Daniyeli 6:10 - Mazu Otchena a Mulungu

¹⁰ Evale mulombwana Daniyeli agaiziwile ira mwene uhumala asinari dugumento nne, liye ovenyaga, dowa kwartu yaye ya muzulu yenno yanna majanela ohulene kaing'anne pandi ya Jeruzalemu, liye dowa kokora na mabodo aye, liye lobelaga, amutamalelaga Mulugu waye va kada siku fendo taru nnga jeretchave liye malambo a mundulri.

Daniyeli 6:10 Iomraidhean Croise

1 Amwene 8:30

Vuruwanani jovepa jaga na jovepa ja atwinyu aIzarayeli kaza wa nyo kalobelaga kagaing'anihile kove diwa wewuno. Eto vuruwanani zulu wewo munakala nyo eto mwavwa, kurumuwelani.

1 Amwene 8:38

yolobela ili yatene na yovepa ili yatene inavepa mutu mmohi nari atwinyu aIzarayeli atene kada mutu aiziwaga zuzumihiwa unafwanyeyana liye mmirimani mwaye, aliwa katapula mandiwa kaing'aniha nyumba yenna,

1 Amwene 8:44

<<Eto atwinyu kavenya ira kadowe kondoni kawane na amwidaniwa, kahara ndila inafuna nyo awandela, aliwa kalobela wa Yehova muwari moing'aniha kove diwa pandi ya sidadi yenna isakulrile nyo vamohi na nyumba yenna imangile miyo para nzina nenyu,

1 Amwene 8:54

Salomawu agamanle lobela vamohi no vepa jatene eji wa Yehova, ohovenyaga sogolro wa ibuwa ya Yehova wewo wakokorile liye agavenyihedile manda aye zulu.

Daniyeli 6:13

Evale aliwa kohomuwakulaga mwenole keraga: <<Mbwenye Daniyeli wenno uli muwari mwa atu katukuliwe ilambo ya Juda, kanaubalrani nyo so mwene, nne kanabalra nlamulo neno niasinarile nyo. Liye eniva kada siku unomutamalela Mulugu waye fendo taru.>>

Daniyeli 9:4

Doholobelaga wa Yehova Mulugu waga, dilrapaga jotega jehu diiraga: <<Nyo Nabwiya, muli Mulugu mundimuwa eto owopiha. Nyo munohariha yopangana yenno musakanyile nyo eto munoaoniha zivela wenyu atu anne anauziveliwani na atu anne anahariha malamulo enyu!

Jonasi 2:4

Evale miyo dohoira: <Dihitamangihediwa olapela wene na nyo. Masiki eno nnoza diing'ane pandi ya Nyumba yenyu yotchena.>

Markuji 3:3

Evale Yesu ohomuwongana maliba umma ndanda ule ira: <<Kaza uno.>>

Lukaji 14:26

<<Akalavo mutu unafuna za wa miyo eto ahamuide babaye na mmaye, muhiyanaye na ahimaye, adibiliye na arongoliye nari ingumi yaye, liye kanakala namadiharaga.

Lukaji 22:41

Evale liye ohosusagavo, liye dowa vokala nnga ha vale nnga vinagomela nibwe mutu avoka. Evale ohokokoraga liye roma lobela

Joira ja Anamarumiwa 10:9

Unde ule mbe, ale karumiwe na Korneliyo ale kadowaga muulrendoni mwewa, kafunaga fiya sidadi ya Jope, wandamelana ora ya midiya, mulombwana Peduru ohodowaga gwela vazulu va nyumba ira adowe alobele.

Joira ja Anamarumiwa 2:15

Atwala kilrezenlre nnga munaumbuwela nyo. Ora ila ya 9 ora kahi tempu yolrezelra.

Joira ja Anamarumiwa 20:24

Masiki eno, miyo nnoona ira ingumi yaga kinna mabasa, eto kahi yengo yofuneyetchetcha, nari. So nnafuna dimarihe korida inatamanga miyo, dimarihe mabasa udirumile Nabwiya Yesu ira divweyihe Muselu Wapama zela sayi da Mulugu.>>

Joira ja Anamarumiwa 20:36

Agawongile mazwale, mulombwana Pawulo ohokokoraga na atu atene kaligi evale, aliwa lobela.

Joira ja Anamarumiwa 21:5

Tempu yagakwakwanne, hiyo nohomanga ulrendo wehu ira nidowege sogolro. Afwihu ale, alombwana, ahiyana vamohi na ahimiwa, atene kohonivelela kuma sidadi, dowa tcherela ya bara. Nagafiyile tcherela ya bara ule, nohokokora mutcherelani mule, hiyo lobela.

