Daniyeli 6:4 - Mazu Otchena a Mulungu

⁴ Na mwasa wenne, aministuru afwaye ale na agovernadore ale kohoromaga sakasaka muselu oira Daniyeli aoneye nnga ministuru wabure, mbwenye tchawanda fwanya muselu ira kamusumele nne kamuwongele ubure. Tchoira mulombwana Daniyeli ali mutu ororomeleya eto mutu ohokana yoviringaniha nne kaanna yabure yafwanyeyana liye.

Daniyeli 6:4 Iomraidhean Croise

Jenesesi 41:38

Evale Farawu ohowonga na anamalabaye eraga: <<Mwaonelramo, mwilamboni muno nnowanda nfwanya mulombwana ozaleliwa Munemba wa Mulugu nnga wenna? Miyo kannamuonamo.>>

Jenesesi 43:18

Evale aliwa kohoromaga ova na mwasa odowa vande va Joze vale, aliwa roma wonga oka oka keraga: <<Afwase para hiyo ziwagana vande va eni mwasiwa gwenne wa kobiri dedo dali mmasakwini mwihu mule fendo yoroma. Eni unafuna anihindele mmalrangoni, nikale azari aye, aniwake aburu ehu.>>

Daniyeli 3:8

Mwa tempu yenne kohokalawo aBabiloniya amohiwa kazilege, aliwa roma wonga mazu abure zela aJudewu.

Daniyeli 5:12

Mwasiwa mwa tempu yenne liye ohokana munemba wapama no iziwetchetcha no onelramo ira awande tapulela joroha nari masula jengo jorutcha onelramo eto owanda maliha jofuka jakana mutu. Liye gu Daniyeli wenno mwene anvahile liye nzina na Beltesazare. Mmuitane tchineneva, liyene aza, unowanda tapulela jejo jilrembiwe vantchihini va.>>

Daniyeli 6:22

Mulugu waga ohomuruma mungelro waye, liye za funga wanoni wa apodogoma. Aliwa kidiirele yabure ili yatene mwasiwa Mulugu kadifwannyena yabure vamentoni vaye. Eto nne vamentoni venyu, so mwene miyo kadisakanyile yabure ili yatene.>>

Matewuji 26:4

aliwa panganela makalelo bavi kafuna atu muhinda Yesu mozembiheya ira kampe.

Matewuji 27:18

Pilatu awongele eno mwasiwa liye ohoiziwa ira atwale kamusumenle Yesu na mwasa wa nrima bahi.

Lukaji 20:20

Evale aliwa kohoroma muwendawendiheda mwatene mwavira liye. Noira enne koharuma atu ira kadowe kakale nnga atu apama, kamuxixe ira awakula mazu abure, kamuhinde kadowe kanvelele ira atongiwe mmandani mwa governadore.

Lukaji 20:26

Evale aliwa tchawandile onavo mwasa ofuna muhindana Yesu vamentoni va atu. Na mwasa wenne, kohomiyalaga, aliwa roma tikinaga zela makalelo Yesu awakunle liye.

Lukaji 22:2

Andimuwa a anamakuta na anamafundjiha malamulo kosakasaketcha makalelo oira kampe Yesu mozembiheya mwasiwa aliwa kaaovetcha anamwindji.

Juwawu 19:4

Noira eno, Pilatu ohokumelaga unde akoka, liye awandela anamwindji ale ira: <<Kavuruwanani! Miyo nnomuzana wa nyo mulombwanole para mukayena ibaribari ira miyo kadinfwannyena mulandu ofuna muirelana yabure.>>

2 Korinto 11:12

Eto makalelo anaira miyo ala, labaga eno mohowatchela kobiri, nnerege iranave ira diwande agwiha anamarumiwa onama ale anavenda jowonga ira mabasa analaba hiyo anolingana na mabasa analaba aPawulo.

Filipo 2:15

ira muwande kala atu ohokana imanya, atu apama, ana Mulugu ohokana yotega mwawendaga muwari mwa nlogo nogomba, noviringana. Mwaira eno, mwawendaga munokala nnga jomoneya mwilamboni ya vati vamentoni va atu ogombale.

1 Timoteyo 5:14

Nona miyo nnaona ira yapamiwa, makwele uli ahanaulule, ateliwe, aabale ahimaye, asapege jaye vande vaye. Kairana eno, ale ananiida kinakana makalelo ofuna ninukeda yengo.

Titu 2:8

na jowonga japama ira atu kahakayena yengo inafuna atu ninukeda hiyo. Ineriha mwilamboni muno mukala atu ofuna joniharahara. Mbwenye weyo wakala mutu owonga pama, aliwa kinakana muselu ofuna ninukedana hiyo. Aliba niharahara anagomela nyaswa mwasiwa kinaonege yengo yabure yofuna nihindana hiyo.

1 Peduru 2:12

Mwawendaga na atu a unde, muwendege na makalelo apama. Masiki aliwa kawongege zela nyo ira muli atu abure, inafwanela mwaairelegeve upama ira aliwa kagaonne makalelo apama munna nyo, siku neno nnafuna liye za nipanda, na aliwene kafwanyeye kagali atu omutitimiha Mulugu.

1 Peduru 3:16

Mbwenye muwakulege moviyeviha eto muwari moariheda afwinyu. Muiregena eno na mmirimani mwenyu mwatene ira ale anawonga joululuvihani zela mawendelo enyu apama omuroromela Kiristu kawande kana manyazo.

Anamasogolrelra 14:4

Mbwenye jaireya atu enne, babaye vamohi na mmaye tchaiziwile ira jejile jazela wa Yehova. Tchoira Yehova gwairihile ira awande airela ubure aFilistewu, mwasiwa tempu yenne aFilistewu baatonga aIzarayeli.

1 Samuweli 12:4

Evale aIzarayeli atene kohowakulaga keraga: <<Nyo kamunidjenlre, nne kamuniharaharile, nne kamutukunle yengo ya mutu.>>

1 Samuweli 18:14

Jatene jasakanya Davi jokwakwanela mwasiwa Yehova ali na liye.

1 Samuweli 22:14

Evale Aimeleki ohomuwakulaga mwene Sawuli eraga: <<Kodi muwari mwa anamalabinyu atene, ukalamo mutu ororomeleya omukwaranya Davi? Davi eto kahi nkamwene wenyu? Liye eto gu musogolrelri wa agwarda a ingumi yenyu eto liye unorihediwa na atu atene a vande venyu.