Daniyeli 7:14 - Mazu Otchena a Mulungu

¹⁴ Eto ohovahiwaga utongi na undimuwa vamohi na umwene ira atu a malogo matene, vilambo datene, atu a viwongelo datene kamulabege. Eto utongi waye gu utongi wa mukalakala wenno wahanamala eto umwene waye kuza ubwanyuliwa.>>

Daniyeli 7:14 Iomraidhean Croise

Izaiya 16:5

pa evo vanaza garateya mpando wa umwene moziveliwa ororomeleya. Mutu mmohi muibalini mwa Davi unoza agarativo mororomeleya. Liye jotonga jaye jinokala japama. Eto unoirana japama mobaranya mwene.

Izaiya 60:12

Mwasiwa atu a ilambo ili yatene nari umwene uli watene, anno kahanafune ulaba weyo, anotolowa. Anagomela bwanyuliwa atenene.

Izaiya 9:6

Tchoira ukala mwana ubaliwe ira nione upama wehu. Ukala mwanapongwe urumiwe wa hiyo. Utongi uli vanifudini vaye. Liye nzina naye unaitaniwege Namawelruza Otikiniha, Mulugu wa Kopolo, Baba wa Mukalakala, Musogolrelri wa Murendele.

Izaiya 9:7

Ulukula wa utongi waye na murendele kunakana goma uwa. Unoza atonge vampandoni va umwene wa Davi. Unoza avenyihe eto agarateyihe umwene waye, muwari motonga mwa ibaribari eto muwari mwa upama, roma tempu yenno ante dowa sogolro kala no kala. Yehova unoirana jatene eji na mwasa wa sandje yaye.

Daniyeli 2:35

Eto noira enne, nlandaniho natene nenne nohobwanyuwaga roma momba ule, na ulongo ule, mukuwa, parata, vamohi na oru. Jatene jejo johotchileyaga nnga makata a mamburo obubudavo jalo tempu ya ilimwe, mutu avetaga tirigu. Mwa enne nipevo nohotukulaga jatene, aliwa dowagana fiyeda hahalavo yengo. Mbwenye nibwe nabubudile nlandaniho nne nohoulukulaga, aliwa fiyeda kala mwango mulukulu, aliwa fiyeda zala ilambo yatene ya vati agali ulukula.

Daniyeli 2:37

Nyo so mwene munafwanyeya mwagali mwene wa amwene, tchoira Mulugu wa zulu uhuvahani umwene, kopolo na utongi vamohi na undimuwa!

Daniyeli 2:44

<<Mbwenye malambo a amwene ale, Mulugu wa zulu unoza akunge umwene wenno wahanaza bwanyuliwa. Eto umwene wenno kuza utongiwaga na atu amohiwa. Nyo muhuona ira nibwe nagwadiwe mwangoni kanagwadiwe na manda a mutu, eto nibwe nne nohowanda tchila momba, mukuwa, ulongo, parata vamohi na oru. Ku wonga umwene wenno unafuna kungiwa na Mulugu wa zulu unoza ubwanyulege eto utchilege maumwene matene anna. Eto unoza ukalewove malambo a mukalakala. Jatene eji ku wonga Mulugu Mundimuwa unauonihani nyo so mwene jengo jinafuna za ireya sogolro. Yoroha yenyu kahi yokayikela eto yotapuleliwa tcha ibaribari!>>

Daniyeli 3:4

Mwa enne maliba kuwa ohowongaga na mazu okuwa eraga: <<Nyo mwindji watene na malogo matene na atu atene a viwongelo dohiyana-hiyana munorumiwa na mwene ira

Daniyeli 4:3

Liye jionihedo jaye kahi jing'ono eto jotikiniha jaye ti ja kopolo! Umwene waye gu umwene ohokana magomelo. Eto liye ukana utongi muwari mwa tempu datene!

Daniyeli 6:26

Miyo nnasakanya nlamulo naga ira mwatene munavira utongi wa umwene waga, atu kawande ngurumela eto kawandege muova Mulugu wa Daniyeli. Mwasiwa Mulugu wa Daniyeli gu Mulugu okalawo eto gwa mukalakala. Eto umwene waye kuza ubwanyuliwa eto utongi waye uneregeve dowa sogolro malambo a mukalakala!

