene da ilambo ira mwilamboni mwatene mwahawombe nipevo, nne mbara, nne ira nahawande tikinya mutengo uli watene.