Daniyeli 7:13 - Mazu Otchena a Mulungu

¹³ <<Miyo dohokalelave ing'ana jaona miyo mmuruni mwaga na mahiyu. Mwa enne dohomuonaga mutu mmohi nnga Mwana wa Mutu akumelaga mmiramboni zulu. Evale liye ohodowaga pandi ya evale vafwanyeya mundimuwa oulula bure ule, liye veleliwa vamentoni va mundimuwole.

Daniyeli 7:13 Iomraidhean Croise

Daniyeli 2:44

<<Mbwenye malambo a amwene ale, Mulugu wa zulu unoza akunge umwene wenno wahanaza bwanyuliwa. Eto umwene wenno kuza utongiwaga na atu amohiwa. Nyo muhuona ira nibwe nagwadiwe mwangoni kanagwadiwe na manda a mutu, eto nibwe nne nohowanda tchila momba, mukuwa, ulongo, parata vamohi na oru. Ku wonga umwene wenno unafuna kungiwa na Mulugu wa zulu unoza ubwanyulege eto utchilege maumwene matene anna. Eto unoza ukalewove malambo a mukalakala. Jatene eji ku wonga Mulugu Mundimuwa unauonihani nyo so mwene jengo jinafuna za ireya sogolro. Yoroha yenyu kahi yokayikela eto yotapuleliwa tcha ibaribari!>>

Daniyeli 7:12

Zela anavinyama amohiwa ale, dohaonaga kagawakiwe utongi wewa mbwenye tchapiwe. Eto kohowendjediwa malambo ewa ira kakalewove malambo mamohiwa.

Daniyeli 7:2

Mulombwana Daniyeli ohowongaga eraga: <<Miyo dohoonaga jengo mmuruni mwaga na mahiyu. Miyo daonnege nipevo nokumela zulu niombaga pandi dannayi dene da ilambo, nibubudaga mahindje matene a bara indimuwa.

Daniyeli 7:22

fiyeda za wa mundimuwa oulula bure ule. Noira enne, atu otchenihiwa a Wenno Ukwaranyile Jatene paromilege atu tongeliwa milandu diwa. Eto yohofiya tempu atu otchenihiwa aliwa vahiwa umwene.

Daniyeli 7:9

<<Miyo diing'anagave dohoonaga mipando da umwene ditandiwaga. Evale ohokalawo mundimuwa oulula bure azile agarativo. Mundimuwole jowara jaye na nsisi naye jali jotchena nnga ntondje notchena pama. Mpando wa Umwene ule ali nnga malumi a munlo eto mpandole ohokana maroda okala nnga munlo ohindetchetcha.

Daniyeli 8:15

Miyo Daniyeli dagaonihiwe jejile, dohosakaga iziwelamo. Mwa enne ukala azilege vasogolro vaga akalaga nnga mutu.

Matewuji 13:41

Mwana wa Mutu unoza aarume angelro aye ira kaakumihemo muUmweneni mwaye anne anaategiha afwiwa vamohi na aliba tega.

Matewuji 24:30

Jaireya eno, pa evale vanafuna za kumelela zulu ionihedo ya Mwana wa Mutu eto malogo matene a mwilamboni anoza kanle eto anoza kamuone Mwana wa Mutu azelaga mmiramboni da zulu na kopolo vamohi na undimuwa wohokala wa masika.

Matewuji 25:31

<<Eto Mwana wa Mutu azaga na undimuwa waye, vamohi na angelro atene, liye unoza agarati mpando waye mundimuwa wa umwene.

Matewuji 26:64

Evale Yesu ohowakulaga eraga: <<Nyo gunawonga. Mwa eno, miyo nnouwandelani ira munoza mmuone Mwana wa Mutu agagaratile muwononi odjana wa Mwinnya wa Kopolo Datene. Eto munoza mmuone azaga mmiramboni zulu.>>

Matewuji 28:18

Noira enne, Yesu ohodowa vali anamamuharaye, aawandelaga eraga: <<Dihimala vahiwa utongi watene wa ilambo ya zulu na ilambwela ya vati.

Matewuji 8:20

Evale Yesu ohomuwakulaga, liye ira: <<Anambwa a mukokolani kohokana miliha nnakala atu eto mbalrame dovava zulu dihikana jitundji jiwa. Mbwenye Mwana wa Mutu kanna vosameliha muru waye.>>

Markuji 13:26

Jaireya eno, munoza mmuone Mwana wa Mutu azelaga mmiramboni na kopolo no wareya wohokala wa masika.