Daniyeli 7:18

Mbwenye umwene wewa unomala, atu otchenihiwa a Wenno Ukwaranyile Jatene anoza kavahiwe umwene eto umwene unafuna atu vahiwa unakala wa malambwene, ku wonga kala no kala.>

Daniyeli 7:27

Evale umwene, na utongi, na undimuwa wa amwene atene a mwilamboni unoza utukuliwe uvahiwe mmandani mwa atu otchenihiwa a Wenno Ukwaranyile Jatene. Umwene wewa unaza ukale umwene wa mukalakala, eto utongi watene unerege alaba no avwelela aliwene.>

Matewuji 11:27

Yesu eto ohowongaga eraga: <<Babaga udivaha jatene mmandani mwaga. Eto kalivo mutu mmohiwa udiiziwile miyo mwanaye ahali Baba. Eto kalivo umuiziwile Baba ahali miyo Mwanaye na anno anafuna miyo aiziwiha!

Matewuji 28:18

Noira enne, Yesu ohodowa vali anamamuharaye, aawandelaga eraga: <<Dihimala vahiwa utongi watene wa ilambo ya zulu na ilambwela ya vati.

Lukaji 1:33

Liye unerege tonga mulogo wa Jako. Umwene waye kuza umala. Unakala umwene wa mukalakala.>>

Lukaji 10:22

Yesu eto ohowongaga eraga: <<Babaga udivaha jatene mmandani mwaga. Eto kalivo mutu mmohiwa udiiziwile miyo mwanaye ahali Baba. Eto kalivo umuiziwile Baba ahali miyo Mwanaye na anno anafuna miyo aiziwiha!>>

Juwawu 12:34

Evale anamwindji kaligi evale kohomuwakulaga ira: <<Hiyo mmalamuloni nnavwetcha ira Namatikeliwa unokalawo kala no kala. Nnga nyo munawanda avi wonga ira: <Inafwanela Mwana wa Mutu atomeyiwe.>? Mwana wa Mutu unafuna tomeyiwa guvi?>>

Juwawu 3:35

Baba unomuziveliwa Mwanaye eto uhunvaheda jatene mmandani mwaye.

Eberewu 12:28

Mulugu univahile ira niwatchele umwene ohotikeya. Naona ira Mulugu uhuwanda nivaha umwene ohowanda tikeya, inafwanela nikale atu omutamalela Mulugu. Inafwanela nimutamalele na makalelo omuziveliha muwari momutitimiha eto muwari momuova.

1 Peduru 3:22

Liye agavenyihiwe, agadowile zulu, peno va unafwanyeya muwononi odjana wa Mulugu. Liye eto uhuvahiwa utongi ira aatongege angelro nari andimuwa andimuwa nari kopolo datene.

Jowandeliwa 1:6

eto uwandile nitukula hiyo, nisakanyeda ira nikale anamakuta muUmweneni mwa Babaye Mulugu. Undimuwa unna liye, utongi unna liye udowegeve sogolro kala no kala. Ame!

Jowandeliwa 11:15

Nomala enne, mungelro wanetanu na mbinli ohoimba palraza yaye. Agaimbile, ilambo ya zulu wohovweya mazu mandimuwa keraga: <<Umwene wa Nabwiya wehu na Namatikeliwa waye uhumala gondjiha umwene wa ilambo ya vati. Liye uneregeve tonga ilambo yatene kala no kala.>>

Jowandeliwa 17:14

Aliwa anoza kawane kondo na mwana Nibila. Mbwenye mwana Nibila nnoza naagondjihe aliwa, tchoira mwana Nibila gu Nabwiya wa anabwiya atenene eto gu Mwene wa amwene atene. Eto mwana Nibila nnaza naagondjihe agali vamohi na atwaye oitaniwa, anno kasakulriwe, anafwanyeya kagali ororomeleya.>>

Jowandeliwa 3:21

Miyo voira dihigondjiha, dihivahiwa utongi ira digarati mpando wa umwene wa Baba. Nona mutu wenne unagondjihe, nnonvaha ira agarati na miyo vano mpando wa umwene mmohive digaratile miyo.