Joira ja Anamarumiwa 3:1

Siku nimohi, Peduru na Juwawu kohovenya ira kadowe Nyumba ya Yehova kalobele lobela wa 15 ora, nnga veretcha atu.

Joira ja Anamarumiwa 4:29

Nabwiya peno hiyo nnauvepani ira muvwe jotutcha jinawonga atu ji. Munivahe kopolo hiyo anamalaba enyu ira niwandege wonga mazwinyu molimbiha murima.

Joira ja Anamarumiwa 5:20

kwi: <<Mudowe Nyumba ya Yehova, mwaalaleyege atu mazu vatando vene zela ingumi ixa inafwanyeya na Yesu.>>

Joira ja Anamarumiwa 5:29

Peduru na anamarumiwa afwaye mbwenye kohowonga keraga: <<Ifwanele ninvwelele Mulugu hiya avwelela atu.

Joira ja Anamarumiwa 7:60

Mwa enne ohokokoraga, liye wonga mokuwa eraga: <<Nabwiya, mwaalevelele atwala yotega inaira atu ila.>> Nowonga eno, liye mariheya, roma gona, gona wa ukwa.

Joira ja Anamarumiwa 9:40

Vevale Peduru ohakumihagamo atwale. Kagakumile, Peduru ohokokoraga, liye lobela anvepaga Nabwiya. Agalobenle, ohorungunutcha kovaye, liye ing'ana mutembole, kwi: <<Tabita, kavenya.>> Evale muhiyanole ohogudubulra meso. Agamuonne Peduru, ohovenya, liye garati.

Efezo 3:14

Na mwasa wa jatene Mulugu juireleni liye, miyo dagali Pawulo nnokokora na mabodo aga vamentoni va Baba

Filipo 1:14

Eto abalihu oindjiva a uno, kagadionne ira dili mukadeya eni, koholimbiheya ira kamuroromelegeve Nabwiya. Malambwala, muwari molimbihiwa, analaleya mazu mohokayikela, mohoova hiyaniha na makalelo kanna atu wanle.

Filipo 1:20

Miyo ilukuluwa inafunetchetcha miyo, yodediha ilukulu inna miyo, ili ira dahakayena manyazo. So mbwenye nnafuna dilabe mabasaga na mmirimani mwaga mwatene ira Kiristu ateteliwe muwari mwa joira jaga. Masiki dikwe, masiki dikalewo, nnafuna Kiristu ateteliwe muwari mo kalawo waga.

Filipo 4:6

Kamukukumuwe zela yengo ili yatene. So muwari mwa jatene, munvwihege Mulugu jatene jinafuna nyo. Ku wonga inafwanela mulobelege, munvepaga muwari momutamalela.

Koloso 3:17

Inafwanela eto jowonga jenyu, joira jenyu, jatene jene muirege na nzina na Nabwiya Yesu eto muiregena muwari momutamalela Mulugu Baba movira mwa Yesu.

Eberewu 13:15

Nona inafwanela nivelelegeve mukuto wehu omutamalela Mulugu muwari mwa Yesu ora ili yatene. Mukutuwa ku wonga jowonga jehu na milomo dihu niromolege nzina naye.

Eberewu 4:16

Nona tempu inasegedeya hiyo inafwanela niwande kwivela mohokayikela mpando wa umwene wewo unakumela sayi ira niwande wendeliwa tangaranga eto nifwanye sayi ira niwandege kamihediwa tempu inafuna hiyo nnga nikamihediwe.

Jowandeliwa 2:10

<<Tchineneva nyo munoonihiwa goyi. Kavuruwanani, Diyabo uli vakwikwi vene ira aze, autukuleni, auvokedeni nyo amohiwa mukadeya ira muxixiwe. Xixiwa wenyu unafuna ukale wa malambo kumi. Mbwenye kamukukumuwe, inafwanela mudiroromele miyo fiyeda mukwele nzina naga. Tchoira mwafiyeda kwela nzina naga, miyo nnouvahani tchapowa wa ingumi.

Jowandeliwa 2:13

Liye unawonga ira: Miyo dihiiziwa vinakala nyo. Dihiiziwa ira munakala vevo vili mpando wa umwene wa Satana. Mbwenye mulive ohideda nzina naga eto nne kamudirunile, masiki mwagaonneve piwa wa nfwinyu Antipaji, wenno afwanyeya agali mutu ororomeleya odihidedela umboni, wenno upiwele nzina naga wewo unakala Satana munafwanyeya nyo.