Lukaji 21:27

Mwa enne anoza kamuone Mwana wa Mutu azelaga mmiramboni na kopolo na undimuwa wohokala wa masika.

Lukaji 21:36

Mwa eno, inafwanela muing'anelege tempu datene, mulobelegeve ira mukayena kopolo dotawa jatene jinafuna ireya eto muwande imela vamentoni va Mwana wa Mutu aza azaga.>>

Lukaji 24:27

Evale ohoroma aonelrihedamo jatene jalrembiwe mMazuni zela liye, aromagana malivuru a Mozeji na jolremba jatene ja anamafiyiheda.

Juwawu 12:34

Evale anamwindji kaligi evale kohomuwakulaga ira: <<Hiyo mmalamuloni nnavwetcha ira Namatikeliwa unokalawo kala no kala. Nnga nyo munawanda avi wonga ira: <Inafwanela Mwana wa Mutu atomeyiwe.>? Mwana wa Mutu unafuna tomeyiwa guvi?>>

Juwawu 3:13

Tchoira kalivo ubabihile gwela zulu, so uiziwile ja zulu gu miyo Mwana wa Mutu dikumenle wewo bahi.

Juwawu 5:27

Mulugu eto unvaha ira akayena utongi ira atongege mwasiwa liye gu Mwana wa Mutu.

Joira ja Anamarumiwa 7:56

Mwa enne Estevawu ohoiraga: <<Kaing'anani! Diing'anne miyo zulu, nnaona zulu unafwanyeya wagahuleyile eto Mwana wa Mutu uli oimelene muwononi odjana wa Mulugu.>>

1 Tesalonika 4:17

Era eno hiyo omuroromela Yesu amohiwa ohala nnafuna za fwanyeya mesove, nnoza nitukuleliwe zulu mmiramboni vamohi na afwihu ale ira nagumane na Nabwiya zulu-zulu. Mwa eno, pinafuna hiyo nikale vamohi na liye kala no kala.

1 Timoteyo 6:16

Mulugu eka gwahanakwa, gunakala muwari mowareya undimuwa wewo wahanawanda fiya mutu. Kalivo umuonne eto kalivo unawanda muona. Inafwanela liye ateteliwe, utongi watene ukale na liye kala no kala. Ame!

Eberewu 2:14

Fwanyeya ira voira ahimiwa anawenda muwari mwa sangiri na maningo, na liyene eto ohowanda tukula makalelo mamohive a sangiri na maningo ira awande kwa muwari momugondjiha wenno unna kopolo da ukwa unafwanyeya agali Diyabo.

Eberewu 9:24

Tchoira Kiristu kavolowile mamburo otchena kali mwilamboni ya vati muno kasakanyiwe na manda a atu. Mwasiwa mamburo a ilambo ya vati ila anafwalrafwaniha mamburo otchena a ibaribari anafwanyeya ilambo ya zulu. Kiristu mbwenye uvolowile zulu uwa wene ira awonge vamentoni va Mulugu zela wa hiyo.

Jowandeliwa 1:13

Vari va jogoromeyavo panti tanu na mbinli vale ohokala alivo nnga ha mutu, agawarile bata yolapa yafiya manyaloni. Eto pandi ya mirimani waye ohowaraga sintu na oru.

Jowandeliwa 1:18

Miyo dili wenno unna ingumi. Dohokwa, mbwenye kaing'anani, dihikalawo eto nnerege kalawo kala no kala. Eto dihikana maxavi a Ukwa na maxavi a Nimburo na Anokwa.

Jowandeliwa 1:7

Kaing'anani. Liye unoza aze akumelaga mmiramboni. Atu atene anoza kamuone na meso, masiki atu anne kamulatile. Malogo matene a ilambo ya vati kamuona azaga, anoza katomole kuto na mwasa wa liye. Na ibaribari jinoza jiireye. Ame!

Jowandeliwa 14:14

Noira enne, miyo dagaing'anne ha vale, dohoona murambo otchena eto vamuramboni vale vagagaratile mutu mmohi olingana na Mwana wa Mutu. Liye mmuruni mwaye mohokala tchapowa wa oru eto ohokana mmandani mwaye ikwakwa yoirwa.